CHAPITRE CXIII

Comment li rois d'Engleterre demora la nuit suivante en son vassiel et comment les nouvelles de sa victore furent sceues devant Thunl'Évesque.

Quant ceste victore fu ensi avenue au roi Édouwart d'Engleterre et que la mer fu délivrée de ces esqumeurs, li rois et toutes ses gens demorèrent la nuit Saint-Jehan et à lendemain jusques à neuf heures sus la mer, et menant grant noise et grant joie des instrumens que il avoient, et amenoit li rois d'Engleterre en sa compagnie bien trois cens prestres, lesquels il avoit mis hors d'Engleterre pour célébrer et faire l'office de Dieu en Flandres, car papes Clémens VI resgnans pour ce temps \ à la requeste et ordenance dou roi de France, avoit jette une sentense d'esqumenication par toutes les parties de Flandres, et n'estoit nuls prestres flamens , sus estre encours en sentense esqumenicative, qui osast canter, ne faire le divin office, ou estre privés de son bénéfisce se il le tenoit, et pour che, à la requeste et pryère dou païs avoit li rois d'Engleterre amené tant de prestres et pour faire canter en Flandres. Ces nouvelles s'espardirent moult tos par tout le païs que li rois d'Engleterre avoit pris terre à l'Escluse en Flandres et desconfi les Normans et tout mis à bo^t^

» Z«6'^2? ; Benoît XII.

* Personne n'osa, raconte-t-on, annoncer à Philippe de Valois la destruction de sa flotte, et ses conseillers chargèrent do ce soin l'un des fous de la cour. Il accusa les Anglais de manquer de courage, en disant au roi qu'ils avaient été trop timides pour se précipiter dans les flots comme ses intrépides serviteurs do Franco et de Normandie. Walsingham, p. 134.

Si en furent tout chil qui l'amoient et qui le mieus de sa venue valoir quidoient, resjoy. Le jour Saint-Jehan au matin furent ces nouvelles sceues et publyés devant ThunrÉvesque tant en l'oost dou conte de Hainnau comme dou duch de Normendie. Par aparant li François ne fissent point trop grant compte de ces Normans et dissent li auqun : « On n'a riens perdu se chil esqumeur de mer « sont mort et péri. Il n'estoient que larron : il ne lais- « soient point de poisson venir par deçà, nous n'en « poions point avoir pour euls . Li rois de France a à lor mort « gaegniet deux cens mille florins. On leur devoit lors « gages de quatre mois, et si en est la mer délivrée. » Ensi, ne aultrement ne les plaindoient moult d'hommes en l'oost le roi de France et le duch de Normendie, et li auqun disoient puisque li rois d'Engleterre a eu celle première aventure de desconfire les Normans et les Genevois et que les victores le commencent à agratyer, il en auera encores des aultres, et bien le dist li rois Eobers de Cécille, de Naples et de Jhérusalem, que li sengler de Windesore ficeroit encores ses dens moult parfont ens es portes de Paris, et chils Édouwars est li sengler s de Windesore, ensi que dient les prophésiesde Merlin selonch le livre de Brutus.