CHAPITRE CXIV
Comment li rois d'Engleterre descendi en Flandres ; comment li dus de Normendie donna congiet à ses gens d'armes, et des parlemens qui furent à Gant, à Valenchiennes et à Villevort.
Le jour Saint-Jehan-Baptiste en l'an de grasce desus dit et sus le point de neuf heures, issi li rois d'Engleterre de la navie qui estoit à l'ancre devant l'Escluse et li
signeur d'Engleterre aussi, et vinrent en la ville de l'Escluse et là furent recheu à grant joie, et but et mengea li rois un petit, et puis tout de piet il vint à Ardenbourc veoir l'image de Nostre-Dame, en cause de dévotion, et là fu tout le jour, et là le vinrent veoir li bourgeois de Bruges qui li recordèrent des besongnes de Flandres et comment Jaquèmes Dartevelle, ses grans amis, estoit avoecques le conte de Hainnau et le duc de Braibant et les Alemans, à bien soisante mille Flamens, à l'encontre dou duch de Normendie logiés, et couroit renommée que il i aueroit bataille. Ces paroles entendi li rois d'Engleterre volentiers pour tant que Dartevelle estoit si bien en la grasce des Flamens que il les menoit où il voloit. Si mist tantos li dis rois clers en œuvre et messagiers, et escripsi au conte de Hainnau et à ces signeurs le duc de Braibant, le duch de Guéries, le conte de Jullers et tous les aultres, son estât et la manière de Testât et victore que il avoit eu sus mer à l'encontre des Normans ; et quant il ot fait ce pour quoi il estoit venus à Nostre-Dame d'Ardenbourch, ils et auquns signeurs montèrent sus chevaus que on lor amena de Bruges et cevauchièrent et vinrent à Gant, et trouvèrent madame la roine Phelippe, qui nouvellement estoit relevée d'un biau fil, liquels avoit à nom Jehans contre * le duch Jehan de Braibant, et puis fu dus de Lancastre.
Li rois et la roine qui estoit logié en l'abéie de Saint - Pierre se conjoïrent (ce fu raisons) ensi que gens qui s'entr'amoient grandement. Si se tint là li rois et se rafresqui, et aussi fissent li signeur d'Engleterre et lors gens et s'espardirent petit à petit parmi le pais de Flandres, eus es
» Contre, h cause de.
bonnes villes et aillours, et estoient par tout conjoï et requelliet liement, car il paioient bien tout ce que il prendoient.
Quant li signeur d'Alemagne qui gisoient devant Tbunl'Êvesque furent segnefyet dou roi d'Engleterre que il estoit à Gant et que là les atendoit, si en furent grandement resjoy , et orent là consel l'un par l'aultre que il se deslogeroient et iroient veoir le roi à Gant. Si se deslogièrent et se départirent, premièrement tantos les communautés de Flandres, de Hainnau et de Braibant, et retournèrent en lors villes. Ensi se desrompi ceste grande assamblée, et li dus de Normandie se retraïst en Cambrai et donna grant fuisson de ses gens d'armes congiet et les envoia par garnisons et par espécial en Lille, en Douai et en Tournai sus les frontières de Flandres, et pour ce que renommée couroit que li rois d'Engleterre et ses aloyet venroient mettre le siège devant la chité de Tournai, on i envoia le conte de Fois et le conte de Comminges, le visconte de Burniziel, le visconte de Talar, le visconte de Villemur et le visconte de Nerbonne à bien cincq cens armeures défier, de Bidaus et de Foisois, et encores furent envoyet enMortagne séans sus l'Escaut, li sire de Beaujeu à tout grant fuisson de Bourguignons et de Biaujolois. En la ville de Saint- Amant-en-Pevle furent envoyet biaucop de Bidaus à dardes et à pavais, desquels messires Pierres de Carchasonne, uns moult gentils cevaliers, estoit capitainne. Toutes les garnisons françoises de là environ furent pourveues de ce que il lor besongnoit pour atendre l'aventure et passer la saison ; et se tint li dus de Normandie à Cambrai un lonc temps, et li rois de France se tenoit à Piéronne en Vermendois, et donnoient saudées à tous genevois et prouvenchiaus arbalestriers, et quant il
estoient payet pour trois mois, on les envoioit oultre sus les passages et frontières, là où on supposoit que il besongneroient.
Quant li contes de Hainnau et li baron d'Alemagne et li
dus de Braibant se départirent de l'oost de devant Tbun-
l'Évesque, il se traïssent à ce retour à Valenchiennes, et
tout dis Jaquemart Dartevelle en lor compagnie, ne on ne
faisoit riens sans lui pour tant que toute Flandres estoit
en son obéissance, et tenoit ung estât aussi estofé comme
li dus de Guéries, et plus grant; et par espécial li contes
de Hainnau et li dus de Braibant le tenoient grandement à
amour, pour tant que lor païs marcissent à Flandres. Si
en pooient estre aidié dou jour à l'endemain. Li contes de
Hainnau et la contesse sa femme requelli ces signeurs en
Valenchiennes moult grandement et lor fist de biaus dis-
ners et soupers, cincq jours que il i furent, et là précea li
dis Dartevelle enmi le marcliiet et estoit montés en la
haie des signeurs, là où on annonce les bans, et fu volen-
tiers oïs, car il avoit grant sens et bielle parleure , et re-
monstra quel droit li rois d'Engleterre avoit au calenge de
la couronne de France, et ausi quelle poissance li troi païs
avoient, Flandres, Hainnaus et Braibant, quant il estoient
conjoint ensamble et d'un acord et aliance. Chils Jaquè-
mes Dartevelle parla si proprement à la plaisance dou
peuple qui là estoit asamblés pour oïr ce que il voloit dire,
que quant il conclut son sermon, une vois généraus et
murmurations se eslevèrent en disant : « Dartevelle a bien
« parlé et par grande expériense et est dignes de gouver-
ft ner et excerser le païs de Flandres. »
Apriès toutes ces coses faites et dittes, li signeur liquel estoient à Valenchiennes prissent congiet l'un à l'aultre, et eurent ordenance de estre dedens sys jours apriès à Gant
deviers le roi d'Engleterre, et i furent; et les rechut li rois d'Engleterre et la roine liement et doucement et là parlamentèrent ensamble et fu là acordé que li rois d'Engleterre venroit à Villevort où autrefois avoit esté et là seroient li signeur tout chil qui présentement estoient à Gant, et pluisseur aultre qui point n'estoient là. Donc se départirent dou roi d'Engleterre et s'en retournèrent li dus de Braibant en son pais et li contes de Hainnau à Valenchiennes où la contesse sa femme se tenoit ; mais li signeur d'Alemagne demorèrent à Brouselles et à Malignes et à Louvaing pour estre plus apparilliet au jour de ce parlement, et li dis Renauls de Guéries, serouges au roi d'Engleterre, demora à Gant et vint à Villevort avoecques le dit roi.
A ce parlement furent tout li signeur qui i dévoient estre et qui aliance avoient au roi et principaument Jaquèmes Dartevelle comme chief de Flandres, et de toutes les bonnes villes de Flandres quatre hommes notables, ensi de Braibant et de Hainnau.
A ce parlement qui se tint à Villevort, fu acordé et déterminé , juret, escript et séelé que les trois païs, c'est assavoir Flandres, Braibans et Hainnau, faisoient certainnes aliances ensamble, et proumetoient et juroient les cbiefs des signeurs, Jaquèmes Dartevelle, comme souverains de Flandres, et toutes les bonnes villes des trois païs que ils demorroient en une unité ensamble, et seroient aidant et confortant l'un l'aultre et aideroient le roi d'Engleterre à mettre à chief de sa guerre, et prissent de toutes cesparoles ordenances et convenances li signeur et les bonnes villes, lettres séelées et instrumens publiques à tenir ferme et estable à tous jours mes, sus painne de encourir en contredit de Home et sentense d'empereur. Et fu là aresté et
ordonné avoecques toutes ces devises que casquns sires, selonch sa poissance, venroient et seroient dedens le jour de la Magdelaine ou là environ avoecques le roi d'Engleterre devant Tournai et là tenroient le siège tant que ordenance dou tenir se porteroit, sans fraude, malenghien, ne dissimulation. Sus cel estât se départirent li signeur l'un de l'aultre et retournèrent eus lors lieus et fissent lors pourvéances, et li rois d'Engleterre et Jaquèmes Dartevelle retournèrent à Gant. Trois jours apriès la revenue dou roi d'Engleterre à Gant, s'acouça la femme de ce Dartevelle d'un fil et ot nom Phelippes contre la roine Plielippe d'Engleterre et le tinrent à fons li rois d'Engleterre et la roine. Chils enfès nommés Phelippes fu depuis moult sages et bacelereus et obtint tout le païs de Flandres à l'encontre dou conte et des signeurs et dou roi de France, ensi que vous orrés recorder avant en l'istore.
