CHAPITRE CXV
Comment li rois d'Engleterre mist le siège devant Tournai.
Toutes les paroles, devises, ordenances et convenances qui à ce parlement à Villevort furent dites, proposées et acordées, sceut li rois Phelippes qui se tenoit à Piéronne en Vermendois, et s'i estoit tenus ou là environ depuis que son fil le duc de Normendie avoit fait sa cevauchie ens ou païs de Hainnau. Si s'avisa sur ce et fu sa intension que, se ses adversaires d'Engleterre venoit devant Tournai, il le combateroit, et très-bonne volenté il en avoit.
Or vint li termes que li signeur de l'empire dosus nommé se deubrent trouver devant Tournai, li bleds et les avain-
nés as camps commençoient à meurer, et li fâin estoient fené et les auquns à fener, et c'est li temps que les gens d'armes demandent pour euls et pour lors cevaus. Li rois d'Engleterre qui chief estoit de la besongne, volt monstrer meute pour esmouvoir tous les aultres et avoit requelliet tous les Englois qui espars estoient en Flandres, en Hainnau et en Braibant, et se départi de Gant, en grant arroi de charroi et d'ordenance, et estoient en sa compagnie wit contes, deus prélas, quatre cens chevaliers et douse mille archiers. En ces quatre cens chevaliers estoient vint-et-wit banerès, tous grans signeurs, et les contes, doubles banerès, et menoient casquns de ces signeurs grant arroi, et estoit messires Robers d'Artois ou nombre de ces contes ; car on le nommoit le conte de Eicemont, et pooit celle terre de Ricemont valoir en revenue par an environ sjs mille florins et li avoit li rois donnée pour tenir son estât', car comment que messires Eobers d'Artois fust banis et escachiés de France, ensi que ichi desus est dit, il estoit li uns des plus nobles de sanc et des gentils hommes des crestyens, et issus de la droite génération dou roi saint Lois.
* Robert d'Artois ne porte ce titré dans aucune des chartes si nombreuses qui ont été publiées par Rymer. Le comté de Richemont avait été restitué à Jean de Bretagne le 12 janvier 1327. Le 24 mai 1334 Edouard III en assura l'héritage au duc Jean de Bretagne. Par une autre charte du 24 septembre 1341 il transmit ce comté à Jean de Montfort. Richemont avait été bâti, lors de la conquête, par Alain de Bretagne. — Il se peut toutefois que lorsque Jean de Montfort fut enfermé au Louvre, et que plusieurs, comme notre chroniqueur luimôme, croyaient qu'il était mort dans sa captivité, Edouard III ait disposé du comté de Richemont en faveur de Robert d'Artois. Il est en effet à remarquer que ce fut au moment même où Edouard III venait d'apprendre la mort de Robert d'Artois, qu'il en disposa en faveur de son propre fils, Jean de Gand (novembre 1342). Voyez les Actes de Uymer.
Li rois d'Engleterre et toute son hoost passèrent paraii Audenarde et passa là l'Eschaut , et s'en vint logier devant Tournai à la porte que on dist de Saint-Martin, ou cemin de Lille et de Douai. Assés tos apriès vinrent tout li signeur, car il avoient ordonné et préfichié le jour que il dévoient estre devant Tournai et tout premièrement vint li dus de Braibant, ses cousins germains, et amena bien vint mille hommes, sans les chevaliers et esquiersdont il ot plus de quatre cens, et se logea li dus devant Tournai, et comprendoit son hoost grant quantité de terre, et estoient Braibençonlogiet au Pont-à-Eiés contreval TEscault, mouvans de l'abéie Saint-Nicolas, revenans viers l'Espire ' et la porte Valenciennoise. Tantos vint aussi li contes Guillaumes de Hainnau et amena grant fuisson de cevaliers et d'esquiers de Hainnau et de Hollandes, et estoient li contes et ses gens logiés entre l'oost le duch de Braibant et le hoost le roi d'Engleterre. Apriès vint Jaquèmes Dartevelle à plus de soissante mille Flamens, et se logièrent à la porte c'on dist Sainte-Fontainne % et avoient li Flamens fait un pont sus l'Escaut de nefs et de claies, bon et fort pour aler et venir sus à leur aise et charyer sans péril, et aussi li Braibençon liquel estoient logiét sus l'Espire, ensi que li Escaus entre en la chité de Tournai, avoient parellement fait un tel pont. Li dus de Guéries, li contes de Jullers, li contes des Mons, li marquis de Misse et d'Eurient, li marquis de Blanquebourc , li sires de Fauquemont , messires Ernouls de Baquehem, messires Guillaumes de Duvort, et li Alemant estoient logiet deviers les Marvis au lés deviers Hainnau, et comprendoient lors logeis jusques à la
' Espierre.
' Lisez: de Se])t-Fontames.
porte de Sainte-Fontainne. Ensi estoit la cliité de Tournai qui est de grant cirquité, environnée de tous lés, ne riens n'i pooit issir, ne entrer sans le sceu et dangier de ceuls de l'oost.
Li contes de Namur s estoit esqusés deviers le conte de Hainnau de qui il relieuve sa terre et l'en doit service, pour tant que il n'estoit pas chief de la besongne, mais li rois d'Engleterre, et ne se voloit pas armer li dis contes contre le roiaulme de France.
