CHAPITRE CXVI

Comment li contes de Hainnau ardit pluisseurs villages et comment les Flamans faisoient assaus etescarmuces à ceuls de Tournai.

Ce siège fait et aresté devant la belle et bonne chité de Tournai, ensi que vous poés oïr, dura longuement ^ Et

» Froissart ne parle pas du défi qu'Edouard III adressa à Philippe de Valois le 26 juillet 1S40. Il a été imprimé par Rymer, et le texte original en est conservé aux Archives impériales à Paris. Selon une note écrite de la main de Gérard de Montaigu, garde du trésor des Chartes, Philippe de Valois aurait mis pour condition à ce cartel qu'Edouard III y portât pour enjeu le royaume d'Angleterre :

« Et disoit-on encores lors, que le roy Philippe de Valois dessus dit, qui tant estoit vaillant de cuer et puissant de corps, fist offrir de bouche audit roy d'Angleterre, que se il voloit mettre en jeu ou en parti son royaume d'Angleterre contre le royaume de France, combien que ledit royaume d'Angleterre ne soit point pareil au royaume de France, se combatroit volontiers audit roy d'Angleterre corps contre corps, seul à seul, par telle manière que celui qui aroit victoire de son ennemi, eust paisiblement les deux royaumes de France et d'Angleterre. Mais le roy d'Angleterre le refusa et ne volt mettre en gageure que le royaume de France tant seulement, ouquel il n'avoit rien, ne n'avoit aucun droit.

cf MONTAGU. »

(Orig. pareil. Arch. de l'emp. Trésor des Chartes, J. 636, n» 12^").

estoient tout cliil qui asségiet Ta voient, bien pourveu et avitaillet de tous vivres et à bon marchiet, car il lor venoient de Flandres, de Hainnau et de Eraibant. Et i eut, le siège tenant et durant, là environ fait pluisseurs belles et grandes appertisses d'armes et cevauchies desquelles nous ferons mention , et plus en fissent li Hainnuier que nuls des aultres, car li contes de Hainnau qui estoit jones, hardis et entreprendans, et messires Jehans de Hainnau son oncle, avoient si fort encargiet ceste guerre et pris en si grant desplaisance et despit la cevauchie que li dus de Normendie avoit fait en Hainnau, que il ne le pooient, ne voloient oublyer . Et se départirent li dis contes et ses oncles une matinée de l'oost à plus de cincq cens armeures de fier et passèrent costiant la ville de Lille et à la veue de chiaus qui dedens estoient, et vinrent ardoir Habourdins et Seclin, Rouchins et tous les villages de là environ et la ville et abbéie de Chisoing et Baissi et tout le païs jusques au Pont-à-Eaisse à une lieue de Douai et puis se retournèrent viers Landas et viers Orchies et les ardirent. Riens n'estoit déporté derrière euls et devant euls, et quant il orent fait celle envaïe, il s'en retournèrent en l'oost. D'autre part li Flamenc qui estoient logiet à la porte de Sainte-Fontainne, ne se tenoient point quoi, mais faisoient tous les jours deviers lors lés à la chité de Tournai assaut et escarmuce, et ensonnioient moult les Tournissiens, et entre les assaus que li Flamenc fissent, il en i ot un qui dura un jour tout entier, et là ot mainte grande apertisse d'armes faite, car tout li chevalier qui en Tournai estoient furent pour cel assaut ensonnyet, et estoient Flamens en grandes nefs armées et apparilliés à ce pour assallir, et avoient en ces nefs arbalestriers qui traioient à ceuls de dedens, lesquels il convenoit estre bien

pavesciés, ou il euissent trop grandement perdu, et là ot à

cel assaut biaucop de hommes navrés et bléciés, et quant ce vint au soir, li assaus cessa et retournèrent Flamens à lors logeis ' .