CHAPITRE CXVIII
Coinment li contes de Hainnau assalit Mortagne.
Nouvelles vinrent en l'oost devant Tournai au conte de Hainnau, que li saudoyer de Saint- Amant estoient issu et avoient ars la ville de Hanon et l'abéie, et encores avoecques tout ce il estoient retourné par Vicongne, et avoient ars la maison dou Proucolet et abatu le moulin et la fontainne et s'estoient mis en grant painne de destruire et ardoir la belle abbéie de Vicongne ' ; mais li Valenchiennois l'en avoient sauvé et respité par le secours de cincq cens compagnons que il i avoient envoiet. Donc crola li contes de Hainnau la teste et dist : « Chil de Saint- Amant « sont trop reveleus : il les nous fault aler veoir et ceuls
* L'église de Vicogne avait été reconstruite vers 1260. Elle était l'une des plus belles du pays, toto hoc tractu spectabiîis^ disent les auteurs du Qallia Christiana.
« de Mortagne aussi, mais ce sera plus proçainnement « que il ne quident. » Si se départi un jour li contes de l'oost, et son oncle en sa compagnie, et avoient bien Hainnuiers et Alemans sept cens lances et s'en vinrent devant Mortagne. Quant il furent là venu, li dis contes envoia à Valenchiennes et leur manda que il venissent pourveu et estofé de toutes coses ensi que pour assalir Mortagne.
Chil de Valenchiennes, le mandement dou conte veu et oï, il s'ordonnèrent à ce et cargièrent enghiens sus chars, tentes et très, pourvéances et artelleries, et se départirent de Valenchiennes bien douse mille hommes et les conduisoient li doi prévostde la ville, Jehans de Baissi et messires Gilles li Eamonniers , et vinrent passer à Condet les deus rivières la Hainne et l'Eschaut, et ceminèrent à piet et à ceval tant que il furent devant Mortagne et trouvèrent là le conte qui fu moult resjoïs de lor venue. Si se Ipgièrent et fu avisé comment on poroit Mortagne assallir et porter contraire ; car li contes de Hainnau avoit grande affection dou prendre, et disoit bien que se il l'avoit pris et que il en tenist la posession, jamais ne le remeteroit arrière. De Mortagne estoit pour lors chapitainne uns moult vaillans chevaliers, liquel se nommoit Édouwars, sires de Biangeu, et avoit avoecques lui des Bourgignons et des Savoy ensbiaucop et tout flour de gens d'armes. Li sires de Biangeu avoit fait pilloter l'Escaut, avant que li Hainnuier venissent là, de bien douse cens pillos, afin que on ne peuist amener nulles nefs sus la rivière poureuls assallir, et avoit grandement remparet et fortefyet la ville de Mortagne , car li François espéroient bien que il aueroient l'assaut, puisque li sièges seroit devant Tournai. Pour ce ne demora pas que li contes de Hainnau ne venist de l'un des costés avoecques ses Hainnuiere et Hollandois, et li Valenchien-
tiois d'autre part, et fu Mortagne assaille à deus portes et à deus lés. Li sires de Biaugeu estoit au plus foible, au lés deviers Maude à la porte qui ouvre sus le Scarp , et ses cousins li sires de Saint-George estoit à la porte d'Escaut par où on va à Antoing et en Hainnau. Chil de Valenchiennes avoient fait lever un grant enghien et deus espringalles ; li enghiens jettoit pierres de fais dedens la ville et les espringalles, grosses plommées. Là estoient li arbalestrier de Valenchiennes et traioient à pooir sus les deffendans, douquel trait il en blechièrent pluisseurs. Li sires de Biaugeu fu uns g-rans et fors chevaliers, preus et hardis as armes, et tenoit une lance enferrée d'un bon fier, et au fier avoit un crocet par quoi, quant il pooit en lançant assir le croq et atachier , il tiroit à lui par celle manière (car il avoit fors bras) que il convenoit que il s'en alast deviers lui, et par celle ordenance fist li sires de Biaugeu ce jour tamainte apertise d'armes et ni avoit homme qui ne le doubtast. Li Hainnuier furent devant Mortagne trois jours et trois nuis, et petit i reposèrent que tousjours il ni euist assaut ou escarmuce , car se elle fu bien assaille , elle fu bien deifendue , ensi que il i apari ; car li Hainnuier ni porent riens conquérir , ne pour enghien que il amenaissent de Valenchiennes, ne pour aultre cose. Avant i ot plus de lors gens navrés et bléciés que des François , car à parler par raison et à considérer toutes coses, Mortagne dalés Tournai est trop forte place, et pour ces jours elle estoit pourveue de bonnes gens d'armes , sages et confortés , et fust à garder plus périlleuse forterèce assés de deffense que ceste ne soit.
