CHAPITRE CXX
Comment li rois de France vintselogierau Pon<>k-Bouvines et comment li Alemans desconfirent les saudoyers de Mortagne.
Ensi se portoient les aventures doloreuses pour les marces voisines et frontières de France et de Hainnau , le siège estant devant Tournai, et devés sçavoir que li rois Phelippes et li dus de Normendie , ses fils , et li signeur
de France, estoient enfourmé de la grigneur partie de ces fais et prissent grant desplaisance à la destruction de Saint- Amant, et estoit li intei^sion dou roi et de son consel que il i pourveroient, et se départirent li rois et li signeur d'Arras là où il avoient fait lor mandement, pour venir viers Tournai, et s'en vint lï rois de France logier à toutes ses hoos au Pont-à-Bouvines et estoient li François plus de cent mille hommes, et tousjours lor croissoient gens et venoient de tous lés, et estoit li intension dou roi Phelippe que jamais ne retourneroit en France si aueroit combatu les Englois et les Alemans.
En ce temps que ces guerres estoient si caudes et si fortes et que li sièges se tenoit devant Tournai , estoient troi chevalier alemant en garnison ens ou chastiel de Bouçain , et tout troi avoient nom Conrart. Li doi de ces chevaliers avoient affection de venir au siège de Tournai veoir Testât et pryèrent à lor compagnon que par grâce il vosist entendre à garder la forterèce jusques à lor retour, et il aueroient gré. Il lor acorda. Si se départirent de Bouchain et cevauchièrent tant que il costyèrent Valenchiennes et voloient venir à Condet pour là passer les rivières de la Hainne et de l'Escaut. Ensi que il cevauçoient euls vintime tant seulement et estoient entre Frasne et Escaupons, deus villages qui sont entre Valenchiennes et Condet, il regardèrent sus les camps et veirent gens fuians et monstroient que il estoient en grant effroi. Si cevauchièrent au devant et leur demandèrent pourquoi il fuioient, il respondirent : « Nous fuions à sauveté, car chi a en ce village sont entré auqun compagnon françois et c< créons bien que il sont issu de Mortagne et requellent la « proie et l'asamblent, et avoecques tout ce il ont jà pris « hommes et femmes que il en voellent mener. » Quant
chil chevalier entendirent ces paroles : « Retournés, « bonnes gens, nous irons veoir que c'est ; et sont-il grant « fuisson? » — « En nom Dieu, signeur, respondirent-il, i « sont plus de cent. » Donc demandèrent li chevalier : « Et « comment appelle-on celle ville à ce grant clochier?*» Il respondirent : « Frasne. » — « Or aies celle part, dissent « li chevalier, et esmouvés les hommes de Frasne et faites « recoper les cloces, par quoi tout s'esmuevent femmes « et hommes de la ville , et les faites tous issir hors , car « nous les poursieverons et meterons en enbusque au lonc « de celle haie, et verons quels gens il sont, et lors calen- « gérons lor proie. » Il le fissent tout ensi et vinrent à Frasne et trouvèrent les hommes de la ville qui gardoient lormoustier. Se lor dissent ces nouvelles. En celle propre heure vint là li sires de Frasne qui venoit de Valenchiennes et estoit là establis pour aidier à garder la ville et jà savoit que il i avoit pillars venus à Bruel et à Escaupons et avoient aquelliet la proie des praieries. Si voloit, selonc sa puissance, deffendre et garder ses gens et sa ville, et estoient dys lances et vint arhalestriers. Quant il oï ces nouvelles de ceuls de la garnison de Bouçain, si en fu tos resjoïs, car il les sentoit moult vaillans hommes, et requella tous les hommes aidables de sa ville et fist ensi que li premier li avoient dit. Ces saudoyers de Mortagne, quant il orent fait lor quelloite, il missent ensamble bien deus cens bestes et prissent lor retour et les fissent cachier devant euls, et tout ce veirent chil qui estoient en enbusque et les laissièrent passer et aler tout oultre, et jà estoient ou bois quant chil de Frasne vinrent. Quant il furent tout ensamble, il se missent au cemin le bon pas et poursievirent ceuls qui enmenoient la proie et biaucop de prisonniers, et ne pooient tos aler pour la cause dou bestail, ensi que
assés priés de Nostre-Dame-ou-Bos il raconsievirent ces pillars, voiras li home de ce val premièrement, et commenchièreut à escryer : « Hainnau ! » et abaisièrent les glaves et se boutèrent entre euls et en ruèrent jus de lors cevaus de premières venues sept. Li aultre se missent à deffense, car il avoit des gentilshommes qui là estoient venu pour gaagnier, ensi que auqun baceler s'avancent. Là ot bon hustin et dur, et monstrèrent li François deffense , mais chil Alemant estoient droite gens d'armes et bien usé et coustumé de tels besongnes, et avintque avoecques le confort des gens de piet , arbalestriers et aultres qui les sievoient, la proie fu rescouse, et tout chil et celles qui pris estoient, délivret, et en i ot des François mors jusques à quinse et pris plus de vint-cinq, et li aultre se boutèrent en bos et se sauvèrent. Ce service fissent li doi chevalier alemant qui issu estoient de Bouçain, à ceuls de Bruel et d'Escaupons, et furent li prisonnier menet à Valenchiennes, à Condet et à Mons en Hainnau. Si furent li varlet pendu et noyet, et li gentilhomme rançonnet, et li doi chevalier alemant et li sires de Frasne en lor compagnie vinrent au siège devant Tournai, et trouvèrent le conte de Hainnau qui lor fist bonne chière.
