CHAPITRE CXXL

Comment messires Wauflarsdela Crois mist sus une chevauchie et fu pris par les François.

Ensi avenoient les armes ens es frontières de Hainnau et de Tournésis, le siège estant devant Tournai, et quant li Hainnuier entendirent que li rois de France estoit logiés au Pont-à-Bouvines , sus l'enort et esmouvement messire

Wauflars de la Crois qui congnissoit le païs, se mist une cevauchie sus, où il pooit avoir environ sys-vins compagnons chevaliers et esquiers, et fissent de messire Guillaume de Bailluel lor chief et se dévoient tout raloyer à sa banière, et prissent lor cemin viers le Pont-à-Tressin, ou cemin de Lille et de Tournai où moult i a biau païs et plain, et passèrent Froiane et Basien et cevauçoient as aventures, ensi que compagnon font qui se désirent à avanchier et avoir bonne renommée. Ce propre jour cevauçoient Liégeois et Hasbegnons et estoient départi doulogeisl'évesque Aoul de Liège qui là estoit avoecques le roi de France, et avoient cbil compagnon fait lor chapitainne de messire Robert de Bailluel, frère au dit messire Guillaume, et ne savoient ces cevaucbies riens li uns de l'aultre, et avoient li Liégeois et li Hasbegnon qui s'estoient levet bien matin, jà passé le Pont-à-Tressin, et cbevauçoient en ce plain païs de Tornésis et voloient as aventures ensi que li Hainnuier qui cevauçoient et riens à ce ne trouvoient, et fist celle matinée si grant bruine que on ne pooit veoir un demi bonnier de terre loncb, ne en sus deli, et passèrent li Hainnuier le Pont-à-Tressin pour aller viers Lille. Quant il furent oultre, messire Wauflars de la Crois ordonna messire Guillaume de Bailluel et sa banière à demorer au pont et là atendre au passage et dist : « Nous quatre che- « valiers, Rasses de Monchiaus, Jehans de Serre, Jelians « de Wargni et je, irons descouvrir. Entrues s'apaisera li « airs et cessera la bruine. » Il fu acordéet passèrent chil quatre chevalier oultre et cevauchièrent fort, car il estoient bien monté et furent decheu par le bruine, car il ne veoient point lonch, ne autour de euls, et ne se donnèrent de garde, si furent enbatu ou logeis le roi de Boesme et de l'évesque de Liège. En celle propre heure, li sires de Rodo-

mac et ses gens s'aparilloient pour cevauchier et aler fouragier, etestoient jà le plus monté à chevaus. Il veirent et oïrent l'effroi de ces quatre chevaliers qui jà estoient entré en lors logeis et se metoient au retour, car il veoient bien que il s'estoient mespris. Li sires de Rodomac avoit demandé : « Quels gens sont qui cevaucent? » On li avoit respondu et dit que c'estoient Alemant ou Hainnuier. Si dist à celi qui portoit sa banière : « Banière avant! aprièsî « apriès ! » Donc se missent en cace li sires de Rodomac et ses gens et poursievirent fort les quatre chevaliers desus nommés, qui retournèrent au Pont-à-Tressin et trouvèrent lors gens. Aussitos i vinrent li François. Comme il fussent là, commença li hustins et li rencontres durs et fiers, et tout dis croissoient gens au signeur de Rodemach, car il estoient estourni en lors logeis. Là furent faites pluisseurs apertises d'armes, et s'i portèrent moult vaillamment li Hainnuier, mais la force des Lucembrins ' et des Liégeois les sourmonta et fu la banière à messire Guillaume de Bailluel conquise. Donc fu consilliés li dis messires Guillaumes que il repassast le pont, siques tout en combatant et faisant armes il le repassa et ses gens aussi, et avoient biaucop de painne. Quant il fu oultre le pont, il fu qui li dist: « Sire, sauvés-vous, car la journée est contre nous. » Il tint ce consel et se ala et passa tant de l'un à l'autre que il s'embla et féri ceval des espérons, et deus de ses hommes tant seullement, chil se sauvèrent. Messire Waufiars de la Crois se quida sauver aussi et se départi en enblant dou puigneis^ et se mist sus les camps et avisa un flascier' où dedens avoit grant fuisson de rosciaus; il se

* Lucembrins, Luxembourgeois.

^ JSn enblant dou puigneis, en s'éloignant de la mêlée.

» Flascier, marais.

bouta là et jà avoit-il laissiet aler son ceval. 11 ne voloit sauver que son corps, car trop resongnoit à estre pris pour les haines que chil de Lille avoient sur lui. Encores se combatoient les gens à messire Guillaume de Bailluel dedens la ville dou Pont-à-Tressin li uns çà et li aultres là, et avint que tantos apriès ce que messires Guillaumes de Bailluel fu départis, messires Robers de Bailluel, ses frères, et ses gens qui retournoient de fouragier, vinrent à broçant de l'esperon au Pont-à-Tressin et trouvèrent les conbatans, les deffendans et les assallans. Li Hainnuier veirent la banière de messire Eobert de Bailluel que Jaques de Forvie portoit, et quidièrent que ce fust la banière de messire Guillaume de Bailluel, lor cbapitainne, car la brisure des deus frères estoit moult petite et crioient tout doi : « Moriaumés ! » Si se commenchièrent à ralyer viers la banière, et quant il estoient là trait et venu, il estoient derecbief combatu, car il trouvoient lors ennemis qui bien les congnisoient et euls n'en congnissoient nuls. Par ce parti d'armes et la dure aventure, furent au Pont-à-Tressin ruet jus li Hainnuier, et ceuls qui à compagnie avoecques euls estoient. Petit s'en sauvèrent, qui ne fuissent mors ou pris. Là furent mort trois bon chevalier de lor costé, messires Jehans de Wargni, messires Gontiers de Ponte-Larce, et messires Guillaumes de Pipenpois et pluisseur aultre bon esquier et hommes d'armes, donc ce fu damages, et pris messires Jehans de Sorre, messire Daniauls de Blèze, messires Easses de Montchiaus et messires Lois de Jupelu et pluisseur aultre. Des sys-vint qui parti au matin estoient de l'oost le conte de Hainnau , il n'en retournèrent que douse que tout ne fuissent mort ou pris. Toutes fois messires Guillaumes de Bailluel se sauva et s'en retourna en l'oost, dont tout li compagnon hain-

nuier orent grant joie, mais li contes de Hainnau et ses oncles furent moult couroucliié de la mort et de la prise des aultres chevaliers et esquiers, quant il le sceurent; mais amender ne le peurent et lor convint passer , et fu grant nouvelle en l'oost de France et en l'oost des Hainnuiers de ceste aventure et de messire Robert de Bailluel qui avoit ruet jus son frère.

Or avint à messire Wauflars de la Crois ce que je vous dirai. Il s'estoit repus et quatis entre rosiaus, ensi que dit vous ai, et se fust là volontiers tenus jusques à la vesprée, mais il ne peut, car li sires de Saint-Venant et ses gens le trouvèrent en la rosière oà il reclamoient un faucon que il avoient perdu. Si se rendi messires Wauflars au signeur de Saint-Venant qui le prist sus pour son prisonnier, et l'euist volontiers sauvé se il peuist ; mais il ne peut, car les nouvelles de l'escarmuce et de sa prise s'espardirent en l'oost, et quant li bourgeois de la ville de Lille le sceurent, si fissent généraument une requeste et pryère au roi que il le peuissent avoir à faire lor volenté en cause de rémunération de ce que il avoient pris le conte de Sasleberi et le conte de Suffort. Li rois de France descend! légièrement à lor pryère et recongneut le service que il li avoient fait. Si lor fist baillier et délivrer messire Wauflars de la Crois. Quant cliil de Lille le tinrent en lor baillie, il l'emmenèrent en lor ville et le tinrent en prison, tant que il vesqui ' . Ensi se portèrent les besongnes, et li sièges se tint devant Tournai.

* On lit, au contraire, dans les éditions de Froissart, que les bourgeois de Lille firent mourir ce chevalier.