CHAPITRE CXXII
Comment li contes de Hainnau ardit la ville de Marchiennes et comment pluisseur chevalier et esquier alèrent escarmucer en l'oost des François.
Assés tôt apriès li contes de Hainnau et ses oncles se départirent dou siège de Tournai à bien cincq cens armeures de fier, et s'en vinrent à Marchiennes et ardirent la ville. L'abéie estoit fortefîé grandement de fossés et de palis, de gens d'armes et d'arbalestriers de Douai que on i avoit envoyet. Messires Ames de Warnans en estoit chapitainne, et estoient ils et les arbalestriers en la première porte et l'avoient bien pourveu de toutes deffenses. Là ot grant assaut et dur et bien continué, et s'en acquitèrent grandement li monne de là dedens dou bien deifendre, et estoient li fossé grant et large et bien profont, liquel estoient imposible à passer sans batiaus ; mais li Hainnuier qui perchurent l'afaire, fissent tant que il en orent. Si entrèrent dedens et avoient amené des arbalestriers et des bollandois piquenaires, liquel sont. ... * et vaillant moult à un assaut. Chil qui estoient ens es bastiaus sus l'aiguë qui venoit de la rivière de Scarp qui vient de Douai et qui là quourt, se missent sus la caucbie qui va de la porte à l'abéie, et petit à petit tant passèrent que il furent plus de cent parmi les arbalestriers. Donc fu la porte assallie de toutes pars et par aiguë et par terre et efForchié maugré tous les deffendans , et se rendi messires Ames de Warnans prisonniers audit conte et auqun gentilhomme qui là estoient et li monne aussi ; mais le demorant il furent ochis ou jette
^ Lacune d*un mot.
Si
en la rivière. Ensi ala de l'abéie de Marchiennes. Elle fu toute arse et essillié, dont ce fu damages ; mais en guerre il ni a nulle pité, ne merchi, et li varlet qui poursivent les gens d'armes, font plus à la fois, quant il se voient audesus de lor emprise , que on ne lor commande.
Apriès la destruction de Marchiennes retournèrent 11 Hainnuier devant Tournai en l'oost, et estudioient nuit et jour comment il peuissent faire auqun esploit d'armes lionnourable,au damage de lors ennemis, et estoient moult courouchiet en coer et en parloient souvent ensamble dou rencontre liquels avoit esté fais au Pont-à-Tressin, là où messires Robers de Bailluel et li sires de Eodemacb ruèrent jus messire Guillaume de Bailluel et lors gens, et disoient que volentiers se contrevengeroient ; et avint que auquns chevaliers et esquiers alemans de la ducé de Guéries et de la conté de Jullers s'aloyèrent avoecques auquns chevaliers de Hainnau, et là furent li sires de Gommegnies, li sires de Mastain, li sires de Vertain, messires Henris de HufFalise, et Gilles et Tiéris et Ostelars de Sommain. De Guéries et de Jullers i furent li sires de Eanderodene et Ernouls ses fils, messires Jehans de Qodeburch, messires Ernouls de Baquehem et Jehans ses frères, messires Eenault de Sconnevort, messires Conrars de Lensemach, messires Conrars d'Arsqo. Ce furent li doi chevalier qui estoient parti de Bouçain, ensi que chi desus est dit, et qui ruèrent jus entre Frane et Nostre- Dame-ou-Bos, avoecques le signeur de Frane, les-saudoyers de Mortagne. Encores furent en celle cevauchie des Alemans messires Stramen de Beurne, messires Bastyens de Barsies et Candochers ses frères ' ; et de Hain-
» On lit dans les éditions de Froissart : Bastien de Warvasies et Candolier son frère.
DE FROiSSAlilT. 37i
uau i furent encore» mçssires Bares de la Haie, messires Oulefars de Gliistelle et Robers de Glennes, esquiers de la conté de Los, et se trouvèrent sus les camps, quant il se furent tout requelliet, trois cens armeures de fier, toutes gens de fait et d'emprise, et cevaucièrent le bon matin sagement pour venir au Pont-à-Tressin ; car par là convenoit passer, qui voloit trouver les François et passèrent oultre le dit Pont-à-Tressin. Quant il furent oultre et sus les camps, il ordonnèrent li signeur de Randerodene et Ernoul son fil , messire Henri de Qenqeren , mersenaire, messire Tielement de Sans, messire Henri d'Uif alise, messire Oulefart de Ghistelle , Alemant , bastart de Hainnau, et Robert de Glennes et Jaquelot de Tbians à estre coureur et descouvreur et cbevaucier jusques as tentes des Liégeois françois, et tout li aultre cbevaliers et esquiers qui bien estoient trois cens armeures de fier et droite gent d'armes, demoroient au pont et gardoient le passage pour le deffendre as aventures des sourvenans. Ensi et sus cel estât se départirent li coureur , et pooient estre environ quarante très-bien montés sus flour de roncins et de coursiers, et cevaucbièrent de premiers tout bellement tant que il vinrent en l'oost le roi de France, et se boutèrent dedens et commenchièrent à décoper cordes et paissons' et à renverser et abatre tentes et triefs et à faire un grant desroi , et François à euls estournir.
Celle nuit avoient fait le gait doi grant baron de France, li sires de Montmorensi, messires Caries, et li sires de Saint-Sauflieu, et estoient encores sus lor garde à l'eure que li Alemant et li Hainnuier vinrent. Quant il oïrent la noise et Teifroi, si tournèrent celle part et fissent cevau-
» Pa?wow*, pieux.
chier lors banières et lors gens. Li coureur se commenchièrent à retraire viers lor enbusque et li François à euls asievir. Là ot bonne cace, car li discouvreur se hastoient pour venir au pont à lors compagnons, et aussi faisoient li François qui les voloient retenir. En celle cace fu pris et retenus des François messires Oulefart de Gbistelle, car ses chevaus li falli, et doi esquier Jehans de Montd'Orp et Jaquelot de Thians , et cevauçoient li François d'un lés et li Hainnuier d'aultre, et lor voloient li François tolir le pont et pas ne savoient de la grosse enbusque qui là estoit et qui les atendoit tout ordonné en bataille au Pontà-Tressin. Adonc fu dit au signeur de Eanderodene : « Sire, avisés-vous : li François nous voellent tollir le « pont. » Donc respondi li chevaliers : « Se il savent un « cemin, j'en sai un aultre » et tourna sus frain une voie assés antée, mais il ne pooient passer pour les marescages et la parfonde aiguë, là où nuls ne puet aler, ne cevaucbier se ils ne se voelt perdre, et les convint retourner au pont et tout dis les costoient les François qui avoien;^ grande entente de euls clore la voie dou pont.
