CHAPITRE CXXIV
Comment méssires Robers d'Artois s'en vint en la valée de Cassel, et comment 11 Flamans se deslogièrent en grant haste.
Ensi se portoient les cevauchies et les enbusquës et rencontres entre ces deus hoos, le siège estant devant Tournai, et pour ce que Jaques Dartevelle, à poissance de Flamens , se tenoit devant Tournai avoecques les aultres signeurs, nouvelles vinrent en l'ost, quant li rois de Franche fu venus à Bouvines, que les gens d'armes qui estoient establi ens es garnisons de Saint-Omer, d'Aire, de Tiéruane et des forterèces françoises marcissans sus les frontières de Flandres, enteroient en la vallée de Cassiel et destruiroient le païs, Berghes, Bourbourc, Miessines, Werwi, Popringhe et tout le plat païs de là environ, se il n'estoit que on lor fust au devant. Pour ce furent ordonné méssires Robers d'Artois et méssires Henris de Flandres à partir de l'oost, et à prendre vint mille Flamens et aler ou val de Cassiel et requellier encores tous hommes portans armes dou tiéroir dou Franc et de Flandres, car tout n' estoient pas au siège de Tournai. Si en seroit li païs plus fors et plus doubtés.
Sus cel estât, li dis méssires Robers d'Artois et méssires Henris de Flandres s'en vinrent en la valée de Cassiel, et là se logièrent et fissent un arrière-mandement qui s'estendi par tout le païs de Flandres, et pour garder les entrées de Flandres. Si vinrent de tous lés là Flamens et se logièrent et se trouvèrent bien quarante mille et plus. A vint
DE FUOISSART. 375
ensi que compagnon en une hoost qui de séjourner ne «ont de grant volante, il se quellièrent et missent ensamble bien trois mille Flamens et sus l'entente que pour gaagnier et aler fuster le païs environ Aire, Tiéruane et Saint- Omer, et se départirent de l'oost et des aultres une vesprée sans point parler à lors chapitainnes, et vinrent sus un ajournement ens es fourbours de Saint-Omer, et les ardirent et abatirent les moulins qui estoient au dehors. Chil qui estoient dedens Saint-Omer s'estournirent, et là se tenoient bonne chevalerie d'Auvergne et de Limosin, premièrement li conte Béraut daufin d'Auvergne , et li conte tie Clermont son frère, le signeur de Merquel', le signeur de la Tour, le signeur deMontgascon, le signeur d'Achier, le signeur d'Açon% le signeur d'Alaigre, le signeur de Saint- Aupisse, le signeur de Pierre-Bufière, et se trouvoient bien trois cens lances chevaliers et esquiers. Si s'avisèrent que il se meteroient sus les camps et poursieveroient ces Flamens , et mander oient ceuls qui estoient en garnison en Tiéruane que il leur venissent au devant, entre Aire et Arques, et ausi à ceuls de la garnison d'Aire et de Saint- Venant que il isissent et se mesissent sus les camps, et quant il seroient tout ensamble, il courroient sus à lor avantage ces Flamens.
Tout ensi comme il le proposèrent, il le fissent, et s'asamblèrent dedens Saint-Omer, et s'armèrent et montèrent as cevaus et enmenèrent les arbalestriers et bien mille aultres hommes avoecques euls, et issirent hors de Saint-Omer et prissent à la couverte le cemin dou mont de Herfaut. Quant li chevalier et li esquier qui en Tiéruane
* Merquel, Mercœur.
2 Lisez : Les seigneurs d'Apchier et d'Apchon.
se tenoient, furent segnefyet de ceuls de Saint- Orner, li sires de Brimeu , li sires de Boubert , li sires de Saint- Pi, li sires de Reli, li sires de Santi et pluisseur aultre qui là se tenoient, il s'armèrent et montèrent as chevaus et issirent de Tiéruane et se missent sus les camps. Li Flamens qui ne voloient aultre cose que pillier le païs et puis retourner et estre au soir en l'oost de lors gens, vinrent à Arques, une grosse ville à demi-lieue de Saint-Omer, et le pillièrent et robèrent toute et se cargièrent de ce que il i trouvèrent de dras et de jeuiaus, et puis à lor département, il boutèrent le feu dedens et en ardirent plus de la moitié et abatirent les moulins, et tout ce veoient li François qui estoient sus les camps, et avoient jà trouvé l'un l'autre cbil de Saint-Omer et chil de Tiéruane, et se trouvoient quatre cens lances et douse cens hommes de piet. Chil Flamenc qui avoient ceminet toute la nuit et à l'endemain jusques à haute tierce, estoient toutlasset et vinrent sus un village que on appelle La Gauchie et là s'arestèrent et dissent que il mengeroient et se reposeroient, et puis il se retrairoient viers Cassiel, car il ne se sentoient de nului poursievi. Quant il furent là venu ou dit village, li pluisseurs se désarmèrent et se traïssent par ostels et se boutèrent en granges, en maisons et en jardins, et n'estoient en doubte de nului. Evous venus ces François en deus batailles et avoient vint banières et ordonnèrent lors arbalestriers tout devant et s'en vinrent, en cel vilage que on dist La Gauchie à frapant à l'esperon, et trouvèrent ces Flamens les auquns sus la rue, les aultres tous désarmés, et les pluisseurs qui buvoient et m'engeoient, .
Quant chil chevalier et esquier furent là venu et casquns escria son cri, chil Flamenc furent si esbahi que onques il ne tinrent conroi, ne ordenance, mais tourné-
rent tous les dos et se sauvèrent qui sauver se peurent, et en i ot bien ocis au village que en cace sus les camps dix-huit cens, et li demourans retournèrent à grant mescief tout desbareté.
Quant messire Robers d'Artois et messires Henris de Flandres sceurent comment il avoient esté desconfî, il n'en furent point trop courouchié pour tant que il avoient fait lor emprise et envaïe sans leur sceu et congiet. Assés tos apriès vint en l'oost de ces Flamens une trop estrange et mervilleuse cose : on n'a point oï parler de la parelle. Ensi que il se dormoient en lors lis, un petit apriès l'eure de mienuit, chil Flamenc tout généraument en lor hoost se resvillièrent en tel effroi, paour et hisdour, que il ne quidièrent jà à temps estre levé, et euls levé en grant haste, il fissent grans feus et allumèrent fallos les auquns et n'entendirent à aultre cose fors en grant haste euls deslogier et requellier tentes et trefs et cargier chars et charettes et partir soudainnement et aler leur voie et euls mettre au retour et au cemin, casquns viers sa ville, et sans atendre l'un l'aultre. Ces nouvelles vinrent à mesire Robert d'Artois et à mesire Henri de Flandres , lors chapitainnes , et lor fu dit : « Hastés-vous, montés as cevaus et aies au dea vant de ces Flamens. Il se deslogient et troussent tout « et s'enfuient, et nuls ne les caça. » Chil doi signeur qui moult furent esmervilliet de cel affaire, montèrent en grant haste sus lors chevaus et fissent porter fallos devant euls et s'en vinrent sus les camps et trouvèrent en vérité ce que on lor avoit dit comment chil Flamench s'enfuioient et ne savoient que il se demandoient. Si commencièrent à cryer à euls et à dire : « Bonnes gens, ar estes. Parlés à nous. « Que vous fault? Quel cose vous est avenue? Pourquoi « vous desvyés-vous ensi? Nous vous commandons, qui
« sommes vostres chapitainnes , sus la painne de perdre « la teste, que vous retournés. » Je croi assés que li auqun ooient et entendoient bien ce que li signeur leur disoient et avertissoient. Nient moins, tousjours il tendent lor rieulè sus la fourme que dit vous ai, et ni demora avant que il fust jours, ville, ne hamiel à deslogier, et se trouvèrent li doi chevalier un petit apriès solel levant , ensi que tout seuls, sus les camps. Quant il veirent ce, il fissent trousser lor harnois et requellier tentes et trefs et tout ce qui lor estoit, et puis se missent au retour et au cemin, et s'en vinrent devant Tournai et recordèrent au roi d'Engleterre , au duch de Braibant , au ducb de Guerlles , au conte de Hainnau et as signeurs le cas pour quoi il estoient retourné , douquel on fu trop grandement esmervilliet et à bonne cause. On n'avoit point oï parler de la parelle ave-
