CHAPITRE XV

Corament messires Hues li Espensiers fu jugiés à morir.

Quant la roine d'Engleterre fu au-desusdeses besongnes, elle donna à une grant partie de ses gens d'armes congiet, et en retint auquns, et tous jours estoient li Hainnuier logiet au plus priés de li, et li plus espécial de sa court et le mieuls délivret. Or fu avisé et ordonné que la roine se départiroit de là et se retrairoit viers Londres. Messires Thomas Wage, au département de la roine, avoit ordonné un tabar' armoiriet des armes le signeur Espensier, et ce tabar semet de cloquètes, on le vesti et afubla le dit messire Hue, et fu montés sus un magre cheval et chevauça en la compagnie et ensievant la roine ensi, et par toutes les villes où il passoient, par-devant le dis messire Hue, on sonnoit grant fuisson de trompes et de trompètes et de taburs', et tout par manière et ordenance de dérision. Avecques tout ce, en toutes les villes où il venoient, on lissoit publiquement par un rolet les fais dou dit messire Hue en la présense de li , et tant ceminèrent que il vinrent en une bonne chité, laquelle on appelle Harfort% et là s'arestèrent et rafresquirent et i tinrent la roine et lors gens la golempnité de la feste de la Toussains. Quant la feste fu passé , messires Hues li Espensiers qui point n estoit amés, etonli monstrabien, fu amenés par-devant les barons et chevaliers d'Engleterre , et là estoit la roine d'Engle-

* Tabar, espèce de cotte d'armes.

^ Taburs, tamboura.

• Hartford, au N. 0. de Londres.

terre et son fils et messires Jehans de Hainnau. Là furent recordé et leu au lonch et tout hault, li mesfait de messire Hue le Espensier, ne à nuls des articles il n'opposa, ne ne dist riens à l'encontre. Et là endroit, il fu jugiés à morir par plaine sieute des barons et chevaliers, et de tel justice et punition que je vous dirai : premièrement, il fu trainnés sus un bahut, à trompes et à trompètes, par toute la chité de Harfort de rue en rue, et puis fu amenés en une grande place là où tous li peuples estoit assamblés. Là endroit' fuil loyés hault sus une esquielle, siques casquns , petis et grans, le pooient veoir, et avoit-on fait en la ditte place un grant feu. Quant il fu ensi loyés, tout premiers on li copa le vit et les coulions, pour tant que il estoit et avoit esté hérites et sodomites, ensi que renommée publique couroit par toute Engleterre, et dou roi meismes, et pour ce vilain et ort péchiet, li rois avoit escaciet la roine sa femme en sus de lui. Quant ce desus nommé furent copet, on les jetta ou feu. Apriès, on li ouvri le ventre, et li furent osté coer, coraille^ et tout ce que ou ventre avoit, et jette ou feu, et li fu ce fait pour tant que il avoit esté faus et traîtres et que par son traître et faus consel et enort, li rois avoit honni son roiaulme, et mis à mort les vaillans hommes, dont toute Engleterre estoit afoiblie. Apriès, quant cela fu fait, on le desloia et li fu la teste copée et ses corps mis en quatre quartiers, et fu la teste envoyée à Londres et mise sus une glave au pont de Londres, et des quartiers, li uns en demora à Harfort, li aultres fu envoyés à lorch, li tiers à Cantorbie, et li quars à Sasleberi\ Ensi furent-il espars ens aus quatre parties d'Engleterre.

* LU endroit, là, de cette manière.

* Coraille, entrailles.

' ^alseberi, Salisbury.