CHAPITRE XVI

Comment la roine, aconvoyée de messire Jehan de Hainnau, entra à Londres.

Apriès ceste justice faite, la roine et tout li signeur et grant fuisson dou commun dou païs, se missent au cemin pour venir à Londres, et fissent tant par lors journées que il i parvinrent à grant compagnie. Quant la roine et si enfant et li signeur deurent entrer dedens Londres, toutes ordenances de gens issirent hors à llencontre, casquns parés et vestu si ricement comme on pooit estre, et tous montés à chevaus. Et estoient les rues parées et couvertes de draps et de jeuiauls moult estoféement, et s'esforçoient toutes gens de honnourer lor dame la roine, ce que il pooient, et messire Jehan de Hainnau et tous les chevaliers de sa route, et fu, en ce jour, moult regardés de toutes gens, et séoit sus un noir hault palefroi moult bien aourné que la chité de Londres li avoit donné, et fu moult prissiés en arroi , en persone et en contenance , et disoient toutes gens que il avoit bien fourme et regard de vaillant homme, et portoit sus son chief tout nu un capelet de pierres présieuses moult rices, qui trop bien li estoit séans. Et par espécial la grant rue de Cep ' estoit parée et aournée oultre mesure, et donna ce jour la fontainne tout au lonc dou jour par les brocerons% vins blanc et vermeil à tous ceuls qui en peurent ou vorrent avoir. Et fu ensi la roine aconvoyé ju'sques au chastiel, et là descendi et si

' Cheapside.

» Brocerons, tuyaux, jets d'une fontaine.

enfant Êdouwars et Jehans de Eltem , et ses deus filles, Isabiel et Kateline', et messires Jehans de Hainnau estoit et fu tout dis dalés la roine, et ses corps logiés ens ou chastiel et toutes ses gens au plus priés de li que on pooit, et estoient toutes coses ouvertes et apparilliées à lor commandement. Toutes gens les honnouroient et conjoïssoient; il estoit ensi ordonné et commandé de parles ojBGlcyers la roine et le maire de Londres, et n'estoient et ne furent un grant temps que festes, solas et esbatemens avaut ^ Londres, et parellement parmi tout le roiaulme d'Engleterre. Et estoit avis au peuple que il estoient qui te d'un encombrier' et délivré d'un pesant faix, quant il se veoient délivré dou roi et de son consel , et disoient à Londres et parmi Engleterre : « Il nous fault réfourmer et prendre » une nouvelle ordonnance, car celle que nous avons eu, » nous a trop hodé* et travilliet, ne chils roiaulmes-chi ne » vault riens sans un bon cbief , et nous l'avons eu si mau- » vais que nous le poions avoir. Il nous fault le jone y> Edouwart couronner et faire roi, et mettre dalés li » hommes de sens et de vaillance, par quoi il soit espers et » resvilliés, car nous n avons que faire d'un roi endormit, )) ne pesant, qui trop demande ses aises et ses déduis. » Nous en ocirions avant un demi-cent, tous l'un apriès » l'autre, que nous n'euissions un roi à nostre séance et » volenté. » Ensi disoient-il généraument en Londres, et parmi toute Engleterre.

> Les généalogistes ne sont pas d'accord avec Froissait sur les noms des filles d'Edouard II.

2 Avaut, aval, dans, par. On lit dans une chronique écrite à Tournay : « rvjur aler avaut la ville. »

* Encombrier, embarras.

• Hodé, fatigué.

DE FROISSART. m