CHAPITRE XVII

Comment les cheraliers et esquiers de Hainnau prissent congiet de la roine d'Engleterre.

Quant chil chevaliers et 'esquiers de Hainnau, qui en la compagnie de la roine d'Engleterre estoient venu, veirent que lor emprise estoit acliievée et que il ne faisoient là que boire et mengier, dormir et reposer, danser et caroler, quoique on les veist très-volentiers et que tout estoit payet quanque il prendoient, si se commenchièrent-il à hoder et à taner ' et à dire l'un à l'autre : « Nous en volons » retourner en Hainnau. Nous ne faisons riens chi ; nous » cargons trop madame la roine et le pais. Il est heure » dou départir, car toutes nostres emprisses sont achie- » vées. » Il s'en vinrent généraument à messire Jehan de Hainnau, lor chief, et li remonstrèrent lour pourpos sus la fourme que je vous di. Quant messires Jehans de Hainnau les vei en celle volonté , et senti que il remonstroient raison, si leur dist : « Biau signeur, je parlerai à madame la » roine , et prenderai congiet , et me départirai avecques » vous. Attendes encores un petit. » Lidis messires Jehans, quant il vei que heure fu, parla à la roine et au conte de Kent, et lor remonstra que ses gens se voloient départir et retourner en Hainnau. Ces paroles vinrent moult au contraire à la roine, et fist appeller les chevaliers de Hainnau devant li, et quant il furent venu, elle lor demanda : « Biau signeur, pourquoi vous anoie-il en ce païs? on vous » i voit volen tiers. Demorés dalés nous, tant qi^^p li iviers

» Taner, se lasser.

» soit passés. » Li chevaliers de Hainnau, à la parole de la roine respondirent courtoisement et dissent : « Madame, » nous veons et savons bien que moult volentiers vous et » li vostre nous voient en ce païs, mais, madame, nous re- » gardons et considérons que ce pour quoi nous partesîmes » de Hainnau avecques vous, est tout achievé, car se nous » sentions que vous, ne li vostre, euissiés nuls besoings » de nostres servisces, li départemens ne nous touche pas » de si priés, ne tant, que nous ne demorisions tant que » tout seroit acompli ; mais nous cargons vostre ostel et » le païs de nous et à riens faire, et nous avons bien ail- » leurs mestier, et si verions volentiers nostres femmes et » nostres enfans, et savons bien que il nous désirent à » veoir. Si vous prions que vous nous donnés congiet, et » nous nos offrons à vous et disons de bonne volenté )^ que, se besoings vous croist, ne touce, et nous en soions » segnefyet, nous venrons tantos et sans délai en vostre » service. » La roine respondi : « Grant merchis! » et puis se retourna deviers messire Jehan de Hainnau et li dist : « Biaus cousins, vous ne voés pas partir encores de moi » jusque apriès Noël, car contre les festes dou Noël, tous » li consauls d'Engleterre , prélas, barons, chevaliers et » bonnes villes doient estre à Wesmoustier', et là auront- » il avis et consel quel cose on fera dou roi, qui est à » Bercler, ensi que vous savés. Si retenés auquns de vos- » très chevaliers dalés vous pour vostre estât, car je voel » que vous seyés à ce parlement et que chil qui point ne » vous ont encores veu , vous voient , et li demorans de » vostres gens se départiront dedens quatre jours puisque » partir .voellent » Li gentis chevaliers respondi et dist :

* Westminster.

« Madame, volen tiers. » Depuis ceste parole, parla messires Jehans de Hainnau à ses gens et ordonna ceuls que il voloit que il demorassent avecques lui, et as aultres dist : « Vous vos partirés dedens tel jour ; madame le m'a dit, » mais au départir, elle voult parler à vous et payer vostre » bien alée. »