CHAPITRE XVIII
Comment la roine fit grant honnour as chevaliers de Hainnau, en la sale à Eltem.
La roine d'Engleterre qui se sentoit tenue enviers ces chevaliers et esquiers de Hainnau pour le biel et grant servisce que fait li avoient, quant elle vei que plus demorer il ne voloient , elle s'en vint à Eltem ' à sept milles de Londres et sus le cemin de la mer et de lor retour, et amena là ses enfans et le conte de Kent et son estât un petit plus efforchiet que une aultre fois, et là furent segnefjet tout li chevaliers et esquiers de Hainnau à estre, qui partir voloient, et i furent, et messires Jehans de Hainnau aussi. Quant il furent tout venu, la roine tint son estât et sist à table solempnement en la sale. Là furent assis à table tous chevaliers et esquiers de Hainnau qui partir voloient, et servi de tous mes grandement et largement selonch l'usage d'Engleterre, et sus la fin dou disner, entrues que' on entendoit à regarder la roine, entrèrent dedens la sale
* Château royal fort renommé au xiv« siècle, à trois milles de Greenwich. Dans quelques lignes inédites que donne lo manuscrit du IV« livre, conservé à Mons, Froissart rappelle les entretiens qu'il eut avec Richard Stury, « en gambiantles galleries ù, Tostel de Elthem où » il faisoit moult bel et moult plaisant et ombru, car les alées pour » lors estoient toutes couvertes de vignes. »
2 Sntrues que, tandis que.
trompes et ménestrels qui faisoient lor mestier, et tantos apriès euls, douse chevaliers parés et vestis tous parellement et d'une livrée très-rice, et les sievoient douse esquiers parés et vestis aussi de une livrée, et portoient chil esquiers, deus et deus, casquns, une grande corbille à deus anniaus, toutes plainnes de vaselle d'argent, de pos, de plas, de drageoirs, de coupes, de lianas, desquelles, de temproirs ' et de toute vasselle, et alèrent li ménestrels et li chevaliers et 11 esquiers qui ces corbilles portoient , autour des tables, et quant il orent fait lor tour, il s'ar estèrent devant la table des plus grans signeurs, et n estoit nuls à table fors chil qui partir se dévoient, réservé messires Jehans de Hainnau. Chil séoit à la table de la roine. Là furent misses ces corbilles jus et sus casqune, et vinrent doi chevalier tout avisé de ce que il dévoient faire et départirent tous ces jeuiauls as chevaliers et as esquiers, et casquns selonch son estât. Tout en furent servi, et mis devant euls sur les tables, et depuis li mestres d'ostel de la roine issirent hor& de la salle et vinrent en la court, et fissent venir avant , tous les variés et pages de ces chevaliers et esquiers de Hainnau qui partir dévoient, et là avoient en un sach cent livres d'estrelins, monnoie d'Engleterre, car adonc il n estoit encores nulles nouvelles de nobles. Et quant chil variés furent venut, li mestres d'ostel dissent tout hault en prennant le sac qui estoit de quir tanés : « Entre vous, variés des » Hainnuiers qui partir devés, madame la roine vous fit donne cent livres d'estrelins : pryés pour lui. » Tout ou en partie respondirent et dissent : « Dieu doinst à madame « la roine bonne vie ! » Se lor deùiora chils argens et le départirent entre euls à grant joie. Il en i ot auquns qui bien
? Temproirs. espèce de tasses .
le gardèrent ce que en lor pareçon en eschei et en devinrent puis rice, pour mettre en bonne moutepliance, et li aultre le jouèrent as dés, qui ne s'en savoient conment délivrer. Che disnier fait, et ces signeurs, chevaliers et esquiers de Hainnau servis en la fourme et manière que je vous di, et tous ces jeuiauls requelliés et mis en paniers et en bonne ordennance pour le plus aise porter et sans froissier, il prissent congiet de madame la roine, de son fil et dou conte de Kent, et les aconvoia jusques enmi la court à Eltem li sires de Biaumont, messires Jehans de Hainnau, et tout un et un prissent congiet à lui , et il lor donna. Adonc montèrentil, et messires Thomas Wage, aussitos comme il fissent; et se départirent de Eltem et jà estoit tout tart et vinrent jessir à Dardeforde ', et à l'endemain à Eocestre et au tiers jour à Saint-Thomas de Cantorbie et fissent là lor offrande au corps saint, et apriès disner, il cevauchièrent et vinrent à Douvres, et tout partout estoient délivré de par les gens la roine. Quant il furent venu à Douvres, on lor pourvei vassiaus de par la roine , il esquipèrent lors chevaus et puis entrèrent ens es vassiaus passagiers, et là prist messires Thomas Wage congiet à euls et retourna deviers la roine et la trouva à son retour à Eltem et messire Jehan de Hainnau. Et li Hainnuier singlèrent par mer et furent tantos à Wissan : pour ce temps il i avoit une très-bonne ville et sciet entre Boulongne et Calais. Et devés savoir que avant que li Hainnuier issirent de Londres, il furent payet en deniers apparilliés, ensi que convenance se porta au dé* partir de Hainnau entre la roine et euls, si largement que tous s'en contentèrent, et retournèrent en Hainnau tout fouci' d'argent et de jeuiauls, et vinrent à Valenchiennes
» Dartford. * Fouci, bien pourvu.
deviers le conte et la contesse qui les veirent volentiers, et lors recordèrent des nouvelles d'Engleterre, et sus moins de quatre mois orent-il fait tout ce voiage. Nous retournerons à parler de la roine d'Engleterre et des ordenances dou païs.
