CHAPITRE XIX
Comment il fu dit et aresté que li rois n'estoit point dignes de porter
couronne.
Environ sys jours devant la feste dou Noël que on apelle en France Calendes, furent venu en la chité de Londres de toutes les parties d'Engleterre li signeur et li prélat et li consauls des bonnes villes, et là ot un grant parlement au palais de Wesmoustier, présente la roine et son fil; et estoient tout li fait dou roi Édouwart, liquels estoit ens ou chastiel de Bercler, ensi que clii-desus est dit, tous par articles mis en escript, et là ot un clerc qui les lissi tout en public devant le peuple. Quant il furent tout leu, li arcevesques de Cantorbie se leva et demanda de par la roine d'Engleterre quel cose en estoit bonne à faire, et prioit par la bouce dou dit arcevesque que elle fust si consillée que elle et li roiaulmes d'Engleterre i eussent honneur et pourfit, car de ces cas elle en cargoit tous ses hommes et en descargoit sa conscience. Quant on ot bien conceu et entendu les paroles de l'arcevesque et oï lire tous les mauvais usages dou roi et comment par mauvais consel, sans loi et jugement, on avoit décelé tant de nobles d'Engleterre que li roiaulmes en estoit moult afoiblis, li prélat, li baron, li chevalier et tous les consauls des chités et bonnes villes d'Engleterre se traïssent ensamble, et
DE FROISSAR'I'. 01
là fu dit et aresté et par bonne science l'un de l'autre, que tels hommes liquels estoit encourus en tel cas, n'estoit point dignes de jamais porter couronne, ne de gouverner roiaulme, ne de estre veus au monde, et que il demorast pour tousjours mais, là où on l'avait ordonné à demorer, sus certainnes gardes qui fuissent songneus de li garder, que jamais de là par prise il ne issist, et euist son vivre'. Et pour ce que li roiaulmes ne puet estre sans chief et sans gouverneur, et que il apartient que en Engleterre ait roi, ordonné fu et aresté que Édouwars ses fils seroit rois couronnés et solempnyés à roi, le jour de la Nativité Nostre- Signeur, et presist consel bon, sage et meur dalés lui, par quoi li roiaulmes et li païs fust en avant mieuls gouvernés que esté n'euist, par quoi en nul tourble, ne disension li dis roiaulmes ne se peuist esmouvoir. Adonc fu chils consauls ouvers, et revinrent li vaillant homme et li sage et li prélat sus lesquels on avoit assis et tourné ce consel, en la présence de la roine et de son fil et de messire Jehan de Hainnau et dou conte de Kent et aussi dou consel des bonnes villes, et fu tout ce publyet généraulment^; et se départi li consauls sus celle entente et volenté que li jones Edouwars seroit rois oins et sacrés le jour de la Nativité Nostre-Signeur, et demorèrent tout signeur et tout prélat
* Bien que l'on présentât au peuple la déchéance d'Edouard II comma le résultat d'une abdication volontaire, Ranulf Hygden de Chester rapporte que Guillaume Trussell, procureur du parlement, lui déclara en ces termes que le peuple d'Angleterre était délié de ses serments : « Ego Wilhelmus Trussel, vice omnium de terra Anglise et totius par- » liamenti procurator, tibi, Edwarde, reddo horaagium prius tibi fac- » tum et ex nunc diffido te et privo omni potestate regia etdignitato, » nequaquam tibi de cetero tanquam régi pariturus. »
' Ce fut seulement après la réunion du parlement que l'abdication du roi fut proclamée, le 24 janvier 1327. On publia en môme temps la paix du nouveau roi afin de mettre un terme aux actes do force et de violence.
et toutes g-ens qui là estoient venus, à la pryère et ordenance la roine , pour estre à celle solempnité , et furent toutes ordenances aministrées, qui apartenoient à estre et à avoir, tant d'abis que d'autres coses, pour le dit jone roi et li église de Wesmoustierapparilliertrès-révéramment'.
