CHAPITRE XX

Comment Edouwars de Windesore fu couronnés à roi d'Engleterre, et comment messires Jehans de Hainnau se départi.

Le jour de la Nativité Nostre-Signeur, que on compta en l'an de grasce m.ccc et vint-sys% fu couronnés à roi d'Engleterre Edouwars de Windesore, liquels en son temps a eu tant de belles aventures d'armes et victorieuses, ensi que elles vous seront remonstrées et recordées ensievant en l'istore, et fu consacrés et oins solempnement selonch l'ordenance d'Engleterre, et furent à sa consacration deus archevesques et douse évesques et quarante-wit abbés d'Engleterre, et rechut li rois toutes les dignités et solempnités que rois doit et puet recevoir, et estoit pour lors ou sessième an de son eage (il les ot complis à la Conversion Saint-Pol apriès) et porta ce jour la courone de saint Édouwart, la-

» Ranulf Hygden de Chester (Ms. 9890 de la Bibliothèque de Bourgogne) remarque que l'avèuement d'Edouard III eut lieu sous les plus heureux auspices : « Nam et tune terra recepit ubertatem, aer temperiem, mare tranquillitatem et ecclesia Ubertatem. »

2 Le couronnemcTit d'Edouard III eut lieu le dimanche après la Conversion de saint Paul, dans l'église de Westminster, en présence de Jean deHainaut et de lloger de Mortimer. Le roi promit de maintenir les franchises octroyées au clergé et au peuple par le glorieux roi saint Edouard, de n'écouter en toutes choses que la justice, la raison, la miséricorde et la vérité, de défendre et de fortifier à Ihonneur de Dieu les bonnes coutumes de la communauté de son royaume.

DE FKOISSAR'i'. 63

quelle est moult digne et moult riche, et furent fais h sa coronation nouviauls chevaliers quatre cens et quinse et vellièrent le nuit de Noël toute la nuit en l'église de l'ahéie de Wesmoustier, et quant li rois vint de l'église au palais, montés sus un blanc coursier, paré et vestis de sambuc ' jusques eus es fallons des pies, armoyés des armes d'Engleterre d'une part, et des armes de saint Édouwart de l'autre part , tout chil nouviel chevaliers chevauchièrent devant lui , et fu ensi amenés de l'église dedens le palais, liquels estoit aournés si ricement comme on pooit, et sist à table deus arcevesques, de Cantorbie et d'Iorch au-desus de li, et puis li rois et puis la roine sa mère et puis messires Jehans de Hainnau et puis li contes de Kent et puis li contes Henris de Lancastre. Vous devés sçavoir que messires Jehans de Hainnau fu ce jour moult regardés de contes, de barons et de chevaliers d'Engleterre qui en devant point veu ne l'avoient, conjoïs et festoyés, et rechut moult d'onnours, et là furent donné biausjeuiauls et riches au dit messire Jehan de Hainnau et à tous les chevaliers et esquiers qui demoret estoient avecques lui, de par le roi d'Engleterre. Tous ces Noëls furent les festes et les esbatemens moult grans, ens ou palais de Wesmoustier, des signeurs et des dames dou païs, et se esforçoient tout signeur, toutes dames et damoiselles, de honnourer messire Jehan de Hainnau et les Hainnuiers. Ensi se continuèrent ces festes, et prissent congiet au roi et à madame sa mère et à messire Jehan de Hainnau, prélas, barons et chevaliers , et puis s'en retourna casquns en son lieu et chiés soi, et madame la roine et li rois vinrent tenir lor mansion V à Windesore, et en ama li rois grandement le lieu et la

* Sambuc, hovtsse.

» Mansion, demeure.

place pour tant que il i fu nés , et tout partout où il aloient, messires Jehans de Hainnau aloit. Tantos apriès l'Aparition des Eois, nouvelles vinrent à messire Jehan de Hainnau que li rois de Behagne*, son chier et amé cousin, avoit fait cryer un tournoi et assis à estre sus le sabelon , à Condet en Hainnau. Quant les nouvelles furent venues en Engleterre et messires Jehans de Hainnau en ot la congnissance, nuls ne le euist retenu en Engleterre, car li rois de Behagne li escripvoit que à ce tournoi il dévoient estre compagnon ensamble. Et monstra li gentils chevaliers les lettres à la roine et au roi aussi, et dist que il le convenoit partir, et tous jours estoit-il près de faire service au roi là où il en seroit requis. Adonc veirent bien li rois et madame sa mère et les consauls que c'estoit tout certes; se ne le vorrent plus presser, et li donnèrent congiet moult en vis. Se li donna li jones rois Édouwars, par le consel de madame sa mère, quatre cens mars d'estrelins, un estrelin pour un denier, de revenue par an, à tenir dou roi en fief, et à payer cascun an as canges à Bruges ^ Et fu donné encores, et là présentement, à Phelippes de Chasteauls, son mestre esquier et souverain consillier, cent livres à l'estrelin de revenue par an et à payer à Bruges et à tenir en fief dou roi, et avoec les dons on bailla les lettres toutes Séelées dou séel dou roi, qui tesmongnoient et certefioient ces dons. Encores fu-il délivré au mestre d'ostel de

* Jean, roi de Bohême, si fameux par sa mort à Crécy. Un grand nombre de chartes rappellent sa présence à la cour de Hainaut; la plupart se rapportent à des emprunts. Sa royauté de Bohême ne lui donnait pas plus de revenus que celle de Pologne, à laquelle il prétendait également.

* Par une charte du 16 février 1327, le roi reconnut les bons services de Jean de Hainaut, en lui accordant une rente annuelle de mille marcs, à prendre sur le produit des droits d'issue que l'on payait à Londres sur les laines, les peaux et les cuirs.

messire Jehan de Hainnau, grant fuissonde blance monnoie d'Engleterre pour payer lors menus frès sus le cemin. Adonc se départi messires Jelians de Hainnau dou roi et de sa mère, dou conte de Kent et de messire Eogier de Mortemer; si fu acompagniés et aconvoyés de messire Thomas Wage et des chevaliers dou roi, et li maires de Londres et plus de cens hommes donneur de Londres l'acom^agnièrent jusques à Dardeforde et prissent là congiet à lui et puis retournèrent, mais li chevaliers dou roi et de la roine l'acompagnièrent jusques à Douvres et payoient partout les frès de li et de ses gens, et leur pourvoiront vassiaus passagiers, qui les passèrent à Wissant. Et passèrent adonc oultrelamer,avoecques messire Jehan de Hainnau quinse Jones chevaliers englois pour estre à ce tournoi à Condet-sus-l'Escaut et pour l'avancement de lors corps, et les amena messires Jehans de Hainnau à Valenchiennes deviers le conte son frère et la contesse qui les conjoïrent et requellièrent bellement pour l'onnour et amour dou roi d'Engleterre et de madame sa mère. Si se tint li tournois à Condet-sus-Escaut , ensi que nonchyet et cryet fu, et i ot deux cens et soissante chevaliers tournoians. Si en i ot des bien batus. Des François en ot le pris pour le mieuls tournoiant et prenant painne li sires de Biausaut dalés Montdidier, et des Hainnuiers messires Miquielsde Ligne. Ce tournoi fait, chil signeur s'espardirent, et retourna casquns en son païs.