CHAPITRE XXI

Comment la femme à messire Hue l'Espensier clama son iretage.

Apriès ce que messires Jehans de Hainnau se fu départis d'Engleterre, li jones rois et madame sa mère gouvernèrent le païs par le consel dou conte de Kent et de messire Rogier de Mortemer et de messire Thomas de Wage et par le consel de pluisseurs aultres que on tenoit le plus sages d'Engleterre, et fu tous li roiaulmes réconcilyés et venus en bon estât, et estoit justice gardée souverainnement. Celle première année dou resgne le jone roi Édouwart , avint que la femme à messire Hue l'Espensier, qui justi ciliés fu, ensi que vous avés oy, se traïst deviers le roi et son consel et amena un moult biau fil, que elle avoit de l'eage de neuf ans et estoit nommés Édouwars, etmist avant par un avocat une plainte, et dist ensi la dame par la parole de l'avocat que, si son mari avoit fourfait le sien, il ne pooit fourfaire l'iretage de la dame, et le convenoit vivre li et son fiP. Or estoit avenu que on avoit confisquet et atribuet à la couronne d'Engleterre tous meubles ethiretages que li Espensier avoient, li pères et li fils, par tout le roiaulme d'Engleterre, et tenoient bien soissante mille [marcs] de revenue. La roine d'Engleterre et li rois ses fils eurent pité delà dame, car elle estoit des plus nobles d'Engleterre, si s'enclinèrent à ce que la dame fust aidiée et ses fils aussi, et li fiirent rendu et restitué tout li hiretage qui -venoientde son costé et par espécial en la contrée de Galles, et retourna bien la dame à quatre mille marcs de revenue

^ Un sauf-conduit avait été accordé, le 26 février 1328, à Éléonore, veuve de Hugues Spencer.

par an. Et depuis avint que quant le fils ot eage, li rois le maria, mais ce ne fu pas selonch le linage dont il estoit issus, ce fu à la fille d'un sien chevalier baceler que on nomma messire Eaoul de Ferrières. Chils Êdouwars li Espensiers et sa femme ne furent que cliinq ans en mariage, (car il fuocis ens es guerres de Bretagne, ensi que vous orés recorder en histore, mais ce sera Lien avant ^), et orent quatre fils : li troi en furent chevaliers, Êdouwars, Hues et Thomas, et li quars ot nom Henris et fu évesques de Nordvich. Je Froissars, actères de ces croniques, le di pour tant que, en ma jonèce, je fui moult bien et tous dis amés de l'ainnet frère Espensier% que on nomma Êdouwars, ensi que son père, et ot en mariage la fille à messire Bietremieu de Bruhes', un moult vaillant chevalier. Et fu cils sires Espensiers, de son temps et don mien, li plus jolis chevaliers, li plus courtois, li plus honnourables et amoreus et bacelereus assés qui fust en toute Engleterre, et le plus larges de donner le sien là où il veoit que il estoit bien employet, et qui mieuls sceut vivre et dou plus biel estât et

* Voyez plus loin, chapitre LXV.

* Dans ses poésies, Froissait rappelle tout ce qu'il dut à la générosité d'Edouard Spencer :

Le grant seigneur Espensier,

Qui de larghèce est despensier.

Que t'a-t-il fait? — Quoi, dis-je? assés,

Car il ne fu oncques lassés

De moi donner, quel part qu'il fust.

Ce n'estoient cailliel, ne fust,

Mes chevaus et florins sans compte :

Entre mes mestres je le compte

Pour seigneur, et c'en est li uns.

« Il fut, dit-il ailleurs, moult plaint et moult regretté de ses amis, w car ce fut un gentil cœur et vaillant chevalier, fresque et gentil, « large et courtois, et grand capitaine do gens d'armes. »

* Barthélemi do Burghersh, autre ami ou protecteur do Froissart.

bien ordonné. Et oy dire en mon temps les plus hautes et nobles dames dou païs que nulle feste n'estoit parfaite, se li sires Espensiers ni estoit, et pluisseurs fois avint que quant je cevauchoie sus le païs avoecques lui, car les terres et revenues des barons d'Engleterre sont par places et moult esparses , il m'apelloit et me dissoit : « Froissart, « voés-vous celle grande ville à ce haut clochier? » — Je respondoie : « Monsigneur, oïl : pourquoi le dittes-vous? » ■ — « Je le di pour ce : elle deuist estre mienne, mais il i ot « une maie roine en ce païs, qui tout nous tolli. » Et ensi par pluisseurs fois m'en monstra-il semées en Engleterre plus de quarante, et appelloit la roine Issabiel, mère au roi Édouwart, la maie roine, et aussi faisoient si frères.