CHAPITRE XXIL
Comment Robers de Brus, rois d'Escoce, desfya le roi Edouwart, et comment messires Jelians de Hainnau revint eu Engleterre.
En ce temps dont je parole, et que li roiaulmes d'Engleterre estoit tous en paix et ou gouvernement de la roine Issabiel et dou conte de Kent et dou jone roi et de lor consel, avint que Eobers de Brus, rois d'Escoce, qui en son temps ot moult à faire contre les Englois et qui tous jours les tint en guerre et reconquist sus euls ce que si prédécesseurs avoient perdu encontre le bon roi Édouwart et les desconfi par bataille devant Struvelin , et dura la cace jusques oultre la rivière du Thin, et reprist Bervich, Dombare et pluisseurs chastiaus que li Englois tenoient en Escoce, chils rois Eobers de Brus entendi comment li rois d'Engleterre avoit esté pris et déposés de sa couronne, et
ses consauls justichiés'; si s'apensa que il desfieroit ce jone roi Édouwart , et supposa que grandes hainnes estoient nouries et engendrées en Engleterre par les mors des signeurs Espensiers etdou conte d'Arondiel,etque, quant ses gens se meteroient sus les camps, li linages des desusdis se bouteroient en lor compagnie pour contrevengier lors amis. Si envoia desfyer le roi Édouwart et toute sa poissance, et aporta la desfîance uns hiraus d'Escoce, lequel on nommoit Glas, et estoit contenu en la lettre séelée dou roi d'Escoce et des barons de celi païs, que jamais il n'entenderoit à aultre cose, si auroit si avant courut en Engleterre que passet la rivière dou Thin et le Homre ^ et contrevengiet tous ses torsfais, et se combatre on le voloit, il li assignoit journée devant Ebruich". Quant li joues rois d'Engleterre ot recheu oes desfîances ou premier an de sa création, li coers li commença à engrossier, etnemonstra pas, ne ne dist au hiraut toute sa pensée, mais li fist donner un mantiel qui bien valoit cent florins, et aussi la royne, li contes de Kent, messires Rogiers de Mortemer, et li signeur li donnèrent tant que il fu tous rices, et li fu dit de l'un des cbevaliers dou roi : « Glas , vous vos poés bien « partir, quant il vous plaist, car li rois et li païs se tient à « tout desfyés sus les lettres que vous avés aporté. » Adont se départi li hiraut , et li rois et ses consauls et toute Engleterre demorèrent en ces desfiances , et bien sentirent toutes gens, asquels la congnissance en vint, que de par les Escoçois il aueroient la guerre. Or fu consillié en la cambre dou roi que tantos et sans délai, li rois envoiast ses messages et ses lettres deviers messire Jeban de Hainnau et li
* Il est probable que Froissart lïa pas eu lo loisir tîe corrig-er cette phrase, fort longue et assez confuse.
2 LaTyne et le Humber. ^ Ebruich [Eboraam), York.
priast que il le venist veoir et servir, et se pourveist dé cinq cens armeures de fier, chevaliers et esquiers, ettoutseroient délivret et bien payet, et li escripsist que c'estoit pour aler en Escoce, car li rois d'Escoce et li Escoçois l'avoient desfiet. Et fu dit ensi en la cambre dou roi et en consel que on ne pooit mieuls employer lettres, ne messages, que d'envoyer en Hainnau. Tout ensi comme il fu ordonné, il fu fait, et escripsi li rois d'Engleterre à messire Jeban de Hainnau et envoia ses messages, qui passèrent la mer et vinrent en Hainnau, et trouvèrent le gentil chevalier que il demandoient, en la ville de Biaumont dont il portoit le nom, et li baillièrent les lettres que il li aportoient tant de par le roi que de par la roine d'Engleterre. Il les lissi. Quant il les ot ouvertes, et considéra comment on le prioit et mandoit, si fu tous resjoïs de ces nouvelles et dist que il estoit tenus de servir le roi et le païs d'Engleterre puisque il s'estoit abers^ et aloyés à euls de foi et dommage, et rescripsi au roi d'Engleterre et à la roine par ceuls-meismes qui ces lettres a voient aporté, et fu contenu ens es dittes lettres que il seroit en Engleterre, et à ce n'aueroit nulle défaute , dedens le jour que on li avoit assis et à otant de gens ou plus que on ne li avoit escript. Li messagiers d'Engleterre retournèrent. Messires Jebans de Hainnau se pourvei, et escripsi et manda as chevaliers et esquiers autour de li , desquels il pensoit à estre acompagniés et servis, tant en Hainnau, en Brebant, en Flandres et en Hasbaing. Tout furent apparilliet à sa pryère et ordennance, et se pourveirent tantos et sans délai de tout ce que à lor estât apartenoit , et se départirent de lors liens , et vinrent li auqun à Wissant et li aultre à Calais. Toutes fois
» Ahers, attaché, lié par un acte d'adhésion.
DE FllOlSSART. 71
messires Jehans de Hainnau vint à Wissan, et passèrent oultre, car il trouvèrent les vassiaus passagers que li rois d'Engleterre lor avoit envoyés, et tant fissent que il furent oultre et en Engleterre, et atendirent tous l'un l'autre à Cantorbie et entendirent que li rois et la roine et li signeur s'en aloient à grant esfort viers Escoce. Si se esploitièrent li Hainnuiers ce qu'il peurent, et passèrent Rocestre et Dardeforde et vinrent à Londres, et là se rafresquirent de tout ce que il lor besongnoit de clievaus, de sellerie, d'armeures et de toutes aultres coses qui appartiennent à gens d'armes. Et là trouvèrent le trésorier des guerres dou roi, qui lor délivra monnoie et paiement bien et largement, et puis il se départirent et missent ou cemin et passèrent le Ware et Lincole, et partout où il venoient, il estoient requelliet liement, conjoï et festyet, et passèrent à Danfront et à Dancastre , et vinrent à Ebruich, une grosse chité et bonne, qui sciet en bon païs et passé la rivière dou Hombre tout parmi qui va ceoir en la mer. Jà sa voient li rois d'Engleterre, madame sa mère et li baron d'Engleterre que messires Jelians de Hainnau venoit à belle compagnie de gens d'armes, encores plus assés que on ne li euist escript et mandé. Sien estoient tout resjoy et atendoient sa^venue, et devés sçavoir que li Escoçois avoient passet la rivière dou Thin à mont viers les montagnes qui départent Galles et Engleterre, et moult priés de une cliité que on nomme Carlion , et estoient venu entre la cliité de Durâmes et Ebruich , et ardoient le plat païs , tant que on en pooit bien veoir les fumières, et n'estoit point li rois Robers d'Escoce en celle clievauciée, mais se tenoit h Haindebourch en Escoce sus la litière, car il estoit si utnins de la grosse maladie ' que il ne pooit mais ccvaucliier , et là
' la grosse maladie, la lèpre.
estoient pour lui li contes de Moret et messires Guillaumes dou Glas, doi vaillant chevalier qui conduisoient les Escoçois, où moult avoit de bons chevaliers et esquiers et vaillans as armes. Je ne vous ai point nommé encores les chevaliers qui furent en ce voiage avecques messire Jehan de Hainnau, mais je les vous nommerai et premièrement li Hainnuiers, le signeur d'Enghien qui se nomma Watier,le signeur d'Antoing qui se nomma Henri, le signeur de Fagnoelles, messire Miquiel de Ligne , messire Fastères de Eues, messire Robert de Bailluel, sire de Fontainnes, et messire Guillaume de Bailluel, son frère, le signeur de Haverech , messire Alart de Brifuel , messire Jehan de Montegni li jeunes et ses frères, messire Sanse deBoussoit, messire Perce val de Semeries, messire Sanse de Biaurieu, le signeur de Floion, le signeur de Wargni, le signeur de Gommegnies, le signeur de Vertain, le signeur de Potelles, le signeur de Blargnies, le signeur de Mastain, messire Nicole d'Aubrecicourt , le signeur de Flosies, le Borgne de Robertsart; et de Flandres le vinrent servir messires Hectors Vilains, messires Jehans de Rodes, messires Wauflars de Ghistelle, messires Guillaumes de Strates, messires Goswins de la Muelle ; et de Braibant, li sires de Duffle, messires Tiéris de Wallecourt, messires Rasses de Grés, messires Jehans de Gassebeque, messires Jehans Pilifre, messires Gilles de Cotereble, li trois frères de Harlebeque, messire Gautier de Hoteberghe; li Hasbegnons, messires Jehans li Biaus , messires Henris li Biaus , ses frères, messires Godefrois de la Capelle, messires Hues Hay , messires Jehans de Libines, messires Lambers dou Pel, messires Ghilebers de Hers , et si i vinrent auquns chevaliers d'Artois et de Cambrésis, nonobstant qu'il ne fuissent point escript, ne mandet, et tant qu'il furent plus
de cinq cens armeures de fier, chevaliers et esquiers, tous bien montet et ricement estofet, sans riens espargnier.
