CHAPITRE XXIII
Comment uns grans hustins commença entre les Hainnuiers et les archiers d'Engleterre.
Quant messires Jehans de Hainnau et toute sa compagnie furent venu à Ebruich , li rois d'Engleterre, madame sa mère et tout li signeur en furent grandement resjoy , et les requillièrent liement et doucement, et fîst-on restraindre toutes manières de gens pour estre logiés les Hainnuiers mieuls à lor aise, et leur fu délivré le plus biel et le plus grant fourbours de la dicte cbité de Ebruich. Et fu délivrée à messire Jehan de Hainnau une abbéie de blans monnes pour tenir son estât. Ens es festes de la Pentecouste', vinrent messires Guillaumes de Jullers, fils au marquis de JuUers (et puis fu-il duc de Jullers), et messires Tiéris de Hainsberghe, (qui puis fu conte de Los), à belle route, et estoient chil doi signeur de la route et compagnie et délivrance de messire Jehan de Hainnau. Li jones rois d'Engleterre , pour mieuls festoyer ces signeurs et toute lor compagnie, tint une grande court au jour de la Trinité, en la maison des Frères Meneurs , là où ils et madame sa mère estoient logiet, et tenoient lor tinel, cascuns par lui, c'est-à-savoir li rois de ses chevaliers , et la roine de ses dames , dont elle avoit grant fuisson en sa compagnie. A celle court et feste de la Trinité, ot bien li rois sis cens che-
* Nous voyons par une charte donnée h York, le 20 mai 1327, qu'on y attendait Jean do Hainautpour combattre les Écossais. Il était arrivé à york avant le 28 juin.
valiers, séans à table en la salle et en le clostre. Et y eut en ce jour fais quinse nouviaus chevaliers. Et madame la roine tint sa court et son asisse ens ou dortoir, et eut bien séans à table soissante dames, lesquelles estoient pryées et mandées là environ et ou païs de Nortbombrelant pour mieuls festoyer messire Jehan de Hainnau et les Hainnuiers. Là pooit-on veoir de Testât grant noblèce de bien servir de grant fuisson de mes et d'entremès si estranges et si bien ordonnés que on ne les sauroit deviser, fors cheuls qui sont mestres dou faire. Là pooit-on veoir dames noblement parées et richement , qui eust eu loisir, mais on ne put, car uns jgrans troubles monta en la ville, don-t la cose fu toute esquellie et sus le point de venir uns si grans mauls que de euls tous entre-ocire. Car sus le point que signeurs et dames dévoient danser et esbatre, uns grans hustins commença entre les garçons des Hainnuiers et archiers d'Engleterre en l'oquison d'un jeu de dés, de quoi grans mauls vint sus heure et mouteplia. Car ensi que chil garçon se combatoient à auquns des ces Englois, la noise se commença à monter en la ville, et cryèrent : « Lincole î » Chil de la nation de Lincole estoient là grant fuisson : si se missent tantos ensamble, et prissent lors ars et se rengièrent et entrèrent en la rue où li Hainnuiers estoient logiet , et convint ceuls qui là estoient des Hainnuiers, retraire dedens lors hostels. Encoi:es estoient li signeur et li plus des chevaliers à la court dou roi, et atendoient là pour veoir Testât et les danses et esbatemens qui s'apparilloient à faire. Si trèstos que il oïrent nouvelles de ce hustin, il se départirent de la court et s'en vinrent le bon pas viers lors hostels, les uns à piet, les aultres à cheval. Qui pot entrer dedens son hostel, il i entra, et qui ne pot entrer, il demora dehors en grant péril, car chil ar-
chier traioient moult estrangement pour ocire mestres et variés, et voolleut li auqun dire que ce fu uns fais tous avisés des proismes ^ et amis dou signeur Espensier et dou conte d'Arondiel, qui tout clie'' faisoient faire pour euls contrevenger sur les Hainnuiers et espéciaulment sus messire Jehan de Hainnau, et s en missent li Englès en painne. Or considérés la grande mau veste des Englois, chiés qui li signeurs de Hainnau estoient logiet, car il lor fermoient et barroient les huis et les portes au devant, ne point ne les voloient laissier entrer dedens lors maisons. Car i avoit au quns hostels en ces fourbours où li signeur estoient herbergiet, qui avoient issue par derrière : si s'en avisèrent li signeur et entrèrent par là dedens lors hostels, et qui ne pooit entrer ou sien, il entroit en celi àe son compagnon, et sitos que il estoient dedens, il s'armoient. Quant il furent armé, il n'osèrent issir hors par-devant pour le trait des archiers, mais issirent par derrière et par les courtils, et rompirent en au quns lieus les paufis% et atendirent li uns l'aultre en une place qui là estoit, tant que il furent bien cent ou plus, tout armet, et bien otant tout désarmet, qui ne pooient entrer en lors hostels.
