CHAPITRE XXIV

Comment li débas fut apaisiés à grant painne et péril.

Quant chils armet furent ensi asamblé, il se hastèrent pour secourir les aultres compagnons qui deffendoient lors hostels en la grande rue au mieuls que il pooient, les

' Proismes, parents.

2 Paufis, palissades? On lit dans les anciens textes : postils, poternes, portes de derrière.

quels on voloit sus euls rompre et brisier. Et passèrent chil armet parmi l'ostel le signeur d'Enghien qui avoit grandes portes derrière et devant, et se férirent estoutement^ entre ces arcliiers. Dou trait i eut des Hainnuiers auqunsblecliiés, et là furent bons chevaliers messires Fastères dou Eues, messires Sanses de Bousoit, messires Percevaus de Semeries. Chil troi chevalier ne purent onques rentrer en lors hostels pour euls armer, mais il i fissent otant d'armes que chil qui estoient armet. Et tenoient grans, Ions et gros leviers de chêne, que il avoient pris chiés un archier qui demoroit en celle rue, et en donnoient les horions si grans que nuls ne les osoit aprochier, et les abatoient et faisoient ceoir l'un sus l'aultre ; car ce furent chevaliers forts et durs, et dfegros membres etdegrantcorage. Finablement li archier qui là estoient, furent desconfit et mis en cace, et en i eut bien mors, que sus la place que as camps, trois cens, et estoient toutdel'évesque deLincole. La cose ne se fust point passée ensi, mais quant les nouvelles en vinrent à madame la roine, elle dist tantos au roi : « Biaus fils, montés à cheval et aies celle part, et vous « trayés avoecques les Hainnuiers et faites un comman- « dément très-fort et très-cruel que nuls Englois, sus la « painne à perdre la teste, ne se mueve et ne face fait, ne « débat, et prendés la cose sus vous. » Li rois obéi à madame sa mère et monta à cheval, et montèrent plus de soissante barons et chevaliers, et trouvèrent sus les rues messire Jehan de Hainnau, qui venoit tous armés, et plus de trente chevaliers avoecques lui, et crioient : « Hainnau! » et estoient en volonté de ocire tous les archiers que il trouveroient ens es fourbours où lors gens estoient logiet.

» Estoutement, hardiment, vaillamment.

Considérés le grant mescliief que il f iist tantos avenus , car ces Eng'lès, arcliiers et aultres communautés, se requelloient et metoient ensamble, et estoit lor intention d'entrer en ces fourbours et tout ocire ou bouter le feu dedens et tout ardoir. Premièrement li rois s'aresta sus la rue, car on li dist : « Sire, vecbi messire Jehan de Hain- « nau et grant f uisson de Hainnuiers a voecques lui , et vien- « nent en ordennancede bataille, banières et pennonstous « desveloppés. Arestés-les et apaisiés et prendés la cose « sur vous et leur dittes que vous lor ferés amender ce « mesfait si grandement comme il vodront, et leur pryés « que il ne facent pas cose par quoi vostres volages soit « rompus. » Li rois entendi à ses hommes, et fist ensi que il li consellèrent. Messires Jehans de Hainnau, qui avoit l'aïr' en la teste, et qui moult dur estoit enfourmés sus ces archiers, dist en hault : « Sire, sire, nous sommes venu « en ce paï^ pour vous servir et vostre païs contre vostres « ennemis; et vostres communs, entrues que nous sommes « en esbatemens dalés vous, esmuevent débas et voellent « nos gens ocire et nous aussi. Nous ne le poons souffrir, « et n'en savons prendre milleur amendement , que sus « ceuls qui ontesmeu la rihote^ » Dont dist li rois : « Mes- « sire Jehan, souffrés-vous et faites tenir en paix vostres « gens. Je ferai tenir en paix aussi tous ceuls de ceste na- « tion, et se ce venoit à la bataille, je demouroie dalés « vous, car je congnois bien que par vous et par vos gens « ai-je recouvré mon roiaulme. Si vous pri que vous me « donnés ceste besongne, et retournés et ne venés plus « avant; car je meterai partout celle à tempérance et par

' Aïr, courroux.

' Rihote, trouble, désordre.

« si bonne ordennance que vous et li vostre vous en con- « tenterés. » Ces douces paroles que li rois dist, apaisièrent grandement messire Jehan de Hainnau et les Hainnuiers. Or voloit li rois que il ne venist plus avant, mais il respondi à elle et dist : Sire, sire, il ne fust riens dou débat et « douhustin de ma gent, puisque vous estes hors de vostre « bostel, il apertient que je voie et demeure dalés vous, « car espoir vous et vostres consauls, ne savés pas bien le « fons de ceste matère : otretant bien puet estre contre « vous que contre nous. » Dont respondi messires Thomas Wage, marescal dou roi, et dist au roi en son langage : « Sire, il parole sagement, et puet estre tout ce qu'il dist. » Adont chevauchièrent li rois et toute sa route et vinrent ens es fourbours, où li logeis des Hainnuiers estoit; si trouvèrent la rue moult esmeue , et des mors couchiés sur les cauchies ' . Dont ala li rois tout oultre sus les camps où li grans hustins avoit esté, et encontrèrent pluisseur Englois qui trop fort se plaindirent des Hainnuiers, et on lor disoit : « C'est à bon droit se vous avés esté c( batu. Pourquoi les alyés-vous asallir à lors hostels? » Encores avoecques tout ce , leur disoit messires Thomas Wage : « Li rois s'enfourmera de ce fait, et chièrement « le compareront chil qui ont commenchiet la meslée. » Quant chil archier veirent que il n'estoient aultrement plaint et que on les menaçoit encores, et que inquisition et information se feroit sus euls , si se doubtèrent dou roi et de sa justice, et ensepelirent les mors et entendirent as blessés. Li rois retourna à son logeis, et messires Jehans de Hainnau avoecque lui. Si fu de par le roi, fais uns bans et uns cris d'un sergant d'armes à cheval

* Caucliies, pavés.

tout parmi la ville et chité deEbruich, que nuls sur la teste à perdre, ne fesist débat, ne rihote, ne ne s'esmuist jamais de ce fait qui avenu estoit, ens, ne hors. Encores avoecques tout che, li rois envoia deus de ses banières ens es logeis des Hainnuiers et trois chevaliers, et furent ordonné à euls tenir tous quois nuit et jour et garder les banières le roi , par quoi archiers englois, ne comunaulté ne se esmuissent de jour, ne de nuit ; car vous devés sçavoir que chil qui avoient eu lors frères, lors pères, lors enfans, cousins ou proismes mors, avoient grant félonnie ou coer, et disoient quant il veoient les Hainnuiers aler ensamble sus les rues : « Velà ceuls qui nous ont ocis nos amis , et si « nous ne poons aultre cose avoir, par Dieu si auerons avant « que il retournent en lor pais. » Et disoient bien li auquns barons et chevaliers d'Engleterre as chevaliers de Hainnau qui point n'entendoient le langage des Englois (liquel ne haioient point les Hainnuiers, mais le disoient pour euls aviser, à la fin que il fuissent le mieuls sus lor garde) : « Chil archier de Lincole, et moult d'aultres com- « muns , pour l'amour d euls , vous ont quelliet en grant « haine, et se il n'estoient brisiet de par le roi, il le vous « m.onstreroient et de fait. » Li chevaliers de Hainnau respondirent : « Il nous en fault atendre l'aventure, et s'il « avenoit que nous fuissions asalli , desquels vous tour- « neryés-vous? » — « Il nous est commandé et ordonné, « respondoient li chevalier d'Engleterre, sus quanque que « nous tenons dou roi, que, se rihote commenche par euls, « que nous soions avoecques vous, et bien nous lor disons « et remonstrons que il se tiengnent en paix, car se la « rihote commence, nous serons pour vous avoecques euls « et contre euls, et nous est commandé dou roi ; et pour ce « que il voient que li rois et nous, vous voulons aidier et

« porter à rencontre de euls , il se refrènent de monstrer « de fait lor mautalent, et à ce que nous entendons, il sont « bien euls sys mille de une aliance. » Sus cel estât et avis^ fissent li chevalier de Haînnau pluisseurs bonnes ordennances pour euls mieuls garder et deffendre, par lesquelles ordennances il convenoit tout dis par nuit jésir en armes, et par jour euls tenir en lors hostels, et lors barnas avoir apparilliet et les chevaus tous près et en selles. Et les convenoit tout dis par nuit et par jour guaittier par connestablies les camps et les cemins de autour de la ville , et envoyer auqunes escoutes demi-lieue en sus de la ville pour savoir se cbil archier faisoient nul agait, ne asamblée. Et avoient ordonné une place li Hainnuiers où il se dévoient tous retraire.

CHAPITEE XXV.

Comment li hoos se deslogea et vint outre la cité de Durâmes.'

En celle tribulation demorèrent li Hainnuiers ens es fourbours de Ebruicb l'espace de quatre semainnes, et n'osoient eslongier lors bostels, ne lors armeures, ne à painnes li chevaliers entrer en la chité se il n'estoient acompagniet des chevaliers d'Engleterre. Et quant il aloient veoir le roi et la roine et les dames et les damoi^ selles, il estoit ordonné de par le roi, à quelle heure que ce fust, il fuissent raconvoyet et mis dedens lors hostels. Et se li meschiés et li périls ne fust, il séjournoient assés aiséement, car environ Ebruicb il i a très-bon païs et plentureus , car dedens sys sepmainnes et plus que li rois et to)^t li signeur d'Engleterre et li estrangier et lors gens dont il iavoit plus de soissante mille hommes, séjournèrent

là, onquesnonrenchièrirent li vivres, que on n euist la denrée pour un denier aussi bien que on avoit eu devant, bons vins de Gascongne, d'Ausai' et de Rin le potel pour trois esterlins, et les milleures cervoisses dou monde, et les plus nourissans chars et poissons et toutes volailles à grant marcbiet, foin, avainne, litière, à milleur marcliiet que en Hainnau ou en Vermendois. Quant il orent là séjourné par l'espasce de trois sepmainnes apriès ce que la bataille eut esté, on leur fist asavoir de par le roi et les marescaux que casquns se pourveist dedens celle aultre sepmaine de charrettes et de tentes pour jésir as camps, et de tous aultres hostils nécessaires pour aler oultre par deviers Escoce, car li rois ne vouloit là plus séjourner. Sus ceste ordenance, li signeur se pourveirent et aussi fissent toutes gens casquns selonch son estât. Quant tout fu pourveu et li jours vint du département, li rois prist congiet à madame sa mère et se départi de Ebruich. Ordonné fu de par le roi que messires Jehans de Hainnau et li Hainnuiers fuissent tout dis sus ce cemin logiet au plus près de lui que nuls des aultres, tant pour honnour, que pour les archiers de Lincole qui. ne pooient, ne ne voloient oublyer la ocision et la perte de lors amis, et volentiers se fuissent pris as Hainnuiers se il ne euissent veu que point d'avantage il ne euissent eu sus euls. Si séjournèrent li rois et ces premières routes deus jours pour atendre le daarains et pour mieuls aviser à cascun se il li falloit riens. Au tierch jour apriès, toute li hoos qui estoit là, se deslogea et se traïst avant de jour en jour, tant que on vint outre la chité de Durâmes * qui siet sus l'entrée de Northombrelande , et trueve-on là moult de povre païs et despourveu de toutes

' Ausai, Alsace.

■ Durham.

coses, fors que de testes, et court là une rjvière qui vient d'amont des montagnes de deviers Carduel * que on apelle le Thin, et est la ditte rivière toute plaine de pierres et de caillions. Et oultre la cliité de Duram, siet la bonne ville dou Noefchastiel sus le Tllin^ belle ville forte et bien fermée, et fait la frontière encontre les Escos, et là se tenoient li mareschaus d'Engleterre à grant gens d'armes pour garder le païs à l'encontre des Escoçois. Et ne savoient encores li Englois là où li Escoçois estoient, et disoient li auquns : « Il sont retrait en lor païs : il ont « usage que il guerrient en courant, et quant il ont fait « celle chose et il sentent que gens viennent sus euls à « pooir, il se retraient. » Mais pour ces jours, il n'estoient pas retrait, avant ardoient en Northombrelant, et avoient ars en Galles et jusques à Carduel et tout le païs de là environ. Et tant alèrent chil de l'avant-garde que de dessus les montagnes il veirent les fumières d'auquns petis hamelès que li Escoçois faisoient, et li auquns Englès disoient que ce n'estoient pas fumières des feus des Escos, mais de ouvriers qui faisoient carbon ens es bois. Or vous voel un petit deviser la manière et la nature des Escoçois, et comment il scèvent guerryer.