CHAPITRE XXVI
Comment li Escos se gouvernent quant il voellent guerryer.
Li Escos sont durs et hardis et fort travillant en armes et en guerres. Et pour le temps d'adont, il amiroient et prisoient moult petit les Englois, et encores font- il au
' Carduel, CâTlisle.
2 Newcastle-on-Tyne.
temps présent. Et quant il voellent guerryer et entrer ou roiaulme d'Engleterre, il mainnent bien lor hoost vingt ou vingt-quatre lieues lonch, que de jour, que de nuit, comment moult de gens se poroient esmervillier de ce, qui ne sauroient lor custume. Certain est que quant il voellent entrer en Engleterre, il sont tous à chevaus li uns et li aultres, fors que la ribaudaille qui les sievent à piet. Et sont chevaliers et esquiers bien monté sus bons gros roncbins*, et les aultres hommes de guerre sus jumens ou sus haquenées, et ne mainnent point de charroi pour les diverses montagnes que il ont à passer ens ou païs de Northombrelande, et si ne mainnent nulles pourvéances de pain, ne de vin, car lors usages est tels en guerre, et en travillant il sont moult sobre, et se passent bien deus ou trois jours à mengier char à moitié quite sans pain, et de boire aiguë de rieu courant, sans vin, ne cervoise. Et n'ont que faire de chaudières, ne de chauderons, car il quisent leurs chars généraument, quant il sont ensi sus un voiage, ens es quirs des bestes quant il les ont escorchiés. Et s atendent sur ce que il sèvent bien que il trouveront bestes à grant fuisson ens ou païs où il voellent aler, par quoi il ne font aultre pourvéance que casquns emporte entre la selle et le penniel dou cheval que il cevauce, une plate pierre, et avoech ce il trousse derrière lui une besace plainne de farine, en celle entente quant il ont tant mengié de char mal quite que lor estomac samble estre wape ^ et afoiblis,il jettent celle plate pierre ou feu et destrempent un petit de leur farine, et quant leur pierre est escaufée, il jettent de celle clère paste sus celle caude pierre, et en font un petit tourtiel h manière do une oublie de béguine,
* Ronchins, chevaux.
'^ Wape eu afoihlis, la seconde épithète explique la première.
et le mengent pour conforter lor estomacli , par quoi ce n'est pas merv elles se il font plus grandes journées que aultresgens. En tel point estoient-il entré ens oupaïs desus dit et le gastoient et ardoient, et trouvoient tant de bestes que il n'en savoient que faire. Et pooient estre environ trois mille armeures de fier, chevaliers et esquiers montés sus bons roncbins et bons coursiers, et vint mille hommes d'aultres gens armés à lor guisse, appers et hardis, montés sus petites haquenées, qui ne sont ne logés, ne estrilliés, mais les envôye-on tantos paistre où on est descendu, en prées ou en bruières. Telle est la nature et ordenance des Escos. Et je Froissars, actères de ces croniques, fui en Escoce en l'an de grasce MCCCLXV, car la bonne roine madame Philippe de Hainnau, roine d'Engleterfe, m'escripsi * deviers le roi David d'Escoce , liquels fu fils au roi Robert de Brus, qui pour ce temps resgnoit, et au conte de Douglas et à messire Robert de Versi, signeur de Struvelin \ et au conte de la Mare, liquel pour l'onnour et amour de la bonne roine desus ditte qui tesmongnoit par ses lettres séelées que je estoie uns de ses clers et familiers, me requellièrent tout doucement et liement, et fui en la compagnie dou roi, un quartier d'un an, et euch celle aventure , que , ce que je fui en Escoce, il visita tout son païs, par laquelle Visitation je apris et considérai moult de la matère et ordennance des Escoçois, et sont de toute tele condition que chi desus vous est devisé*. Pour le temps que chil Escoçois estoient entré ens ou' païs de Northombrelànde, il n'avoient point le roi Robert de Brus
. * M'escripsi, m'envoya.
2 Struvelin (Stirling) ?
3 Froissart donnera d'autres détails sur son voyage d'Ecosse, au chapitre CCXLII.
en lor compagnie, mais deiis aultres vaillians hommes à chapitainnes, c'est-à-savoir le conte de Moret, et s'armoit pour lors d'argent à trois orilliers de gueules , et messire Guillaume de Douglas, le plus hardit, vaillant et entreprendant de tous les aultres, et s'armoit d'asur à un cliief d'argent à trois estoilles de gueulles dedens l'argent, et estoient chil doi baron li plus poissant et renommé de toute Escoce.
