CHAPITRE XXVII

Gomment batailles furent ordonnées pour raconsuir les Escoçois.

Quant les nouvelles furent venues au roi d'Engleterre que lors gens avoient veu les fumières que li Escoçois faisoient, il fu ordonné de par les marescauls et comandé h deslogier, et que on sievist les banières dou roi. Ensi fu fait, cascuns s'arma et apparilla et se traïst sus les camps, ensi que pour coînbatre. Là furent ordonnés trois grosses batailles à piet, et en casqune avoitcinq cens armeures de fier, qui estoient en deus èles, et dévoient demorer à cheval. Et pooient estre en la compagnie dou roi huit mille armeures de fier , chevaliers et esquiers , et trente mille hommes parmi les archiers, la moitiet monté sus haquenées et l'aultre moitiet sergans à piet envoyet de par les bonnes villes d'Engleterre et à lors gages, et encores sans les archiers h cheval, il y avoit bien vingt-trois mille archiers à piet. Adonc, ensi que les batailles furent ordonnées, on cevauça tout rengiet sievant les banières le roi, et en i avoit quatre et les portoient li sires de Sées, li sires deFerrères, li sires de Morlais et li sires de Hastinghes, et chevaucoient et alloient h la sent dos fumières, et cemi-

nèrent jusques à basses vespres. Adonc se logea li hoost en une grande prée priés d'un bois et sus une petite rivière et tout au loncb pour euls aisier, et pour atendre le charoi et les pourvéances, et tout ce jour avoient ars li Escoçois à cinq lieues englesces priés d'euls, et ne les povoient trouver, ne raconsuir. Quant ce vint à l'endemain au point dou jour, on sonna les trompètes, casquns fu armés et apparilliés, et se traïssentles banièressus les camps, casquns en sa bataille et desous la baniére où ordonné on estoit. Et cevaucbièrent les banières tout ce jour sans euls desrouter par montagnes et par vallées, et oncques ne purent veoir, ne aprochier les Escoçois. Bien veoient li Englois les fumières que les Escos faisoient, mais entre euls et les Englois il i avoit grans mares, montagnes et désers lesquels on ne pooit passer à l'adrèce*, mais convenoit ceminer autour, et n'osoit nuls fourpasser , ne aler devant les banières , fors les marescauls. Quant" ce vint apriès nonne, et toutes gens et chevaus estoient si travilliet que plus ne pooient, on se logea, et demora toute li hoost celle nuit sus une petite rivière dont il furent rafresqui. Et li rois fu logiés en une povre court d'âbéie qui là estoit ; gens d'armes et tous li demorans, cliaroi et çharetons, furent logiet moult en sus, travilliet oultre mesure. Quant casquns ot pris piècbe de terre poar logier, li signeur se traïssent ensamble pour avoir consel comment il se pourroient maintenir, ne trouver la trace des Escos , lesquel il désiroient au veoir et à combatre. Et fu avis à auquns que li Escos s'en raloient en leurpaïs et que on ne les aueroit point, et pooit estreque il savoient bien tout le convenant des Englois , mais on ne savoit riens dou leur. Là fu dit à ce consel que se on

* A Vadrècc, tout droit. Voy. plus haut chapitre X : Il singlèrenf a Vadrèce.

se voloit lever devant minuit et à l'endemain un petit liaster, on leur tolroit * le passage de la rivière, et seroient pris et enclos en Engleterre. Chils consauls fu arestés et acordés , et se retraïst cascun des signeurs en son logeig , et fissent à savoir tout secréement en pluisseurs lieus parmi l'oost que quant les trompettes sonneroient, on s'armast et apparillast, et au second son de la trompette, on fust tous près, et au tierch son, on monteroit à cheval. Et fu ordonné que on laisseroit là tous harnois et tous charois, et que casquns ne> presist qu'un pain et le troussast derrière lui. Ensi comme il fu ordonné, fu-il fait, et soupèrent li pluisseur en grant haste et dormirent un petit, et li auquns n'eurent nul loisir de dormir, car en esté ou mois de juille, les nuits sont moult courtes. Devant mie-nuit, un petit, on sonna les trompettes; au second son, on fu tous près; au tierch son, on monta à cheval et sievi-on les banières des mareschaus, et demorèrent chars, charettes et sommiers et tous vitailliers derrière , et ne prist casquns que un pain ensi que ordonné estoit, et se hastèrent grandement celle journée de venir à ce passage pour as Escoçois tolir l'avantage de la rivière. Et chevaucièrent en haste dispersement par montagnes, par brùières et par vallées et par roquailles malaisiés,sans point de plain cemin. Et par desus ces montagnes et ou fons de ces vallées estoient crolières^ et grans mares et si divers passages que mervelles estoit comment nuls en pooit issir, car casquns chevauçoit tout dis avant sans atendresigneur, ne compagnon, et sachiés que qui fust encrolés en ces crolières il trouvast h grant malaise qui l'en traïst hors. Et s'avançoient chil derrière pour racon-

' Tolroit, enlèverait.

* Crolières, fondrières.

sievir cheuls devant, et quidoient li pluisseur que on euist trouvé les Escos pour la noise qui estait devant, et la noise venoit des cerfs, des bisses et des dains que li premier trouvoiejit. Si huioient ' après à haute vois, et tout dis aloient li premier avant et si envoient les banières des marescaus.