CHAPITRE XXIX
Comment li rois séjourna huit jours sus la rivière dou Thin.
A rendemaîn dedens heure de tierce, fu li hoos assés avitaillié, et qiiisierent toute celle nuit li four, et se hastèrent à faire dou pain : à painnes estoit la paste escaufée quant il le traioient hors dou four, et le metoient en sas et en paniers, et puis sus petis chevaus il vinrent en l'oost. Tout estoit requelliet en bon gré et vendu, et furent chil de l'oost grandement apaisiet, et fist li rois donner as trois povres hommes que lors gens avoient trouvé, dont il avoient eu celle adrèche, vint livres à l'estrelin. Et séjournèrent là li rois et toute li hoos sus la rivière de Thin huit jours tous entiers, attendans que li Escoçois retournassent , mais il n'en avoient, ne oïrent nulles nouvelles. Aussi li Escoçois ne savoient riens des Englès et les esquievoient par avis de païs che qu'il pooient, et se tenoient en la marche de Carduel, entre roces et montagnes, es païs inhabitable. Ces huit jours que les Englois séjournèrent sus la rivière de Thin, attendans la revenue des Escoçois, il travillièrent tellement le païs de pourvéances et si les quissent que un pain d'un estrelin, on lor vendoit sys. Encores le toloient-il l'un l'aultre. Vin tout behuté', le galon qui ne valoit en devant que sys estrelins, il l'achatoient vingt-quatre estrelins. Chars avoient-il assés, mais toutes aultres coses lor estoient si chières et si court tenues qu'il n'en pooient recouvrer. Et encores avoecques tout ce meschief, il ne cessoit point de pleuvoir, par quoi
* Behuié^ en cruches?
lors selles, panne.aulx et contresengles furent tout pouris, et tout li cheval ou la plus g*rant partie quassé ' sus le dos, et ne savoient de quoi cheuls ferrer qui estoient desferret, ne de quoi couvrir fors que de leurs tournequiaus d'armes, ne euls-meismes encontre la plueve il ne se savoient comment deffendre, et passoient bien souvent, quant il aloient et venoient pour quérir pourvéances ou pour veoir l'un l'aultre, en la bourbe jusques as queuvilles\ Et encores avoient li Hainnuiers trop plus dur parti que li Englois, car depuis basses vespres il ne s'osoient desfouchier % mais tenir ensamble et faire doubles gais toute nuit pour la doubtance des archiers de Lincole, qui volen tiers les eussent couru sus et fait grant damage, se il ne doubtassent le roi et les signeurs à courouchier. Et n'avoient de quoi faire feu fors que de verde lagne '' qui ne voloit ardoir, et n'avoient ne pot, ne chaudière, ne caudron; car tous lors charois estoit demorés derrière, qui ne pooit venir par nul cemin jusques à euls pour la diverseté dou païs, et rotissoient toutes lors cars^ et avoient trop grant défaute de sel et ne savoient à quoi boire de l'aiguë ou de l'aultre l)reuvage, quant il en pooient avoir, fors en vasselles que il avoient fais des escorces des ormiaus et d'aultres arbres dou bois.
* Quassé, blessés, couverts de plaies.
2 Queuvilles. chevilles..
? Se desfouchier, se séparer.
* Lagne, laigne, bois.
5 Car, char, chair, viande.
