CHAPITRE XXXI
Comment li rois d'Engleterre s'ordonna pour combatre les Escos.
En celle abbéie se logea li rois celle nuit, et toute li hoost là environ, et pooit avoir quatre lieues englesces de là où li Escoçois estoient logiet. Quant ce vint au matin, on sonna le premier son des trompètes, dont s'ordonnèrent et apparillièrent toutes gens et se traïssent li signeur deviers l'abéie, et trouva-on les monnes et biaucop de prostrés, tous revestis et apparilliés pour dire messe. Si se confessèrent et aquommunièrent grant fuisson de ceuls de l'oost et missent en bon estât ensique pour entrer en bataille et atendre l'aventure. Les messes dittes, on sonna secondement les trompètes. Adont se dèsmuerent toutes gens et prissent en gré ce que il avoient. Au tierch son de la
* Dans les textes imprimés, Froissart rapporte au contraire qu'Edouard III campa près d'une abbaye, brûlée par les Écossais, qu'on appelait du temps du roi Artus la Lande Blanche. Ceci doit s'entendre du monastère de Blancland [Alba Landa), fondé en 1165, par Gauthiei' de Bolbec.
trompeté dou roi, on fu tous près, on monta à cheval, on se départi, et aloient li troi esquier, qui les nouvelles avoient aporté des Escoçois, devant, et menoient les banières, et tant chevauchièrent, en tournant deus montagnes, que il vinrent si priés des Escos que il les veirent tout clèrement, et les Escos euls. Si trètos que les Escos veirent les Englois, il issirent hors de lors logeis tout à piet, et ordonnèrent trois bonnes batailles moult franchement sous le desvaler de la montagne, là où il estoient logiet. Par desous celle montagne côuroit une rivière forte et rade et plaine de cailloulx et de si grosses pierres , que on ne le peuist en haste passer, maugré euls, sans grant mescief. Et encores aultre cose, se li Englois euissent la rivière passet, se ni avoit point de place entre la rivière et la montagne là où il peuissent avoir rengiet, ne ordonnet lors batailles. Et si avoient li Escoçois lors deus premières batailles establi sus deus crupes ' de montagne, là OLinuls ne pooit bonnement monter, ne ramper pour euls assalir, mais estoient ou parti que pour les assallans tous confroissier, et se li Englois euissent passet la rivière, il ne puissent nullement retourner. Quant li signeur d'Engleterre veirent le convenant des Escoçois, il fissent toutes lors gens traire à piet et oster les esporons et rengier lors trois batailles , ensi que ordonné les avoient en avant. Là endroit i furent fait grant fuisson de nouveaulx chevaliers. Quant ces batailles furent rengiées et ordonnées, auquns des signeurs d'Engleterre amenèrent le jone roi d'Engleterre par devant toutes les batailles pour les gens d'armes plus resbaudir, et aloit li dis rois tout le pas à cheval devant euls et leur prioit moult gracieusement
» Crupes, croupes.
que casquns se penast de bien faire et de garder son honneur, et faisoit commander sus la paine de la teste que nuls ne se mesist devant les banières des marescbaus, ne se meuist jusques à tant qu'on le commanderoit. Quant li rois ot fait son tour et visité ensi ses batailles, un petit apriès, on commanda que les batailles alaissent avant par deviers les ennemis, tout bellement le pas. Ensi fu fait et ala bien casqune bataille en tel estât un grant bonnier de terre avant jusques au desvaler de la montagne sus la quelle li Escoçois estoient. Tout ce fu fait et ordonné pour veoir et savoir se li Escoçois s avaleroient point, et pour veoir comment il se maintenroient, mais on ne put percevoir que il se meuissent en riens, et si estoient si priés li un de l'autre que il recongnissoient partie de lor armoierie. A donc fist-on arester tout quoi pour avoir aultre consel, et fist-on auquns compagnons monter sus coursiers pour escharmucbier à euls et pour aviser le pasage de la rivière et pour veoir lor convenant de plus priés, et leur fist-on asavoir par hiraus que se il voloient passer la rivière et venir combatre au plain, on se retrairoit arrière et lor livreroit-on bonne place pour lors batailles rengier, fust tantos ou à l'endemain au matin, et se ce ne leur plaisoit, il vosissent faire le cas parel. Quant il oïrent ces ofires et ces trettiés, il orent consel. Euls consilliés, il respondirent et tantos as liiraus là envoyés, que il ne f croient, ne l'une pareçon, ne l'aultre, mais li rois d'Engleterre et tout si baron veoient bien que il estoient en son roiaulme et li avoient ars et gasté : se il lor en anoioit, se le venissent la amender, car là demorroient-il tant que bon lor sambleroit, et se il ne pooient venir par là, il alaissent autour des montagnes querre la voie.
