CHAPITRE XXXII
Comment les Englois ne purent approchier lesEscoçois.
Quant li consauls le roi d'Engleterre veirent que il n'en auroient aultre cose, il ordonnèrent à logier là endroit. Tous se logièrent et furent là celle nuit moult à malaise sus dure terre et pierres sauvages et tout dis armés, et à grant meschief , li garçons recouvroient de pels * , ne de verghes pour loyer lors chevaus, ne fourage, ne litière pour euls aisier, ne busce pour faire feu. Et quant les Escoçois perchurent queli Englois se logeoient, il s'ordonnèrent à euls logier parellement, et fissent demorer auquns de lors hommes sus la place où il avoient establi lors batailles, puis se retraïssent sus lors logeis, et fissent tantos tant de feus que mervelles estoit à regarder, et fissent entre nuit et jour si grant bruit de cornes et de buissines tout à une fois, et de juper ^ apriès tout hault et de diverses vois que li Englois en furent tout estonné, et sambloit que tous les diables d'enfier fuissent là entre euls. En telle manière furent -il logiet celle nuit qui fu la nuit Saint- Pierre à l'entrée d'aoust l'an de grâce mille ccc et xxvij . Quant ce vintàl'endemain, li signeur oïrent messe; la messe ditte, on fist casqun armer, et les batailles rengier, ensi que le jour devant. Quant li Escoçois perchurent l'ordenance des Englois, il s'en vinrent parellement tout rengiet et se remissent à veue ensi que le jour devant. Et demorèrent là les deus hoos tout rengiet et en bataille l'un
* Pel, pahts, poteau, pieu.
2 Juper, pousser des cris insultants, liucr.
devant l'autre tout ce jour jusques apriès nonne, que onques les Escoçois ne fissent samblant de venir sus les Englois, ne les Englois sus euls, car il ne les pooient bonnement aprocWer sans trop grant meschief. Et avint que pluisseurs compagnons englois, liquel avoient clievaus, dont il se pooient aidier, passèrent la rivière, et li auquns àpiet pourescarmuchier àeuls, et aussi se desroutèrent auquns Escoçois qui couroient et recouroient tout escarmuchant li un à l'aultre, tant que il i eut des mors, des bleciés et des pris, des uns et des aultres. Sus celle heure, li signeur d'Engleterre fissent à savoir que casquns se retraisistas logeis, car bien veoient que il estoient là pour noient. Si se retraïst casquns à son logiers. En tel estât furent-il par trois jours, et li Escos d'aultre part sus leur montagne, sans départir, et tous les jours i avoit hommes escarmuchans de une part et d'aultre, et souvent des mors et des pris. Et toutes les viesprées, les Escos faisoient par costume si grans feus et tant et si grant bruit de juper et de corner que ce pooit estre une mervelle; mais li Englois qui congnoissent lor manière, n'en font compte et bien dient : « Olà les diables qui se resvellent, qui nous quident « esfréer et eshider par lor juperie. » Li intension des signeurs d'Engleterre estoit que de tenir ces Escos là endroit pour asségiés puisque il ne se pooient bonnement à euls combatre et les quidoient bien aifamer, car nulles pourvéances ne lor pooient venir, et si ne se pooient de là partir, ensi que il quidoient, pour râler en lor païs fors que par lor dangier. Et si savoient bien li Englois par les prisonniers qui pris estoient, que les Escos n'avoient nulles pourvéances de vin, de pain, ne de sel. Des bestes avoientil assés, si en pooient mengier en sève et en rost, sans pain et sans sel, à laquelle cose, quant il lor touche, il n'acomp-
DE FROISSART. iOl
tent point granment, mais que il aient de la farine et une plate pierre à faire des oublies, et aussi ne font auquns Englois, ne Gallois : il sont tout de une painne et de une matère et condition. Oravintque le quatrime jourau matin que li Englès orent là esté logiet, il regardèrent par deviers la montagne où il pensoient les Escos, si ne veirent nului, car il s'en estoient parti à la mienuit Si en orent li signeur grant mervelle et ne pooient à penser que il estoient devenu. Si envoyèrent tantos hommes à clievals et à piet par ces montagnes, liquels les trouvèrent, environ heure de prime, logiés sus une aultre montagne plus malaisié à monter et à ramper que celle de devant n'estoit, et sus celle rivière meismes. Et estoient logiet en un bois pour estre plus repus et pour plus secréement aler et venir quant il vodroient. Quant les nouvelles furent scènes, on list les Englois deslogier et traire celle part tout ordonnéement et logier sus une aultre montagne droit à rencontre d'euls. Et fist-on les batailles rengier, et samblant que d'aler viers euls; mais si trètos que il veirent l'ordenance as Englès, et euls aprochier, il issirent hors de lor logeis et s'en vinrent rengier faiticement asses priés de la rivière contre les Englois, mais onques ne vorrent descendre, ne venir viers les Englès. Et li Englès, par nulle voie ne pooient aler à euls que il ne fuissent tout mort davantage ou pris à grant meschief. Si se logièrent là endroit encontre euls et demorèrent dis-wit jours tous plains, sus celle seconde montagne, et tous les jours rengiés encontre euls. Et envoyèrent li signeur d'Engleterre par pluisseurs fois lors hiraus deviers euls trettyer et parlementer que il vosissent livrer place et pièce de terre pour combatre ou on lor livreroit, mais onques à nulle de ces pareçons, il ne ne se vorrent acorder. On se puet et doit esmervillier, se-
loncli le povre pais où il estoient, comment il purent ce dangier porter et endurer, mais le grant plaisance que il avoient as armes, les faisoit estre ensi.
CHAPITEE XXXIII.
Comment messires Guillaumes de Douglas fit une envaïe en l'oost des Englois, et comment les Escoçois se départirent.
La première nuit que li Englois furent logiet sus celle seconde montagne à l'encontre des Escos, messires Guillaumes de Douglas, comme preus et entreprendans chevaliers qu'il fu, issi de lor hoost environ l'eure de mienuit, atout deus cens armeures de fier en sa compagnie, et passa celle rivière bien lonch de lor hoost, par quoi on ne s'en peuist apercevoir, et se féri moult vassaument en l'oost^ des Englois en criant : « Glas ! Glas ! » et commenchièrent il et si compagnon à faire une grande envaïe et à coper et mehagnier gens et à abatre , (car ce fu sus le point dou premier somme), et portèrent grant damage à l'oost , avant que on puist estre fors pour euls rebouter, et furent si priés de la tente dou roi que il copèrent des cordes de sa tente, et puis se retraïst sagement et à petit de damage. Celle envaïe fist li chevaliers, dont il acquist tant grant renomée des Englès meismement. Et pour la doubtance de lui et que tels escarmuces ne lor sourdesissent, li Enflés renforchièrent lors gais et missent grant gardes et escoutes, autour de lor hoost, afin que de nuit il ne fuissent sourpris. En cel estât furent-il vint-deux jours sus ces deus montagnes, li un devant l'aultre, et tous les jours i avoit des escarmuces, et des
mors , des pris et des bleciés. Le darrain jour des vintdeus , fu pris un chevaliers des Escos à l'escarmuce, qui moult en vis voloit dire as signeurs d'Engleterre le convenant des leurs. Se fu-il tant enquis et examinés que il dist que lors cliapitainnes avoient entre euls acordé le matin que casquns fust armés au vespre, et que casquns sievist la bannière messire Guillaume Douglas, quel part que il^ vodroit aler, et que casquns le tenist en secré, mais li chevaliers ne pooit savoir quel part la banière voloit aler. Sus ceste parole, li signeur d'Engleterre se consillièrent ensamble et ne pooient penser où ceste banière se vodroit traire, et faisoient doubte que il ne les venissent escarmuchierpar nuit et brissier lor hoost sus deus costés, pour euls mieuls mettre en aventure de vivre ou de morir , car il avoient entre euls grant famine. Si ordonnèrent li Englès entre euls trois batailles et se rengièrent sus trois lieus devant leur logeis et fissent grant fuisson de feus pour veoir plus cler autour de euls, et fissent demorer tous les garçons en lors logeis pour garder les chevaus et se tinrent ensi celle nuit tout armet, casquns desous sa banière ou son pennon , et proprement li rois i estoit , et le convint veillier aussi bien comme les aultres, et attendirent les Escoçois en cel estât , qui point ne vinrent , mais ordonnèrent autrement bien et sagement, car si tos que la nuis fu venue, il furent tout prest et se départirent sans faire noise, ne cri, et furent moult eslongié avant que il fust jours. Quant ce vint sus le point dou jour, doi trompeurs ' d'Escoce qui trop avoient dormi , s'embatirent sus un guet qui guetoit les camps et estoit là establis à manière d'escoute. Li trompeur furent pris de ceuls et amenet devant les signeurs dou con-
* Trompeurs, joueurs de cornemuse.
sel dou roi. Pour tant que il estoient Escot, on lor. demanda où il aloient et quel cose il quéroient. Il congneurent vérité et dissent que lors gens estoient parti tantos sus la vesprée et s'en aloient férant à l'esperon arrière en Escoce. Tantos li signeur fissent monter trois ou quatre hommes des leurs et aler veoir sus la montagne se il disoient vérité ; il raportèrent (chil qui envoyet i furent) que oïl, et que voirement en estoient li Escoçois aie. Dont se tinrent li signeur à deceu et veirent bien que li pour^ sievir ne lor valoit riens. Or montèrent pluisseurs Englois sus la montagne pour veoir comment les Escos estoient là ordonné et quel cose il avoient laissiet derrière. Chil qui montèrent à mont à grant painne, trouvèrent grant fuisson de grosses Lestes, vaces, buefs et viauls tantos mors, que les Escoçois avant lor département avoient ocis afin que les Englois n'en euissent aise. Et trouvèrent plus de trois cens caudrons pendans à havos de bois, plains d'aiguë et de car , et ces caudrons fais des quirs à tout le poil, et trouvèrent plus de mille hastiers ' plains de cbars pour rostir au feu , et trouvèrent plus de dys mille viels solers fais de quirs tous crus à tout le poil, que les Escos avoient là laissiet, et trouvèrent cinq povres prisonniers englès que les Escos avoient tous mis lojés as arbres; si les desloyèrent et deus aultresàqui li Escot avoient les jambes brisiés, et puis retournèrent en l'oost si à point que casquns se deslogeoit et ordonnoit pour retourner viers Engleterre. Si suy virent tout ce jour les banières des marescbaus et vinrent logier de haute heure en une moult belle prée où il trouvèrent fourage assés pour lors chevaus, qui lor fist grant bien, car il estoient si foibles que à painne pooient-
» Hastiers, broches.
il aler avant, et trouvèrent une grande court d'abéie où li roisfu logiés celle nuit, et estoient à deus lieues de Duram. Encores se tint là li hoos à l'endemain , car il trouvèrent pour lors chevaus, vèces, bleds et avoinnes et bons foins, qui lor vint trop grandement bien à point , et li rois ala oultre à Durâmes et tout premiers à l'église catédral et i fist féaulté, car encores il ne li avoit point fait et se li devoit faire, et aussi as bourgois de laditte ville, et sus le point de nonne, toute li hoos s'avala à Durâmes, et se logièrent là ou environ, et pansèrent les valès lors cbevauls, et bien avoient mestier de trouver foin, avoinne et litière'.
CHAPITEE XXXIV,
Comment li rois Édouwars donna congiet à toutes gens et comment li Hainnuiers retournèrent en lor païs.
En la cbité de Durâmes trouvèrent les signeurs lors cLaretons et lors carettes et tout lors barnas que il avoient laissiet, trente-deus jours avoit, en un bois à mienuit, sicom il est contenu icbi desus en nostre histore , que les bourgois de Duram avoient là amenet et boutet en wides granges, etcasqun char et charette son banière ou pennonciel, et les avoient les dis bourgois gouvernés jusques à ce jour. Si furent moult resjoï li signeur quant il les trouvèrent, lors variés et lors cevaus tous rafresquis. Si se tinrent là trois jours et s'i rafresquirent et fissent ferrer lors chevaus qui grant besongne en avoient, et tant en chéi à
' Du 15 au 17 juillet le roi se trouva à Durham , tlii 2 au 7 août j> Stanhopo ; le 15 août il était rentré à York.
referrer que li fiers falli, et se convint aidier deceminiaus\ de bandes de chars et de hastiers de fier et de quievilles, et coustoit un fiers pour un cheval d'un seul piet sept sols estrelins. Encores i eut si grant presse sus les trois jours que il furent à Durâmes que bien la tierce pars des çhevaus furent encloés. Au quatrième jour, on se départi de Durâmes et donna li rois congiet à toutes gens de retourner en lors lieus , réservé les Hainnuiers, et se commenchièrent toutes manières de gens d'armes et d'archiers à départir et à retraire sus lors lieus, et li rois vint à Ebruich c'on dist lorcli, et là trouva madame sa mère et grant fuisson des dames dou païs qui li faisoient compagnie. Si se reposèrent là li auquns signeurs dalés le roi et les dames , et relivrèrent li Hainnuier lors chevaus qui tout estoient effondut et afollet. Au consel dou roi , on les requelli courtoisement, et orent dou nouviel argent pour racater des aultres, et fu compté et sommé à tous barons, chevaliers et esquiers de Hainnau en combien, tant pourcevaus que pour gages, li rois estoit tenus envers euls, et en fist li rois sa dette enviers messire Jehan de Hainnau % et li chevaliers enviers ceuls qui l'avoient acompagniet en ce voiage, et se portèrent li compte et les sommes si courtoisement que tout s'en contentèrent, et ne furent pas adont tout hors payet en deniers apparilliés , car li receveur et ofilcyer dou roi avoient trop mis hors d'argent pour ce voiage, et quant finance fu revenue, on en fist paiement à Bruges. Si fucasquns payés et satisfais selonch sa porsion. Environ sept jours se tinrent messires Jehans de
1 Ceminïaus, chenets.
2 Le 20 août 1327, Edouard III ordonna de remettre 4,000 livres à Jean de Hainaut; si cette somme n'existait pas au trésor, on devait la prendre sur les joyaux déposés à la Tour do Londres.
DE FROISSART. i07
Hainnau et li Hainnuier à Ebruich c'on dist lorch, depuis la revenue dont je vous ai parlé, dalés le roi et madame la roine et les signeurs d'Engleterre, et puis prissent congiet et.... ' tousjours près et apparilliés de faire service a,ù roi et au païs d'Engleterre. On les en remerchia moult de fois. Ensi se départirent li Hainnuier dou roi et des signeurs , mais il envoyèrent par la rivière dou Hombre qui rechiet en la mer et par vassiaus, la grignour partie de lors harnois et de lors variés , liquel vinrent depuis à l'aide de Dieu et dou vent à l'Escluse en Flandres, et il ceminèrent par terre et vinrent à Londres, et les fist li rois aconvoyer et acompagnier de messire Thomas Wage, marescal d'Engleterre, pour la doubtance des archiers de Lincole, car il les convenoit repasser parmi lor païs, et ne trouvèrent , Dieu merchi, nul encombrier. Et orent li Hainnuier moult àcevauchier de lorch jusques à Londres, et quant il furent là venu, il s'i rafresquirent deus jours et puis s'en départirent, et se missent au cemin et ne les laissa messires Thomas Wage. Si furent à Douvres et là montèrent -il eu mer, et arivèrent à Wissan. Si issir ent des vassiaus, et quant il orent lors chevaus, li pluisseur alèrent en pèlerinage à Nostre-Dame de Boulongne, et li aultre vinrent à Saint-Omer, et tous retournèrent en Hainnau. Messires Jehans de Hainnau vint deviers son frère le conte et madame la contesse, qui les veirent volentiers, li, le signeur de Ligne et les barons et chevaliers qui en sa compagnie avoient esté. Ensi se portèrent en celle saison les besongnes en Engleterre.
* Lacune. Suppléez : déclarèrent qu'il seraient.
