CHAPITRE XXXVIÏ
Comment les noces du roi Edouwart furent célébrées à grant solempnité à Ebruich.
Tant esploita la joneroine d'Engleterre et sa compagnie que il vinrent en la chité de Cantorbie, et alèrent veoir le corps, saint Thomas et i fissent lor offrande , et pnis passèrent oultre, et par toutes les villes où il passoient, on lor faisoit feste et honneur, dons et présens, et passèrent à Eocestre et puis à Pardeforde et vinrent à Eltem et là s'arestèrent , et là estoit li évesques de Durâmes qui par procuration l'avoit espousé à Valenchiennes ou nom dou roi, et grant fuisson dosigneurs et de dames d'Engleterre, qui requellièrent doucement la roine et toute sa compagnie, et m'est avis que m^sires Jehans de Hainnau pour celle fois, ne li chevaliers et esquiers qui la roine avoient acompagniet, n' alèrent plus avant, fors chil et celles qui avoecqu€S lui dévoient demorer, car li rois, pour ces jours, et madame sa mère et li contes de Kent estoient en la marce deNorthombrelande. Si regardèrent li signeurs d'Engleterre que li Hainnuier aueroient trop de painne à aler si lonch, et en furent déporté, et là donnés et pris li congiés de toutes parties. Et plora la jone roine Phelippe assés, quant son oncle et li chevaliers de Hainnau la laissièrent. Toutes fois ensi fufait. Il s'en retournèrent en Hainnau, et li signeur et les dames d'Engleterre, qui de ce faire estoient cargiet, ordonnèrent lor jone dame et l'emmenèrent, et passa tout parmi Londres, mais adont point ni aresta; car on voloit que li Londryen la rechussent une aultre fois, quant li rois l'auroit espousé, et elle seroit roine d*Engle-
DE FROISSART. HB
terre, de tous poins et à telle solempnité comme il estoient et sont tenu dou faire quant une roine d'Engleterre (et li rois Ta espousé), entre la première fois en la cMté de Londres. Tant esploitièrent chil qui la jone roine menoient, que il vinrent à Ebruich. Là fu-elle recheute très-solempnement et grandement, et issirent en bonne ordenancetout li signeur d'Engleterre qui là estoient, à l'encontre de li, et meismement li jones rois qui la trouva sus les camps montée sus une haquenée très-bien amblans et très-ricement aournée et parée, et la prist par la main et puis racola et baisa, et cevauchièrent coste à coste, et à grant fuisson de ménestrandies et d'onnours il entrèrent dedens la chité, et ensi fu amenée jusques au lieu où li rois et madame sa mère estoient logiet. La roine mère dou roi rechut celle jone roine moult doucement, car elle savoit d'onnours tout quanque on en pooit sçavoir. Je n'ai que faire de plus démener ce pourpos. Li jones rois Édouwars espousa Phelippe de Hainnau en l'église catédral que on dist de Saint-Guillaume, et les espousa li arcevesques dou lieu par la vertu de la dispensation que on avoit empêtré en Avignon, et fu le jour de la Conversion Saint-Pol et avoit li rois dis-sept ans d'eage et la jone roine sus le point de quatorze ans, et fu en l'an de grâce Nostre-Signeur mille trois cens xxvij' . Si poés et devés sçavoir que toutes solempnités et festes sans riens espargnier furent à ces jours, et hiraus et ménestrel largement pay et. Et se tint depuis
* Lorsqup la reine Philippe fut couronnée, Robert de Veer, comte d'Oxford, représenta que comme chambellan héréditaire de la reine d'Angleterre, il avait droit à son lit et à ses chaussures, et de plus h trois bassins d'argent. Edouard III fit remettre les chaussures et les bassins d'argent et racheta le lit au prix de cent marcs. (Rymer, II, 3, p. 41.)
ces espousailles li rois Édoiiwars, madame sa mère et la jone roine lor fille à Ebruich ou là environ, jusques au temps Pasqour, que il vinrent à Londres et à Windesore, et furent de rechief là toutes festes faites, et i ot ou mois de mai que la roine entra en Londres, grandes joustes faites, et i furent grant fuisson de Hainnuiers et par espécial messires Jelians de Hainnau et messires Guillaumes de Villers i furent, et li sires d'Enghien qui fourjousta les joustes. Je me tairai un petit à parler de ceste matère, et parlerai des Escoçois.
