CHAPITRE XL
Comment li rois David d'Escosse espousa la serour le roi d'Engleterre.
Considérés entre vous qui entendes raison, la povre aventure chils gentils chevaliers messires Guillaumes Douglas eut et rechut en roiaulme estrange et lontain pour bien faire. Finisseur voellent dire et supposer que li Espagnol orent envie sur lui et sus ses compagnons pour tant que il s'avanchièrent de estre li premier requérant les ennemis et assallant, et que il vodrent avoir celle honnour
« en tout cliose qu'il leur dira et requerra de par nous ; et mandons « ossy et commandons à tous nos ofiQcyers et subgès queil qu'il soient, a que sans nul délay il et cascuns d'yaus fâchent tout chou qu'il leur « verra de par nous, dire, mandeir u commander, ossy comme pour « nous meismes ; car tout chose que par no dit oncle représentant no « lieu et no persoine, sera dit, fait etordeneit en quelconques manière « que soit et en tous cas, nous l'avons et arons on boino foit loyaul- « mont h tous jours pour ferme et pour estavle. Par le tesmoing de « ces lettres sayollées do no séel, données à Valenchionnes, xx jours M en march, l'an mil troift cens quarante et deus. » (Archives du Hainaut.)
devant euls. Quant les nouvelles furent sceues en Escoce de la mort dou gentil chevalier, tout chil dou roiaulme en furent courouchié, car il avoient perdu un trop grant chapitainne, et le regretèrent moult et li fissent faire si parent et li baron et chevalier d'Escoce, son obsèque aussi solempnement que dont que li corps fust présens, et chanta la messe, en l'abéie de Sainte-Crois, en labéie de Haindebourch , li évesques de Saint- Andrieu en Escoce , et i furent tout li baron et li prélat d'Escoce.
En cel meisme an trèspassa aussi sus son lit li contes de Moret d'Escoce. Ensi fu li roiaulmes d'Escoce afoiblis de deus vaillans hommes et d'un vaillant roi, le roi Eobert de Brus, père au roi David.
Quant li demorant des barons et chevaliers d'Escoce veirent que il estoient ensi afoiblis de vaillans hommes et avoient un jone roi, si orent consel ensamble, à savoir là où il povoient lor roi marier et asener' en lieu dont il vausissent le mieuls, mais bien sçavoient chil qui congnisoient le roiaulme d'Engleterre que li jones rois Édouwars avoit une jone soer à marier, si regardèrent et jettèrent lor visée à ce que, se lors sires li rois David pooit avoir à femme et espouse, la serour le roi d'Engleterre, par ceste aliance ou temps avenir, il en de ver oient mieuls valoir, et que paix raisonnable en povoit bien venir, au pourfit de l'un roiaulme et de l'autre, car la guerre avoit trop longuement duré. Si s'en ensonnyèrent auquns vaillans hommes d'Escoce, prélas et autres, et tretyèrent premièrement deviers le conte Aymmon de Kent et messire Rogier de Mortemer, qui pour lors avoient en gouvernement le roiaulme d'Engleterre. Chil doi signeur assés légièrement s'encli-
* Asener, assener, établir.
nèrent as requestes et tretiés des Escoçois ' et délivrèrent la serour dou jone roi d'Engleterre, madame Isabiel, à ambassadeurs dou roi d'Escoce, et lor fu menée au Noef- Cbastiel-sur-Thin, sans ce que prélas, barons, ne li consauls des cbités et bonnes villes d'Engleterre en seuissent riens, ne fuissent apellé, pour laquelle cose grant murmuration s'en esleva en Engleterre contre le conte de Kent et messire Eogier de Mortemer, et disoit la renommée dou païs que il ne deuissent pas cela avoir fait, ne le mariage acordé si légièrement, de la fille d'Engleterre à lor adversaire le roi d'Escoce, que il n'euissent convoquiet l'espécial et général consel dou païs, et convenoit que il euist entre ceuls qui de ce mariage s'estoient ensonnyet, auqune eautelle secrée qui se descouveroit, quanq que ce fust. Vous devés sçavoir que pour celi cause pluisseur en Engleterre entrèrent en doubte et en soupeçon mauvaise, jà ni euist nulle cause, à l'encontre des desus dis le conte de Kent et messire Rogier de Mortemer, et les prissent à grant haine, car Englès sont mervilleus et croient plus légièrement le mal que le bien. Toutesfois, la jone dame d'Engleterre fu délivrée as barons et prélas d'Escoce et le prissent au Noef- Cbastiel-sur-Thin et l'enmenèrent en la chité de Bervich c'ondist en Escoce \ et làl'espousali rois David d'Escoce, et vint faire sa feste depuis en Haindebourgli en Escoce, et i ot joustes nonciés et publyés tout parmi le roiaulme d'Engleterre , mais moult petit de chevaliers d'Engleterre i furent, car il considérèrent la vois commune dou païs que chils mariages n'estoit pas fais à la plaisance dou païs d'Engleterre, fors que de euls deus. Si nous nos souiFe-
* La charte relative à la dot de Jeanne d'Angleterre, qui devait épouser David, fils du roi d'Ecosse, est du 21 mai 1328.
* Berwick se trouve au nord de la Tweed.
*t6 CHRONIQUES
rons un petit à parler d'Escoce et d'Engleterre, et parlerons dou roi Carie de France, frère à la roine Isabiel d'Engleterre.
CHAPITEE XLI.
Comment monseigneur Phelippes de Valois fu couromiés à Rains.
Li rois Caries de France, fils au biau roi Phelippe de France, fu trois fois mariés et trèspassa de ce siècle sans avoir hoir mâJe de nulles de ses femmes, dont ce fu damages pour leroiaulme de France, ensi que vous orés reeorder en sievant l'istore. La première des femmes ce roi Carie fu li une des plus belles dames dou monde resgnans en ce temps, et fu fille au conte d'Artois et à la contesse. Celle dame ot nom Jehane, et garda mal son mariage et se sourfist, pour quoi elle en demora lonch temps ens on Chastiel-Gaillart en prison avant ce que son mari fust rois. Quant li roiaulmes de France li fu escbeus par la succession de ses frères, le roi Loïs et le roi Phelippe, et que li douse per l'eurent couronné à roi, il regardèrent que li roiaulmes de France demorroit sans hoir, se chils rois Caries ne se remarioit : si quissent voie et avis par quoi li rois Caries fut remariés à la fille l'empereour Henri de Lucembourch et serour au gentil roi de Behagne. De la seconde dame de Lucembourch qui fu; momlt humble et moult dévote, ot li rois un fil, dont tous li roiaulmes fu resjoïs, mais il morut jones^ et assés tos apriès morut la dame à Issodun en Berry, et morurent tout dai assés soupeçonneusement, de quoi auqunes gens furent encoulpés en derrière couvertement. Apriès, chils rois Caries fu remariés tier cément à la fille de son oncle de remariage,
la fille de monsigneur Lois de France, conte d'Evrues, et fu ceste dame roine de France, appellée Jehane, et serour au roi Lois de Navare, qui pour ce temps resgnoit, Avint que celle dame fu ençainte, et li rois Caries ses maris s'acouça au lit de la mort. Quant il senti et congnut que morir le convenoit, il manda les nobles de son roiaulme^ ceuls que en haste on peut avoir, tant des douse pers de France, comme des aultres, et quant il furent en la présence de li, il leur dist : « Biau signeur, vous estes tous « mi obéissant et de mon linage. Je sens bien et congnois « que aler me convient en la commune voie, ensi que li « aultre vont. Je vous laisse ma femme la roine en- « cbainte. Se il avient que Dieus li donne un hoir mâle, « ce que la couronne de France désire à avoir, je vous « prie que vous en faites bonne garde et le couronnés à « roi, quant il vous samblera que il apertiengne h estre, « et se elle est femme, si ordonnés de la couronne de « France ajuste élection, car bien sçai, se elle est fille, par « les estatus et ordenance de France, elle ne le poet « avoir. » Tous li orent convenant, que loiament s'en aquiteroient. Sur ce> B rois Caries ala morir la nuit de la Pentecouste ', Tan de grasce mil trois cens vint-huit. Assés tos apriès son trèspas, la roine Jehane qui sa femme avoit esté, acoucha de une fille, de quoi tous li roiaulmes de France fu grandement troublés. Quant li douse per de France et li hault baron de celi roiaulme sçeurent che que la roine estoit acoucbié de une fille, il s'assemblèrent tous à Paris pour avoir avis et consel à qui li roiaulmes de France devoit parvenir, et qui il feroient roi. Là ot moult de paroles retournées et misses en termes, et fu bien nou-
» lifaut lire : la reille de la Purification (1" février).
velle de Édouwart le jone roi d'Engleterre, fil de sa serour, mais la querelle fut débatue et point longuement soustenue ' , car li douse per de France dissent et encores dient que la couronne de France est de si noble condition qu'elle ne puet venir par nulle succession à femelle, ne à fil de femelle. Si regardèrent li douse per de France à messirePhelippe de Valois, fil au conte de Valois, qui frères avoit esté au biau roi Phelippe, et estoit cousins germains à ce roi Carie darrain mort. A celle concordation de la couronne de France donner, et Phelippe de Valois couronner, rendirent grant painne li contes de Hainnau, li contes Guis de Blois et messires Robers d'Artois, car chil troi prince avoient ses trois serours espousées. Et fu couronnés en l'église catédral de Nostre-Dame de Eains li rois Phelippes, et rechut toutes les solempnités que rois de France doit recevoir, et là ot en convenant au conte Loïs de Flandres, son cousin et son compère, que jamais n'entreroit en la chité de Paris, si aueroit esté en Flandres et osté et abatu l'orguel des Flamens, liquel estoient rebelé à rencontre dou conte, non que Gant, Bruges, Courtrai, Granmont et Ypre en fesissent fait, mais s'en dissimuloient et consentoient bien que une congrégation de fourbanis de Flandres fuissent à l'encontre dou dit conte, et l'avoient bouté hors de son païs, et fait un chapitainne, qui se nommoit Clais Dennequins ^ Li rois Phelippes tint bien au conte de Flandres, son cousin, tout che que il li
* Il est à remarquer qu'au mois de mai 1328, Edouard III réclama la couronne de France, et déjà à cette époque, pour soutenir ses prétentions, il recherchait l'alliance du duc de Brabant et des comtes de Gueldre et de Loos. (Rymer, II, 3, pp. 12, 17 et 23.) Ces projets furent repris au mois d'octobre 1330. {Rymer, II, 3, p. 51.)
* Nicolas Zannequin.
eut en convenant, car li estans en la marce de Rains, tantos apriès son couronnement, il mist clers en oeuvre pour escrire lettres et messagiers et envoia semonre ses hommes et vint de Rains à Piéronne, et puis à Arras, et là atendi tous ceuls que il avoit mandés. Li contes de Hainnau ses serouges, et messires Jehans de Hainnau, son frère, le vinrent servir par pryère et par amours, et amenèrent belle route de gens d'armes, chevaliers et esquiers. Aussi fissent li signeur de France qui estoient tenu de ce faire.
