CHAPITRE XLIIL

Comment li rois Plielippes entra à Paris et comment li contes de Kent fu décolés es gardins de Wesmoustier.

Quant li rois Phelippes de France eut remis le conte de Flandres en son païs et desconfi lesFlamens, il se retourna à Aire et remercia les signeurs qui l'estoient venu servir, le conte de'Hainnau son serourge, et le sigmeur de Biaumont son frère, lé duch de Bar, le duch de Lorrainne et les lontains, et donna à tout homme cOngiet de retourner en son lieu, et ils-meismes prist le cemin de France et esploita tant par ses journées que il vint à Compiengne, et là se tint, car il volt ordonner une grande feste à estre à Paris à sa bien venue, car encores il n'i avoit point entré comme rois, et quant il i entra, ce fu à très-haute solempnité, et fut adestrés dou roi de Boesme et dou roi de Navare, et cevauca tout premiers à l'église Nostre-Dame de

* Le relenquirent, l'abandonnèrent.

DE FROISSARÏ. 155

Paris, et de là il retourna au palais, et là tint son estât et aussi fist la roine sa femme, et i ot tant de noblèces ce jour que mervelles seroit à penser, ne à recorder. Chils rois Plielippes augmenta grandement lestât roial de finance et ama à faire joustes et tournois et tous esbatemens, et avoit un jone fil, lequel on appelloit Jehan, et le fist ducli de Normendie et le maria à la fille dou bon roi de Boesme. Cbils rois Phelippes, en son jone temps, avoit esté uns rustes ' et poursievoit joustes et tournois, et encores amoitil moult les armes, quoique son estât fust moult autementé'; maisilcreoit legièrement fol consel, et, en son aïr, il fu crueuls et hausters, et aussi fu la roine sa femme et périlleuse, la mère dou roi Jehan, qui fille fu au duch Ode de Bourgongne*. Chil rois fist en son temps tamainte hastieve justice dont il se fust bien déportés, se il vosist. Il fist pendre à Montfaucon messire Engherant de Marigny, un très-vaillant et sage chevalier, et qui tamaint bon consel 11 avoit donné, et tout ce fist faire la roine de France sa femme. Quant elle avoit aquelliet en haine un baron, un chevalier, quels qu'il fust, se il estoit tenus, ne trouvés, il en estoit ordonné et il convenoit qu'il fust mors. Trop maie * et périlleuse fu celle roine de France, la mère dou roi Jehan, et aussi elle morut de maie mort.

Je voel un petit laissier à parler des besongnes de France et retournerai h cosses' d'Engleterre, qui furent

» Rustes, homme entreprenant, hardi. On a donné le nom de rustes à certaines troupes d'aventuriers.

2 Auteinenté,é\Qyé, porté plus haut.

» Ici nous rencontrons des lacunes ou des erreurs, difficiles à expliquer, puisque nous n'avons plus sous les yeux le manuscrit du Vatican. C'est Philippe le Long et non Philippe do Valois, qui épousa une fllle du duc Othon de Bourgogne, morte, dit-on, empoisonnée ; c'est Louis X qui fit pendre Marigny.

-* Malc, mauvaise. ' Cosses, cases, choses, affaires.

moult piteuses. Vous avés souvent oï dire et recorder que envie et discorde se boutent volentiers en maison où paix est, pour tout touellier '. Pour ces jours, toute paix, toute amour et toute concorde estoient en Engleterre, et gouvernoient le roiaulme, li contes de Kent et messires Eogiers de Mortemer, et tout se passoit par ces deus, liquel avoient esté si bien d'acort ensamble tous jours que nul différent on ni avoit point veu. Or avint que messires Jehan d'Eltem, frères mainnés dou roi et que li rois amoit otant que soi-meismes, ala morir assés soudainnement, de laquelle mort on fu moult esmerveilliet et couroucbiet, et en parlèrent pluisseurs gens assés estrangement et murmurèrent sus le conte Aymon de Kent pour tant que li enfès estoit en sa garde, et meismement li rois en fu trop grandement couroucbiés sus son oncle. Avint assés tos apriés que discorde et haine s'esmurent entre le conte de Kent et messire Eogier de Mortemer, et si' grosses paroles que il desmentirent l'un l'aultre , et sentoit bien li dis messire Rogiers que li contes de Kent n'estoit pas bien en la grâce dou roi , car se il euist esté , les paroles fuissent aultrement tournées, et ne l'euist osé courouchier li dis messires Eogiers. Avoecques tout ce, la roine (la mère dou roi), portoit trop grandement messire Eogier à rencontre dou conte de Kent, et se mouteplyèrent tellement ces haines entre ces deus signeurs que la conclusion en fu très-male; car li rois fu enfourmés de messire Eogier de Mortemer et d' autrui que li contes de Kent voloit empoisonner le roi et faire morir ensi que il avoit fait messire Jehan d'Eltem, et pour venir à la couronne d'Engleterre. Li rois crut ces paroles légièrement et en parla à madame

» Touellier, gâter, troubler,

sa mère, la roine Issabiel, qui mieuls amoit messire Rogier que le conte de Kent, ne l'escusa aultrement que elle dist : « Ce poroit bien estre, biaus fils, on ne scet en qui « avoir fiance aujourd'hui. On li donne en ce païs povre « renommée de vostre frère, et se vous estiés mors, il « seroit rois d'Engleterre : c'est li plus proçains. » Ces paroles entrèrent tellement en coer le roi d'Eng-leterre qui estoit Jones, que onques depuis elles ne li porent issir, et fist prendre son oncle et mener en la Tour à Londres, et de là au palais de Wesmoustier. Li contes de Kent, qui avoit esté tenus tous jours à preudomme et sage et vaillant homme ot cel inconvénient si grant contre li que morir le convint, et fu décolés ens es gardins de Wesmoustier', là où li rois Êdouwars, ses frères, en avoit fait déceler des plus grans barons d'Engleterre jusques à vint-deux, et ce greva et apesa trop grandement le conte Aimmon de Kent en la grâce et renommée des Londryens, que il avoit sa cousine la soer au roi d'Engleterre donné et acordé en mariage au roi David d'Escoce, sans ce que li païs en sceust riens, et non fu point tant plains que il euist esté et aidiés, se il n'euist fait ce marcié. De ce conte de Kent mort et décelé, demora une jone fille '. Pour lors, elle pooit avoir sept ans. Se la prist la jone roine Philippe ddés lui, qui en ot pi té et euist volentiers aidié à son père que il

» Le 24 mars 1330, Edouard III écrivit au pape pour justifier sa conduite vis-à-vis du comte de Kent. Il prétendait que celui-ci s'était adressé à un religieux qui avait évoqué le démon, et qu'il racontait que le démon lui avait annoncé que le roi Edouard II vivait encore. Cette rumeur s'était répandue dans toute l'Angleterre, et déjà les Gallois étaient prôts à prendre les armes. Selon Wulsingham, plusieurs heures se passèrent au milieu des apprôts du supplice, avant que l'on trouvât quelqu'un qui consentît à frapper le comte do Kent.

* Il s'agit ici do Jeanne do Kent, qui épousa le prince Noir, et fut mère do Richard II.

ne fust point mors, mais quant chil qui le haïssoient vei-^ rent que elle s'en voloit ensonnyer, il le hastèrent et le convint morir, ensi que vousavés oy. Celle jone damoiselle de Kent estoit cousine germainne dou roi Édouwart d'Engleterre, et fu en son temps la plus belle dame de tout le roiaulme d'Engleterre , et la plus amoureuse, mais toute sa génération vint à povre conclusion par les fortunes de ce monde qui sont moult diverses, ensi que vous orés recorder avant en l'istore.