CHAPITRE LU

Comment li rois d'Engleterre s'en ala logier sus la frontière d'Escoce.

Environ la Saint-Jehan-Baptiste que on compta l'an de grasce mil trois cens trente-un % li jones rois Édouwars d'Engleterre et la roine s'en vinrent à Ebruich euls tenir et lor estât, et cachier as cerfs, as dains et as cheviruels, et ^entrues se ordonnèrent les pourvéances , et se faisoient très-grandes et très-grosses pour aler eus ou roiaume d'Escoce, et fîst li rois faire un mandement que toutes gens tenans de li, portans armes, fuissent le premier jour

* Pas? lecture douteuse.

2 Cette date est tout à fait inexacte : cette guerre d'Ecosse n'eut lieu qu'en 1333.

Le 30 mars 1333, Edouard III avait fixé à Newcastle la réunion de l'armée destinée h envahir l'Ecosse. Il s'y trouvait lui-mÔme le 27 avril, lorsqu'il écrivit au comte de Flandre pour le prier do ue pas aider ses ennemis. Il se tint k Twedemuth depuis le 2*7 mai jusqu'au 6 juillet.

d'aoust à Ebruich. Li mandemens dou roi s'estendi par toutes les parties d'Engleterre jusques ens au fons de Cornuaille, et tout vinrent à Ebruicli. Adont se deslogea li rois et vint à Duram, et ensi que il ceminoit, la roine sa femme le sievoit, et vint li rois au Noef-Chastiel et là s'aresta pour tant que tous ceuls des lontainnes marées d'Engleterre n'estoient point encores venu.

Ces nouvelles estoient bien sceues en Escoce, comment li rois d'Engleterre, à poissance de gens d'armes et d'archiers, les venoit veoir. Les auquns en faisoient grant doubte, et li aultre non. Toutes fois, il pourveirent les villes et les cbastiaus tenables, et par espécial la chité de Bervic, et i ordonnèrent li signeur d'Escoce à cbapitainne, messire Alexandre de Ramesai, un très-vaillant et sage chevalier, et des aultres chevaliers et esquiers assés avoecques lui. Et li rois et la roine se tinrent en la marce de Haindebourch. Et n'avoient pas li Escoçois entention que d'atendre le roi d'Engleterre, et de combatre les Englois. Il laisser oient bien perdre une partie de lor païs et puis le recouveroient, et aussi il poursievroient les Englès sus lors logeis, de nuit ou de jour, et lor poroient bien par ce parti porter aucun damage. En ce consel s'arestèrent-il, et li rois d'Engleterre se tenoit au Noef-Chastiel-sur-Thin, et toutes ses gens estoient logiet autour de li, mais point n'avoient encores passé la rivière pour la doubtance des Escos.

Entrues que li rois d'Engleterre estoit sus ce voiage, vint deviers lui messires Robers d'Artois, ensi comme uns chevaliers tous desconfortés, et il le savoit bien où prendre. Li rois d'Engleterre et la roine le requellièrent moult doucement, car il lor estoit moult proçains de linage, et li dist li rois : « Messires Robers, biaus cousins, nous

« avons assés pour nous et pour vous. Puisque vostres « amis de delà la mer vous deif aillent, nous ne vous « faudrons point à vostre besoing. » Et messires RoLers li avoit respondu et dit : « Monsigneur, g-rant mercMs. » Li intension dou roi et de son consel estoit tele que le roi retourné de ce voiage et venu en la marce de Londres, il li asigneroit en Engle terre terre, rentes et revenues pour vivre honnourablement et tenir son estât. Quant li rois ot séjourné au Noef-Chastiel-sur-Thin environ douse jours et toutes ses gens furent venu, moult i avoit grant peuple. On nombra les hommes d'armes, chevaliers et esquiers à sys mille hommes, et les archiers à chinquante mille. Si passèrent tout oultre la rivière dou Thin sus le pont dou Noef-Chastiel (ailleurs ne le pooient passer) et passèrent chil de l'avant -garde laquelle li connestables d'Engleterre et li marescal menoient et s'en alèrent logier sus le païs encontre la frontière de Northombrelande , et ne prissent pas le cemin pour aler viers Bervich, mais viers Eosebourch', et vinrent à Anwuich^ et en la terre le signeur de Persi. Ensi que li rois d'Engleterre estoit logiés en la ville de Anwuich et toutes ses gens là environ, uns hiraus d'Escoce, qui s'apelloitDondee, vint deviers le roi et deviers les signeurs , et priet que il peuist estre oïs : il le fu. Il dist au roi, présens ceuls qui le peurent oïr : « Très-chiers sires, je suis chi envoyés de « par aucuns prélas et barons d'Escoce, qui sont venu jus- « ques à la Mourlane, et là me doient-il atendre tant que « je soie retournés deviers euls, et venroient volentiers « parler à vous et à vostre consel , sauf venant et sauf

» Rosebourg, Rosburgh ou Roxburgli.

2 Anwuich, Hawick.

« retournant. » Li rois regarda sus le conte Henri de Lancastre et sus auquns barons et prélas qui là estoient. Adont fist-on traire • li hiraut arrière , tant que li rois fu consilliés. Acordé fu que li liiraus les nommast là par noms, liquel c'estoient, qui venir voloient : on lor acordoit volentiers la venue et le retour. Li hiraus les nomma : il en i avoit sept, deus prélas, et chevaliers jusquQS à chine. Tantos, une lettre de sauf-conduit fu escripte et séelée et délivrée'' au hiraut qui se départi de là et retourna à ses mestres, et leur bailla le sauf-conduit. Quant il l'orent , il i ajoustèrent foi et se départirent de la Mourlane et cevaucièrent tant que il vinrent à Anwuich. Li rois d'Engleterre, à l'eure que li Escos vinrent, estoit aies logier ou chastiel et là tenoit son estât. Quant li Escoçois furent venu et descendu de lors chevaus, il furent logiet de par les officyers dou roi. Adont vinrent auqun chevalier d'Engleterre qui les requellièrent et qui à ce faire estoient commis, et les enmenèrent deviers le roi et les signeurs qui atendoient lor venue. Tout li signeur d'Engleterre qui là -estoient en la présence dou roi, s'ouvrirent et laissièrent les Escoçois passer. Il enclinèrent le roi, et non plus avant, li roi les requelli de une parole tant seullement, ce fu que il dist en son langage : « Bien venant. » De trop petit se disfère li uns langage de l'autre.

Or vous nonmerai les deus prélas et les chine chevaliers, l'évesque de Saint-Andrieu etl'évesqued'Abredane, messire Jame Douglas, frère à messire Guillaume qui porta le coer dou roi Eobert de Brus en Grenade et là morut, messire Arcebaus Douglas, son fil, le conte de Quarrich \ mesire Robert de Versi et mesire Simon Fresiel. Li

*■ Quarrich, Carrict.

évesques de Saint- Andrieu fu chils qui remonstra la parole et dist : « Sire rois, et vous baron et prélat d'Engle- « terre , qui chi estes , nous sommes ichi envoyés de par « toute la généralité dou roiaulme d'Escoce , et sommes « esmervillié, euls avoecques nous, et nous avoecques « euls, à quel title si soudainnement apriès les trieuves « failles entre Escoce et Engleterre, vous estes esmeu à « nous faire guerre, quant nostres sires li rois d'Escoce à « vous, sire rois d'Engleterre, espouse vostre soer. Nousi « adjoustions au dit mariage grans aliances, et fuimes « généraulment en toute Escoce moult resjoï quant la « dame nous demora roine, et nous torne à grant mer- « velle celle dureté que vous avés empris à faire à vostre « frère nostre roi et vostre serour, nostre roine, quant ce « tant de petit hiretage que Dieus lor a donné, vous volés « destruire. Si vous prient par nous, nostres sires li rois et « madame la roine que vous ne voelliés pas faire celle « cruaulté que d'ardoir et essillier lor hiretage, et re- « trayés-vous et faites retraire vos hommes et leur donnés « congié casqun de retourner en son lieu et prenés trois « ou quatre prélas des vostres et otant des vostres barons a d'Engleterre , et nostres sires li rois en metera otretant « à rencontre , et ce que chil trouveront ou decré de lor « disposition, il déposeront sus l'ordenance des deus « roiaulmes, et sera tenu à ferme et à estable, pour tous « jours mes, ce que disposé en sera, et demorrés, vous et « vostre frère, en paix, et ensi vostre hiretage. C'est la « parole que nous vous remonstrons et pour quoy nous « sommes venu, et sur ce nous demandons à avoir res- « ponse. »