CHAPITRE LVIII

Comment messires Robiers d'Artois exhortoitle roi d'Engîeterre à clamer l'hiretage de France.

Quant li rois d'Engîeterre et la roine Phelippe sa femme et messires Robers d'Artois qui tout dis se tenoit en la compagnie dou roi, furent retourné d'Escoce ensi que chi desus est dit et prononchiet, et revenu en la marce de Londres, une fois tenoit son hostel à Eltem et l'aultre à Windesore, et vi voient li rois et la roine en grans esbatemens et faisoient faire festes, joustes et behours* en Engleterre, et passoient ensi le temps. Messires Robers d'Artois qui se tenoit dalès le roi, et avoit jà apris à congnoistre tous les barons d'Engîeterre ou en partie, et estoit tous aquointés de euls, ne pooit oublyer, ne mettre arrière de son coer les despis et les vitupères' que li rois Phelippes li faisoit et avoit fais, mis et bouté tous hors de ses hiretages et emprisonné sa femme et ses enfans, dont li coers moult li doloit, et ne le pooit, de li, ne de proçain que il euist, amender ; car la poissance dou roi de France est trop grande, et jà avoit dit et remonstré au roi d'Engîeterre que on li faisoit tort de l'iretage et couronne de France et que au jour que li rois Caries, ses oncles, trèspassa, il ni avoit ou monde nul plus proçain hoir masle de li, car il estoit fil de la serour dou roi, et Pbelippes de Valois n'estoit que cousins germains, quoique li douse per de France l'euissent aviset et jugiet à tenir la couronne et l'iretage de France, et l'en avoient eslongiet sans nul title

» Behours, courses de lances.

* Vitupères, Insultes, mépris.

DEFROISSART. il!

de raison ; et disoit ensi et répétoit souvent li dis messires Robers d'Artois au roi d'Engleterre ' : « Monsigneur et « biaus cousins, vous estes Jones et à venir : si ne vous « devés pas refroidier de demander vostre droit et de « calengier. Vous avés deus ou trois coses qui grande- « ment vous i pueent aidier et valoir avecques le droit. « Vous avés mise et cavance assés et peuple de bonne « volenté, qui désirent les armes et qui point ne voellent « estre wiseus. Si avés très-grant commencement de re- « quérir et calengier ce qui est vostre ; et si vous di en- « cores que vous trouvères des bons amis par delà la mer, « qui vous aideront, conselleront et eonforteront en vos- « tre calenge ' , si trètos que vous auerés commenchié la « guerre, se guerryer vous fault, car il n'est riens en ce G monde que li Alemant désirent si que d'avoir auqune « cause et title de guerryer le roiaume de France pour

» On attribuait à Robert d'Artois, retiré à Namur, les paroles suivantes : « Je sçay comment il est du commun de France. J'ay bien des « amis à Paris, quar il me pleurent li grand et li petit. Il y a tels cent «. bourgeois qui me aideroient cliascun de mille livres, se je voloye. »

D'après la chronique manuscrite N" 148 de la bibliothèque de l'Arsenal à Paris, le gouvernement de Philippe de Valois excitait de nombreux murmures. — Le 10 octobre 1336, le maréchal de Trie soumit au conseil du roi un mémoire où il exposait les griefs qui s'élevaient de divers côtés. Il demandait qu'on punît les officiers royaux, ce qui serait chose agréable à Dieu et au peuple ; et que l'on réprimât l'oppression des consuls dans les villes du midi. A Paris, l'administration était faible et corrompue, et l'on en accusait le prévôt. Il n'était pas de journée, où ne fût commis quelque meurtre. Tout le monde s'armait d'épées et de couteaux, et on donnait à boire aux sergents pour qu'ils fermassent les yeux sur ces désordres. On se plaignait aussi de ce que le roi se montrait si rude contre les Génois. Ce document qui nous est connu par l'analyse du Trésor des Chartes, ne se retrouve plus aux Archives impériales.

Les mômes plaintes contre les baillis, les sergents et les prévôts, se reproduisent dans le Dit du roi Philippe de France, par Vatriqnet do Couvin.

« le grant orguel qui est à abatre et pour partir à la ricoise. « Très-chiers sires et biaus cousins, soyés tous ségurs : « quoique Phelippes de Valois fust couronnés à roy de « France et que li douse per de France l'élirent et es- « levèrent, si fustes-vous bien mis en doubte, et se « vous l'euissiés débatu ou envoyet débatre, jà on n'euist « procédé ens ou couronnement. Vous en ferés ce que « bon vous en samblera; mais se vous perdes vostre bire- « tage par estre trop mois, vous qui estes à venir, vous en « serés moins prisés et doubtés, et se sera à vostre grande « confusion et condampnation de corps et d'âme. A tout « le moins, faites asambler vos bommes et vostre consel, « et euls venu, soit cbi, à Eltem ou ailleurs, je, en la préce sence de vous, leur remonstrerai et esclarcbirai de point « en point le droit que vous avés à la couronne de France. « Se orés quel cose il en diront et responderont, quant « vous demanderés à avoir consel sur ce, par quoi il ne « puissent dire ou temps à venir que vous ne vous soyés « aquités de euls remonstrer le droit que vous avés au « calenge de France ; car se vous estyés de vostre peuple « reprociés que, par défaute de corage et par paour, vous « aueriés laissiet aler le vostre et vous sériés endurcbis en « ce pécbiet, il le vous tourneroient en grant préjudisce « et lasyté' de coer et diroient que vous ne sériés pas « dignes de porter couronne et demorriés tous jours, le « demorant de vostre vie, soupeçonnables deviers euls et « en grant péril encores, se pourtant vous poyés issir de « ce dangier. »

Tant dist, tant promeit et tant esploita messires Robers d'Artois que li jones rois d'Engleterre ouvri les orelles et

* Lasyté, lasté, lâcheté.

se resvilla et entendi à ce que il li disoit et remonstroit, et voellent bien li auqiin dire que il ne l'osa laissier, car jà grande murmuration se montoit en Engleterre des nobles et dou menu peuple et disoient : « Nostres sires, li rois, a « trop grant droit à l'iretage et couronne de France, et « messires Robers d'Artois li a bien sceu dire, remonstret « et esclarcir de point en point, comment par droite suc- « cession et membres d'iretage * , il deveroit estre rois de « France, dont on l'a arriéré à fraude et par cautèle, car il « est fils de la serour le roi Carie de France, et celi que il « ont couronné à roi, Phelippe de Valois, n'est que couce sins germains. Nous verons que il en vodra dire. Se la « demande et calenge demeure en sa preèce^ et que il « s'aherde à wisseuses, ensi que fi'st ses pères, il vivera en a péril et en haine deviers nous, et se il abert de bon co- « rage son droit à poursieuvir, nous l'aiderons de nostre « corps et dou nostre. » Si fu dist fiablement au roi : a Sire, ensi dient li noble de ce païs et li peuples, il fault « que vous ayés avis. Commune renommée queurt par « toutes vos signouries d'Engleterre que vous devés estre « rois de France, se en vous préesse ne demeure, et sont « toutes gens asquels les paroles viennent, esmervilliet « pourquoi vous détryés tant que vous en estes souffisam- « mentenfourmés. » Adonclij on es rois d'Engleterre, qui veoit le bonne volenté de ses hommes, par le bon consel qu'il ot, fist une graiide assemblée à Londres pour avoir un parlement, au palais de Wesmoustier, des prélas, des ùobles et des consauls des bonnes villes d'Engleterre, et pour avoir consel sur ce à savoir que il en poroit et deveroit faire. Quant tout furent venu, Londres fu moult fort

' Par membres d'irefage, h titre de partage. 2 Préface, paresse.

garnie de peuple , car encores avoecques tous ceuls qui estoient escript et mandé, vinrent moult d'aultre peuple pour aprendre des nouvelles, car la matère lor sambloit moult grande.

Or se fîst chils consauls ou palais de Wesmoustier, et fu toute la plus grande sale remplie des prélas, des nobles et des consauls des cliités et des bonnes villes d'Engleterre, et la fîst-on tout bomme seoir sus escameaus ' por casqun veoir le roi plus aise, liquels estoit assis en pontificalité, en draps royaus et la couronne en cbief, tenant un sceptre roial en sa main, et plus bas deus degrés séoient prélat, baron et conte, et encores en desous avoit plus de sys cens chevaliers , et de ce rieule ^ séoient les hommes des cbinq pors d'Engleterre et les consauls des cbités et bonnes villes dou païs. Quant tout furent arrivé et assis par ordenance, ensi que il dévoient estre, on fist silense. Adonc se leva uns clers d'Engleterre licensyés en drois et en lois, et moult bien pourveus de trois langages, de latin, de françois et dou langage englès, et commença à parler moult sagement, et estoit messires Eobers d'Artois dalés lui, liquels l' avoit enfourmé trois ou quatre jours devant de tout ce que il devoit dire. Si parla atempréement et remonstra tout en hault et en englois à la fin que il fust mieuls entendus de toutes gens (car tous jours senton mieuls ce que on voelt dire et proposer ens ou langage où on est d'enfance introduit qu'en un aultre), tous les poins et les articles desquels messires Eobers d'Artois les avoit, le roi, le clerc et auquns signeurs, enfourmés, et com proçains li rois, lors sires, en quelle instance il estoient là venu et asamblé, estoit de l'iretage et de la

» Escameaus [scamna], escabeaux.

2 Rieule^ rang.

DE FROISSART. i81

couronne de France. Et quant il ot remonstré la parole tout au lonch, par grant avis et par bon loisir, tant que tout Tavoient volentiers oï, il demanda ens ou nom dou roi à avoir consel de toutes ces coses. Li signeur et li prélat regardèrent l'un l'autre, et fissent silense une espasse que nuls ne parloit, mais grande murmuration avoit entre euls. Il m'est avis, selonch ce que je fui enfourmés, que la response à faire fut cargiée et tournée sus le conte Henry de Lancastre pour le plus proçain que li rois euist là. ïl qui fu bien avisés de respondre et tantos consilliés, dist ensi en honnourant le roi et tous les signeurs (ce fu raison) : « Je conselle de ma partie que ceste besongne soit « mise en souffrance, tant que li rois nostres sires ait souf- « fîsans hommes de son roiaulme envoyet par delà la mer c< pour parler au conte de Hainnau qui fille fia, qui pour le « présent est nostre chière dame roine d'Engleterre, et à « messire Jehan de Hainnau, son frère, qui sont doi prince « sage, vaillant et de bon consel, et tout ce que chil doi « en conselleront, les ambassadeurs retournés en ce païs, « et nous remis ensamble et la response et parole des dessus « dis oïe, nous procéderons sus sans nulle faute. » Quant li contes Henris de Lancastre au Tors Col ot parlé, il respondirent tout d'une vois : « Il dist bien. » Ensi demora la cose en cel estât. Derechief pour tant que tous li consauls d'Engleterre estoient là asamblés, li clers meismes liquels avoit parlé et remonstré lès besongnes qui touçoient au roi et au roiaulme par le commandement et ordenance dou roi, parla là pour le assignation de messire Eobert d'Artois avoir, qui estoit li uns des plus gentils hommes de ce monde, et remonstra li dis clers tout au lonc comment Phelippes de Valois l'avoit deffait et de poissance bannit et escachiet hors dou roiaulme de France, se avoit-il sa se-

rour espousée, laquelle il tenoit en prison et ses enfans. Or voloit li rois d'Engleterre qui l'avoit retenu et de son consel, puisque on li avoit osté et pris le sien en France, que en Engleterre il euist terre et revenue pour lui déduire et tenir son estât. A ceste requeste et ordenance descendirent et s'enclinèrent tout li signeur légièrement. Regardé fu que il i avoit une conté en Engleterre, qui estoit en la main dou roi et pooit par an valoir la revenue trois mille mars , et la conté est nommée Beteforde\ Si fu dit et acordé que il seroit contes de Beteforde et en lèveroit tous les proufis. Messires Eobers d'Artois remercia le roi de ce don et tous les signeurs, et devint là homme au roi d'Engleterre de la conté de Beteforde. Encores fu là avisé et regardé, avant que li consauls s'espardesist , liquel*passeroient la mer et venroient en Hainnau devers le conte et son frère pour euls demander consel des propositions desus dites. Il m'est avis que li évesques de Lincole^ i fu nommés et li esleus d'Asquesufort', clerc en drois et en lois, messire Eobert Weston, avoecques euls, messires Renauls de Gobehem et messires Richars de Stanfort. Cliil quatre emprissent le voiage à faire, et se desrompi pour ces jours li consaus, et s'en ala casqun en son lieu, et se ordonnèrent chil qui dévoient passer par la mer tout à loisir et à lor plaisance.

* La barônnie de Bedford, qui appartenait à la maison de Beauchamp, avait fait retour vers cette époque au roi Edouard III. Il la donna quelques années plus tard à Enguerrand de Coucy, et ce serait alors, selon Camden, qu'elle aurait été érigée en comté.

2 L'évêque de Lincoln était de la maison de Burghersh, dont les relations avec Froissart ont déjà été signalées. Henri de Burghersh, évêque de Lincoln, mourut à Gand au mois de décembre 1340.

^ Asquesufort, Oxford.

DE FROISSART i85