CHAPITRE LIX
Comment li rois David d'Escoce ala eu France.
Apriès ce que li rois d'Engleterre eust couru tout ou en partie le roiaulme d'Escoce et pris et saisis dedens le païs pluisseurs cliastiaus et mis ens garnisons pour guerryer le demorant, et que il se fu partis de la chité de Bervich, laquelle il avoit conquis par lonch siège et que il Tôt rafresqui et ravitaillé de gens d'armes et de pourvéances, et que il fu retrais en Engleterre, li rois David d'Escoce, qui se tenoit en la chité d'Abredane et là sus la Sauvage Escoce, demora tous esbahis et considéra que de sa poissance singulère, il ne poroit amender les damages que li Englois li avoient fais. Et jà avoit-il entendu, ensi que renommée court et vole moult tos de païs en aultre, que messires Robers d'Artois enortoit le roi d'Engleterre à calengier la couronne de France et li metoit en l'orelle par ses informations que li roiaulmes de France li estoit dévolus par la mort dou son cbier oncle le roi Carie darrain trèspasset, et que Pbelippes de Valois qui en tenoit la posession, n'avoit pas juste cause à l'iretage de France, selonc ce que messires Robers d'Artois disoit. Si n'estoit pas cose pour }e roi d'Engleterre et les Englois légière à esclarcir, car jamais li rois Pbelippes, pour lors paroles, demandes, ne menaces, ne s'en délairoit dou non tenir et remetre arrière, ne li per et baron de France qui couronné l'avoient et qui estoient si homme devenu, ne le soufferoient point. Li rois d'Escoce imaginans ces coses pensoit bien que ou temps h venir, se li rois d'Engleterre voloit procéder en ces demandes, guerre s'esmouveroit entre France et Engleterre pour quoi
de li et de san roiaulme, se bonnes aliances estoient faites entre les Escos et les François, ils et ses païs en seroient grandement reconfortés, et aussi ceste ordenance venroit bien à point au roi de France et as François, car par le roiaulme d'Escoce poroient li François aisiement entrer en Engleterre et faire lor guerre. Sus ceste imagination, li rois d'Escoce, com jones que il fust, fîst asambler auquns prélas et barons d'Escoce et venir en Abredane, là où il se tenoit et sa femme, et lor remonstra, quant chil furent venu, lesquels il avoit mandés, moult sagement de point en point les articles de ses imaginations. Quant il l'eurent oï et entendu, euls qui sont de nature, et ont esté tous jours plus enclins à estre François que Englois, respondirent et dissent au roi : « Sire, à toutes vos paroles, nous « ne veons que tout bien, car ou cas que les Englois nous « voellent snspéditer' par la manière et fourme qu'il « monstrent, il nous fault pourveir à l'encontre de euls, « et créons proprement que Dieus vous a envoyet ceste « inspiration pour nous oster dou dangier des Englois, car « jà n'avenra pour retourner toute Escoce ce que desous « est au desous, que nous aions roi qui soit hommes au roi « d'Engleterre,..ne le tiengne à signeur souverain, ne re- « liève de li, car la couronne d'Escoce et li roiaulmes « est de si noble condition que il est tenus de Dieu et de « l'Église Saint-Pierre. Si ne vous volons pas brisier « vostre imagination et pourpos de non aler en France « veoir le roi et les estas. Vous estes jones et à venir. Si c( vous aquointerés des barons et chevaliers de France, et « euls de vous et tous jours ferons-nous à nostre pooir <i guerre as Englois. Il ne tenront j à journée paisievele-
• Suspéditer, attaquer, envahir.
« ment en ce païs ce qu'il i tiennent. Se nous l'avons per- « du onques, nous le recou verrons , uns temps venra. « Onques nous ne pusmes amer lesEnglois, ne euls, nous, « et ont tous joïirs esté les terres ou différent, et les « hommes, l'un contre l'autre, très le premier temps que « elles furent abitées. » Moult fu pour ces jours li rois d'Escoce resjoïs, quant il vei ses hommes concordans à son pourpos, et ordonna ses besongnes au plus bellement et quoiement qu'il peut, et iîst au port de Morois en Escoce cargier et apparillier ung vassiel de ce que besongnier lor pooit à lui et à sa femme et à lor estât, et quant il fu tous près, il vinrent là et entrèrent dedens, ils et la roine, et messires Guillaumes Douglas, neveu au bon messire Guillaume, et enmena avoecques lui vingt-sys chevaliers et esquiers, tout de son eage, et la roine aussi des jones dames et damoiselles d'Escoce ' . Et demorèrent ou païs pour le garder, messires Arcebaus Douglas, messires Robers de Versi, messires Alyxandres de Ramesai et messires Simons Fressiel, et nagièrent li rois et la roine et lor compagnie et orent vent à volenté et costyèrent Frise et Hollandes et eslongièrent tout dis de Engleterre dou plus qu'il porent, et s'en vinrent férir ou havène de l'Escluse et là issirent de lor vassiel et ne dissent pas que ce fust li rois d'Escoce, ne la roine, mais pèlerin et pèlerines qui aloient à Saint-Mor-des-Fossés et ne séjournèrent pas longuement à l'Escluse, mais vinrent à Bruges et tout par aiguë , et furent là tant que lors chevaus furent amené, car il les avoient esquipés avoecques euls en lor vassiel, tous ou en partie, et ce que il lor besongna tant de monteures que d'abis, il s'en pourveirent à Bruges et puis si s'en dépar-
* Cf. la cont. de la chron. de Guillaume do Nangis, II, p. Hl.
tirent et vinrent à Lille et de là à Arras et puis à Esclusiers' et à Lihons-en-Santhers et à Roie et Qauni^ et à Reson ^ et puis à Crai * et à Luserches * et là s arestèrent, et envoi'a H rois d'Escoce déus de ses chevaliers pour segnefyer sa venue au roi de France et pour sçavoir et veoir quel samblant li rois en feroit. Li chevalier furent messires Guillaumes Douglas et nxessires David de Lindesee, et s'en vinrent à Paris et passèrent oultre jusques au bois de Vicènes, car pour ces jours s'i tenoient li rois et la roine et li dus de Normendie leur fils, et trouvèrent des chevaliers dou roi qui les requillièrent moult doucement pour tant que il les veirent estrangiers, et les menèrent deviers le roi, auquel il comptèrent tout l'afaire et comment li rois d'Escoce et la roine le venoient veoir, et avoient pris ombre et escusance de venir à Saint-Mor. De ces nouvelles fu li rois de France trop grandement resjoïs et dist as chevaliers d'Escoce que il fuissent li bien ve^u, et que moult volentiers les veroit et tenroit avoeeques li. Li che^ valiers d'Escoce disnèrent à l'ostel dou bois, et tantos apriès disner , il fist monter le signeur de Montmorensi et le signeur de Garensières et leur dist : « Chevauchiés avoec- « ques ces chevaliers d'Escoce et aies à L user ces querre a le roi et la roine d'Escoce qui nous viennent veoir, et les « amenés ichi sans entrer en Paris. » Li chevalier respondirent : « Volentiers. » Si se départirent tout quatre dou bois et cevauchièrent ensamble et vinrent à Luserces, et trouvèrent là le roi d'Escoce et toute lor compagnie, la-
' L'Ecluse (à deux lieues sud de Douay) .
2 Chauny.
3 Ressons, à cinq lieues nord de Compiègne. * Creil.
5 Luzarches.
DE FROISSAllT. 187
quelle n'estoit pas trop grande, et leur dissent ce que li rois de France avoit ordonné. Sus les paroles des chevaliers de France, li rois et la roine d'Escoce se partirent de Luserces et cevauchièrent et vinrent ce jour jésir à Saint- Denis et à l'endemain devant la messe dou roi, il furent venu au bois, et mené deviers le roi, et puis deviers la roine, qui grandement furent resjoï de lor venue. Là furent les aquointances de ces deus rois et de ces deus roines moult grandes, et depuis demorèrent en France sus le point de neuf ans, et leur fist li rois délivrer la ville et le chastiel de Nemouses ' pour tenir lor estât, et estoit ordonné de par le roi de France que de mois en mois il aùroient mille esqus et bien payés pour payer lors menus frès, et venoit à le fois li rois d'Escoce veoir le roi Phelippe, fust à Paris ou aillours, et se tenoit dalés li trois ou quatre jours, et se devisoient de lors besongnes, et s'énamoura li rois de France dou roi d'Escoce et li rois d'Escoce de lui. Encores n'estoit-il nulles nouvelles en France que li rois d'Engleterre vosist renvoyer son hommage au roi de France, ne li desfyer, pour faire calenge de la couronne de France.
