CHAPITRE VIL
Comment la roine cevauclioit en la compagnie de messire Jelians de Hainnau, et comment elle fut requeillie à grant honneur.
Quant messires Jehans de Hainnau eut dormi et reposé tout à son aise en l'abéiede Denaing, il se leva et apparilla, et puis monta à cheval et prist congiet à dames et à damoiselles qui pour ces jours i estoient, et s'en vint à Valenchiennes et descendi à la Sale dou Conte et trouva jà des barons et des chevaliers de Hainnau, qui estoient venut : il se traïst deviers son frère qui devoit aler à table, se li recorda, avant que il s'aseist, tout ensi comme il avoit fait et Testât et l'ordenance de la roine et des paroles et requ estes que elle avoit misses avant et aussi de celles que il avoit respondu. De tout se contenta li contes et dist que il avoit moult bien fait, et li savoit très-bon gré de ce que il s'estoit offers et mis ens ou service de la roine d'Engleterre et de son fil et que point il ne li faudroit , fust de gens, fust de finance. « En nom Dieu, biau frère, respondi « li sires de Biaumont, sus la fiance de vous ai-je parlé si « hardiement, et aussi certainnement je ai eu si grant pité « de la bonne dame et ai encores que je ne li poroie fallir « pour mettre toute ma cavance. » Adont lavèrent li signeur et se asissent à table. Après disner, ordonné fu que messires Jehans de Hainnau, li sires d'Enghien, li sires d'Antoing , li sires de Ligne et li sires de Haverech * chevau-
* Gérard d'Enghien, seigneur d'Havre et châtelain de Mons.
ceroient ce soir et iroient à Bouchain souper etàlendemain il iroient quérir la roine d'Engleterre à Buignicourt et son fil et le conte de Kent et toute lor compagnie , et les amenroient disner à Bouchain, et pui^ apriès disner, il s'en départiroient, et venroient par Haspre et tout le grant cliemin de Cambrai et entreroient à Valenchiennes par la porte c'en dist Cambrissienne,et les amenroient à la Sale et là les recheveroient li contes, la contesse, signeurs, dames et damoiselles qui lor venroient à l'encontre. Cette ordenance sambla bonne, et, se li hostels dou conte estoit bien pourveus, encores fu-il renforciés, et furent envoyés à chars et à chevaus grandes pourvéances à Bouchain, et là vinrent messires Jehans de Hainnau et li signeur desus nommés ce soir souper et jessir. Quant ce vint à Tendemain, tous montèrent quant il orent oy messe, et puis cevauchièrent moult ordonnéement tout cel païs et plain d'Ostrevant et vinrent au chastiel de Buignicourt, et jà estoit la roine d'Engleterre segnefyée de lor venue et toute ordenée pour partir, car bien savoit que on la venoit querre de par le conte de Hainnau, et li avoit madame Jehane de Valois, contesse de Hainnau, envoyet son char ordonné et apparilliet ensi que pour li. Chil baron de Hainnau vinrent à la roine d'Engleterre, et l'onnourèrent grandement, ensi que bien le sceurent faire, et elle euls. Dont prist la roine çongiet à la dame de Buignicourt et à tous ses enfans, dont elle avoit assés, fils et filles, et li dist et promist que pour la bonne chière que elle avait trouvé en li et en son mari, elle se sentoit grandement tenue à euls et que si enfans, ou temps à venir, en. vaudroient mieuls. La bonne dame de Buignicourt et d'Aubrecicourt, comme sage et discrète, se humelia et remerchia de tout. Adont entra la roine ou char la contesse de Hainnau et mist son fil Édouward au costé li et
une dame d'Engleterre qui l'avoit acomi:)agniet, que on nommoit la dame de Briane, et avoient li rois et li Espensiers fait décoler son mari ; et puis se départirent de Buignicourt et cevauchièrent tout souef à belle compagnie, tousjours messire Jehans de Hainnau dalés la roine au char, et vinrent à Boucliain et là disnèrent. Apriès disner, tous s'en départirent et se missent au cemin et passèrent Haspre. Quant tous et toutes orent beu, il prissent le cemin de Valenchiennes. Ensi que la roine et chil signeur desus nommé descendoient ens es praieries de Fontenielles, jà estoient venu chevaliers et esquiers, qui bouté s'estoient et armé pour la jouste, ens es boisde Fontenielles, et aultres officyers de par le conte, qui présentèrent à la roine et à son fil et au conte de Kent et h messire Rogier de Mortemer, chevaus et palefrois si bien aournés de tout ce que à euls apartenoit, que riens ni avoit esté espargniet, laquelle cose la roine d'Engleterre vei moult volentiers. Aussi fist ses- fils et toutes lors gens, et les avoit-on là amenés et envoyés pour la roine et la dame de Briane et les damoiselles monter sus et renouveler de monteure, mais la ditte roine, ne la dame, qui ens ou char estoient, n'en issirent point, si furent venu en la Sale à Valenchiennes; mais li jones Édouwars monta sus un palefroi tout préparé et ordonné pour lui. Toute la compagnie montèrent sus les camps, en aprochant le bois de Fontenielles, et dou bois issirent chevaliers et esquiers armés pour la jouste, et là joustèrent moult radement devant la roine et les signeurs, et tout en venant et en chevauçant vers Valenchiennes, chevalier et esquier joustoient sans euls espargnier, tels que li sires de Gommegnies, li sires de Vertain, li sires de Mastain, li sires de Biellain, li sires de Hordain, li sires de Potelles , li sires de Vendegies , li Borgnes de
Robertsart, Gilles de Mauni, dit Grignars, Gilles de Soumain et Ostes ses frères, et plus de quarante chevaliers et esquiers, et tout ce veoit la roine d'Engleterre moult volentiers, et aussi faisoit ses fils, et durèrent ces joustes jusques à moult priés de Valenchiennes. Si issirent hors de la ville grant fuisson de bourgeois de Valenchiennes bien montés et aournés et en bonne ordonnance, et vinrent contre la roine et son fil et les signeurs, et fu ensi la roine d'Engleterre amenée honourablement jusque en la Salle de Valenchiennes, et issi au piet des grés hors dou char et encontrèrent à l'entrée de la Salle amont le conte de Hainnau, tout à nu chief , la contesse sa fenme et lors enfans, Marguerite, Jehane, Phelippe, Issabiel et lor frère Guillaume, qui tout estoient jone. Si honnourèrent la roine, et elle, euls, et la conjoïrent et la requellièrent moult doucement li contes et la contesse, ensi comme il apartenoit et que bien le" sceurent faire. Et vous di que toute la Salle fu adont laissié pour la roine d'Engleterre logier et ses gens, et li contes et la contesse estoient logiet en l'ostel de Hollandes, et lors enfans, à Malaunoit, et aussi avoient-il là par jour lor retret. La roine d'Engleterre veoit que li contes de Hainnau et la contesse li faisoient t-ant d'onnour que plus ne l'en pooient faire, si en looit Dieu et regrâtioit grandement en soi-meismes, car elle espéroit bien que par euls et les Hainnuiers, elle seroit conforté et adrechié,ensi que elle fu si grandement, comme vous orés recorder avant en l'histore, et fu la ditte roine et ses fils et li contés de Kent grandement tenu au conte de Hainnau et à messire Jehans de Hainnau, son frère, et as Hainnuiers, car elle ne trouvoit en France, ne aultre part, nul confort, ne qui se vosist ensonnyer de ses besongnes, quant li gentils che-
• A nu chief, nu-tâte.
valiers messires Jehan de Hainnau emprist le faix et le carge, dont pluisseurs gens, en Hainnau meismement, l'en tenoient à fol et à mal consilliet, quant à tout une poignie de gens , il se mist en l'aventure d'aler en Engleterre à rencontre dou roi, dou signeur Espensier et de ceuls de lor sieste'. Au voir dire, se li Londryens n'euissent esté, et auquns nobles dou païs qui furent dou confort et alianco la roine, jamais pies n'en fust retournés.
