CHAPITRE LX
Comment li rois Phelippes prit la croix en Avignon.
En ce temps vint-il en dévotion au roi Phelippe d'aler en Avignon veoir le pape Bénédich qui resgnoit pour ce temps , et de parler à lui , et par son consel entreprendre
• Nemours.
le voiage d'outremer et conquerre la Sainte-Terre, car pour lors il n'avoient que faire et ne savoient à quoi entendre, fors as joustes et as tournois, et à tous aultres esbatemens, et pour ce li rois Phelippes avoit celle dévotion de convertir ces armes et esbatemens à aler sus les incrédules et conquerre la Sainte Gliité de Jhérusalem et le roiaulme de Surie, et tant faire par poissance que de oster hors des mains dou Soudan et des incrédules, et jà en avoit li rois de France escript au roi Robert de Cécille, son cousin, et pryet que il se vosist avaler en Prouvence dont il estoit sires, et que sans faute en tel temps (se li nomma) il seroit en Avignon, lesquelles nouvelles et segnefîances furent à ce roi Robert moult plaisans , car il s'escripsoit rois de Cécille et de Naples et de Jbérusalem, dus de Poille et de Calabre et contes de Prouvence. Si pensoit à recouvrer son hiretage de la Sainte-Terre par la poissance dou roi de France et des crestyens, puisque li volages de la vermelle crois seroit empris, et se départi de Sésille et de Poille, et esploijta tant par ses journées que il vint en Prouvence.
Pour ces jours estoit li rois Phelippes jà avalés et venus à Lion-sus-le-Rosne. Quant on li dist que li rois Robers estoit en Prouvence, si se départi tantos, et vint tout contreval la rivière dou Rosne en une nef en Avignon pour ceminer plus aise, et li aultre, c'est à entendre ses gens, vinrent par terre une partie et se logièrent tout à Villenove dehors Avignon, et li rois de France ausi. Li papes, li cardinal et toute li cours furent grandement resjoï de la venue dou roi de France et dou roi Robert de Cécille, quant il estoient là venu , et furent grâces ouvertes à tous clers qui empêtrer voloient. Et donna li papes par pluisseurs fois à diner en son palais, liquels, pour le temps dont je parole, n'es-
toit pas si biaus, ne si remplis de cambres et de déifsces ' comme il est pour le présent. Les deus rois, le roi de France et le roi de Cécille, .. . % et là furent faites grandes prédications et bulles devant les rois et toutes touchans à la crois Termelle emprendre, et l'emprissent ou nom de Dieu et l'aourèrent, et voèrent à porter oultre mer en la Sainte Terre , en la capelle dou pape , li doi roi desus nommé , li contes d'Alençon, frères au roi de France, li contes de Savoie, li contes d'Armignac, li daufins de Vienne, li daufins d'Auvergne, li dus de Bourbon, li contes de Forois \ li cardinauls de Naples, li cardinauls d'Ostie, li cardinauls deMelanset li cardinauls d'Urgel, et tant que à ce jour, en issant dou palais, il furent plus de deus cens grans signeurs qui tous emprissent le vermelle crois à porter et voèrent que, au plus tart dedens deus ans, il ser oient en l'ille de Rodes. Adonc fut avisé dou Saint-Père et dou colége à preechier celle crois parmi la crestienneté et de absoudre de painne et de coupe, tous vrais crestyens qui la vermelle crois eucargeroient et le porteroient en dévotion oultre mer pour aidier le roi de France à conquérir la terre de Surie et la Sainte Cliité de Jliérusalem. Quant li doi roi desus nommé orent assés séjourné en Avignon, tant que bon lor fu, il prissent congiet au pape et as cardinauls, et aussi li un à l'autre, et se départirent, et s'en retourna li rois Robers en Cécille et li rois Phelippes en France. Et fu celle crois à porter oultre-mer preechié partout, et furent moult de peuple esmeu en cause de dévotion d'aler oultre, se li volages se faisoit.
' Déjisces? gîûevieè?
* Lacune de quelques mots.
» Forois y Forez.
