CHAPITRE LXI
Comment Loïs de Bavière se fit couronner emperères à Rome/
En Ce temps estoit avenu que messifes Loïs de Bavière âvôit tenu son siège devant la ville de Aix en Alemagne quarante jours et l'a voient li eslisseur esleu à estre emperères de Eome, mais li rois Phelippe et li signeur de France i metoient un grant empêcement et voloient que Caries de Boesme, fils au roi de Boesme et dus de Lucembourc, fust emperères. Li Alemant se traioient au Baivier et ne s'acordoient point à Carie de Boesme, et très dont se commenchièrent à engendrer et nourir haines entre lés Alemans et les François, car li uns voloit d un et li aultres d'aultre , et faisoient partie avoecques le roi de France et les François, li Sains Pères Bénédic et tout li cardinal, et ne pooit Loïs de Baivière , rois d'Alemagne , finer que li papes envoiast à Rome un cardinal en légation et li donnast poissance poiir li consacrer, et s'escusoit par voies obliques. Quant Loys de Baivière vei ce que il n'en aueroit aultre cose et que il estoit des cardinauls et dou pape menés d'escuses et de frivoles ' , et veoit tout clèrement que li François s'enclinoient à Carie de Lucembourc, et non à lui, il i pourvoi, je vous dirai comment. Il cevauça à puissance et à grant fuisson de gens d'armes parmi la Lombardie et vint à Melans et fist son devoir de tout cbe que à roi d'Alemagne apartenoit à faire, et institua l'arcevesque de Milan qui pour le temps resgnoit à Melan , et la visconté parmi une somme de florins que il en devoit rendre
* Frivoles, réponses feintes et illusoires.
tous les ans, et puis passa oultre, et partout où il venoit, il estoit courtoisement requelliés et tenoit grant estât et estofé et puissance de gens d'armes par quoi il estoit le plus doubtés, et vint à Rome et là fu recheus comme rois d'Alemagne, et avoit envoyet en Avignon, son cemin faissant, soufissans messages pour sommer le pape et les cardinauls, et lor segnefioit par ses lettres et par ses commissaires que ils vosissent envoyer à Eome un cardinal pour li consacrer à empereur, et de ce il supplioit affectueusement le pape et les cardinauls. Chil qui i furent envoyet, fissent bien lor devoir de faire lor message , mais il ne pooient avoir nulle response avant. Estoient menet de paroles, et tout lor estât et convenant, il escripsoient songneusement à lor signeur le roi Loys de Baivière. Quant il vei clie que il n'en aueroit aultre cose et que on li empêçoit sa consacration, il i pourvei, car il fist un pape et douse cardinauls par Facort des Romains et se fist consacrer et couronner de ce pape et de ces cardinauls et prononchier à estre emperères. Quant il ot recheu celle dignité par la voie que je vous di, assés tos apriès, il se départi de Rome. Li Alemant qui servi l'avoient sus tout son voiage et asquels il de voit grant finance, li demandèrent à estre payet : il s'escusa et dist que il n'avoit point d'argent là aporté, fors que pour ses menus frès payer. Il li dissent derechief tout généraument, que, se il n'estoient payet, il se paieroient : il lor acorda et n'avoit cure comment, mais que il demorast en paix et en lor grâce. Sitos que Loys li Baiviers fu issus de Rome, li Alemant demorèrent derrière. Il avoient ordonné à courir Rome, ensi que il fissent, et pillièrent et prissent li Alemant sus les Romains tant et oultre ce que on lor devoit, et'uon porent avoir aultre cose, et retournèrent,* tout fouci d'or et d'argent et de jeuiauls, devers Tem-
perour de Baivière qui les atendoit à Viterbe. Si aquellièrent li Romains ce Baivier en grant haine, et dissent que il lor avoit fait faire \ ne onques depuis il ne rentra à Rome, et li papes et li cardinaul qui le consacrèrent n'orent point de durée et se vinrent rendre au pape d'Avignon , mais ce ne fu pas si tos. Loys de Baivière qui s'escripsi, tant que il vesqui, rois d'Alemagne et empereour de Rome, maugré tous ses malvoellans, s'en retourna en Alemagne et là se tint, et avoit à femme madame Marguerite, fille au conte Guillaume de Hainnau, et ot de li un grant mont de biaus enfans, fils et filles \ Or voel-je retourner as messagiers le roi d'Engleterre, qui furent envoyet en Hainnau deviers le conte et son frère, et recorder tout au lonch de la matère comment il besongnièrent.
