CHAPITRE LXIII
Comment les messages dou roi d'Engleterre furent consilliés du conte de Hainnau.
Quant li contes de Hainnau ot oy l'évesque de Lincole ensi parler, si féri sa main sus la poye* de la chayère sus laquelle il séoit , et pensa un petit , et puis respondi et dist : « Vous tout ensi que chi, estes, vous nous soyés li « bien venu. Vous demorrés dalés nous trois ou quatre « jours et vous rafreschirés, et nous penserons sus ces « besongnes et regarderons en considérant toutes coses « lequel en est bon à faire et adonc vous en serés res- « pondu. » Il respondirent tout de une sieute : « Monsi- « gneur, nous ferons vostre plaisir. » Apriès, il entrèrent en aultres paroles, et lor demanda li contes de lestât de son fil le roi et de sa fille et des ordenances d*Engleterre et comment on si ordonnoit. A toutes ses demandes et paroles, li évesques de Lincole et li baron respondirent bien et sagement, et tant que li dis contes s'en contenta. Adonc vint là la contesse qui estoit retraite en ses cambres quant li signeur se missent ensamble pour parler de consel , et honnoura moult grandement ces signeurs d'Engleterre et
' Poye de la ckayère, bras du fauteuil.
i96 CHRONIQUES
leur demanda de son fil et de sa fille, et à tout il respondirent bien et à point, et demorèrent ce jour au disner dalés la contesse et messire Jehan de Hainnau qui leur fist là et ailleurs la milleur compagnie que il peut et lor donna deus disners et deus soupers moult solempnes sus cMncq jours que il furent là, et tous les jours il estoient de disner et de souper avoecli le conte ou la contesse sa femme ou messire Jehan de Hainnau. Au chinquième jour il furent respondu de la bouce dou conte qui leur dist apriès les requestes que fait avoient : « Biau signeur, vous dires ensi à nostre fil « d'Engleterre que nous li savons bon gré de ce que il a « envoyet deviers nous fiablement pour remonstrer l'en- « trée de son information et que il poise la matère et fait « doubte des aucunes, car ce n'est petite cose voirement à « desfier le roiaulme de France, mais en venant au fait, il « est tout cler que mon fils li rois d'Engleterre est plus « proçains voirement un degré de la couronne de France « et de l'ir étage que ne soit Phelippes de Valois, et plus « chier auerionsce proufit pour nostre fil qui a nostre fille « et pour ses enfans que nous ne ferions pour Phelippe de « Valois, et qui onques riens n'emprist, riens n'achièva. « Vous dires ensi à nostre fil d'Engleterre de par nous et c< à son consel que tout le bon droit que il sent à avoir en « l'iretage et couronne de France, il le demande et calenge. « Nous le aiderons et conforterons en toutes coses; nous « i sommes tenu et le volons faire si avant que nostre « poissance se pora estendre, mais c'est petite cose de nous « et de nostre païs encontre la poissance dou roiaulme de a France. Pour ce fault-il que vostres sires nostres fils, « avant que il entreprende si grant cose que de renvoyer « son hommage au roi de France et li desfier, que il viengne « par deçà la mer, acompagniés de son consel, et il auera
DE FllOISSÀRT. 197
« avoecques li Jehan mon frère qui le adrècera de ce que « il pora, et iront deviers le duch de Braibant, cousin « germain à mon fil d'Engleterre, et à son frère de par sa « serour le conte de Guéries, et aussi au marquis de Jul- « 1ers et acquierront amour et aliauce à euls, et se il puet « avoir le confort et l'aide des Alemans avoecques la « sienne, il pora bien adonc desfier le roi de France et « demander son droit , mais toutesfois nous disons et « mettons avant que riens n'en face, si sace la volonté de « ceuls que je vous ai nommés, et velà le consel et la res- « ponse sus vostre demande, que je vous donne. » Chil signeur d'Engleterre généraument respondirent et dissent : « Grant merchis, et nous ouvrerons apriès vostre « consel. » Si prissent depuis congiet au conte et à la contesse et à messire Jehan de Hainnau, et se départirent de Valenchiennes et retournèrent arrière à la mer par le cemin que il estoient venu , car on quidoit partout que li rois d'Engleterre les euist envoyet en Hainnau pour veoir le conte liquels n'estoit pas bien hetiés*. Si vinrent à Wissan et entrèrent là ens es vassiaus d'Engleterre qui les atendoient, et puis se dèsancrèrent et singlèrent viers Engleterre et furent tantos à Douvres et esploitièrent tant que il vinrent deviers le roi et son consel, et leur recordèrent tout ce que il avoient oy, veu et trouvé ens ou conte de Hainnau.
* Bien hetiés, bien portant.
