CHAPITRE LXIV

Comment Tévesque de LincoUe et d'autres signeurs furent ordonnés à aler deviers le conte de Hainnau.

Quant li rois d'Engleterre et son consel orent entendu l'évesque de Lincolle et ceuls que il avoient envoyet en Hainnau deviers le conte et la response que faite lor avoit, si en furent tout resjoy et pensèrent sus comment il poroient procéder en ces besongnes et regardèrent, tout considéret, que li contes lor donnoit bon consel. Avisé fu telle fois ou commencement de lor consel que li rois d'Engleterre passeroit la mer à une quantité des nobles de son païs et venroit en Hainnau et en Braibant, en Guéries et en Jullers, et feroit ils-meismes tous ces pourcas par le consel que il aueroit de son grant signeur le conte de Hainnau, et puis fu cbils consauls brissiés, et regardèrent chil qui le consilloient que il ni avoit encores que faire jusques à tant que on aueroit tretié deviers euls et que on saueroit la volenté des Alemans. Si furent ordonné li évesques de Lincolle et li évesques de Durem, li contes de Sasleberi, li contes d'Arondiel, li contes de Northanton et li contes de Warvich, messires Renauls de Gobehen, messires Richars de Stanfort, li sires de Felleton et li sires de Sulli à passer la mer et venir à Valenchiennes et parler au conte et faire apriès son consel et tretyer au duch de Braibant et à tous ceuls desquels il poroient estre aidié et conforté'. Si ordon-

' Le 16 décembre 1336, Edouard III autorisa le comte de Hainaut à conclure en son nom toutes les alliances qu'il jugerait utiles.

nèrent tout chil signeur lors besongnes et cargièrent lors vassiaus sus la rivière de la Tamise de tout ce que il lor besongnoit, et estoit lor intension que de prendre terre en Anwiers, car point ne voloient passer par France. Et emportoient chil signeur en deniers tous apparilliés cent mille florins pour tenir lor estât et pour donner des dons là où il apertenroit à faire , car bien savoient que Alemans sont durement convoiteus et ne font riens , se ce n'est pour les deniers. Quant toutes lors besongnes furent aparilliés et li vassiel cargiet, il entrèrent dedens et esquipèrent en mer, et ancrèrent de ceste marée devant Gravesandes , et quant la mer fu revenue , il dèsancrèrent et se départirent, et orent vent à volonté et entrèrent en la mer et singlèrent et ne furent depuis que deusj ours sus mer que il vinrent à Dourdrest en Hollandes et là issirent-il des vassiaus et furent li bien venu en la ville. On mist hors li chevaus petit à petit et se rafresquirent en la ville de Dourdrest quatre jours et se pourveirent de chevaus chil qui nuls n'en avoient ; et quant toutes lors besongnes furent prestes, il se départirent en grantarroi etmonstroient bien àj'estat que il tenoient, que il avoient or et argent assés et cevauoièrent à petites journées et à grans despens et ne s'arestèrent chil signeur nulle part, si furent venu à Valenchiennes, car de tout ce que il avoient à faire, il se voloient ordonner de par le conte de Hainnau. Quant il furent venu à Valenchiennes, il se logièrent à leur aise et i furent recheu à joie, et les regardoient toutes gens à mervelles pour le grant estât que il tenoient, car il n'espargnoient nulles riens non plus que argens lor aplevist des nues, et acatoient toutes coses le pris que on lor faisoit : dont il avint que quant li signeur qui la ville de Valenchiennes gouvernoient pour ce temps, en veirent la ma-

nière, il missent par ban et sus painne à toutes coses fuer ' et pris raisonnable , et tant que li Englois s'en contentèrent grandement, et estoit li évesques de Lincole logiés as Jacobins, et li évesques de Durem as Frères Meneurs.

Pour ces jours estoit de tous poins alités li contes Guillaumes de Hainnau de la maladie des goûtes, mais il avoit tous ses sens avoecques lui, et aussi naturelment donnoit bon consel que onques fait il avoit en devant sa maladie, et furent chil signeur d'Engleterre requelliet moult doucement de li et de la contesse sa femme et de Guillaume lor fil et demessire Jehan de Hainnau, et aloient li dit signeur tant des prélas comme des barons veoir le conte et parler à lui des besongnes pour lesquelles il estoient là envoyet, et li contes les en consilloit loiament à son pooir, et à tous lors consauls estoit apellés messires Jehans de Hainnau, (c'estoit raisons), comme homme de fief et dommage et de foi et serment au roi d'Engleterre.