CHAPITRE LXV

Comment les messages douroid'Eng-leterre s'acordèrent assez légièrement avec le conte de Hainnau et le duch de Braibant.

Pour ce temps avoit li contes de Hainnau une haine couverte moult grande deviers son serourge le roi Phelippe de France : je vous dirai quelle et pourquoi. La terre et signourie de Crievecoer en Cambrésis avoit couru à vendage, et quant elle i fu mise, les premières offres en furent données au conte de Hainnau, et ensi de la terre et signourie dou chastiel c'on dist Alues en Pailluel % séans sus la

' Fuer, taxe. ^ Alues, Arleux.

rivière de la Sensée sus les frontières d'Artois et de Douai, et quidoit bien li contes de Hainnau ces deus terres avoir acatées, et estoient li denier tout prest pour les payer, quant li rois Plielippes fu enfourmés decestemarceandise. Jehans ses fils, qui estoit dus de Normandie et daufins de Vienne *, se traïst avant et reféri sus ce marchié par le commandement dou roi son père et acata en l'empire ces terres desus dittes, dont li contes de Hainnau fu trop grandement courouchiés et dist et jura que de la vilennie que ses serourges li avoit fait, il l'en souvenroit et li remonsteroit durèrent quant il chéiroit à point, et eschéi que les nouvelles de ces promotions dou roi d'Engleterre à la calenge de France se boutèrent avant et- desquelles coses on li demandoit le consel, en l'année proprement quant li vendage et li achat des hiretages desus dis furent fait. Si en estoit li contes plus tenres et plus enclins à estre tos courouciés et lors secrètement il remonstra son mautalent, car se il euist aussi bien, en son commencement de ces nouvelles, abatu les paroles et les oppinions des Englois que il les esleva, pluisseurs gens dient que de la guerre de France et d'Engleterre qui tant a duret et coustet, riens n'en euist esté ; mais, ensi que on peut dire et supposer, ce qui doit avenir, nul ne puet brissier, ne oster.

Chil signeur d'Engleterre qui estoient venu à Valencliiennes veoir le conte de Hainnau et qui tout s'ordonnoient apriès son consel, tenoient aussi grant estât que dont que se li rois d'Engleterre i fust en propre personne, et acquéroient grant grâce et grant renommée, et là avoit entre euls pluisseurs bacelers, liquel avoient casquns un oel couvert d'un petit de blance toille h manière d'un plas-

' Je me \)orne à faire remarquer ce titre de Dauphin de Vienne donne'' ici au duc de Normandie.

triel par quoi il n'en peuist veoir, et disoient pluisseurs gens qui les regardoient que cliil chevalier et esquier avoient voet entre dames de lors païs que jamais ne veroient que d'un oel jusques à tant que il aueroient fait auqunes proèces d'armes de lors corps ens ou roiaulme de France , lesquelles coses il ne voloient pas congnoistre à ceuls qui lor en demandoient '. Quant il furent assés festoyet et honnouret à Valenchiennes dou conte de Hainnau et de la contesse et de son fil et de messire Jehan de Hainnau et des chevaliers et esquiers dou païs, et il eurent apris et retenu le consel doudit conte de leur ordenance et quelle cose il dévoient faire et comment il se maintenrpient, li évesques de Lincole et li contes d'Arondiel et li contes de Norhantonne et messires Renauls de Gobehem et messires Eichars de Stanfort et les aultres signeurs d'Engleterre se départirent de Valenchiennes en grant arroi et estât, et s'en vinrent à Louvaing deviers le duch Jehan de Braihant, liquels rechut tout ces signeurs moult grandement et les honnoura et festoia à son pooir, car bien le sçavoif faire. Il li remonstrèrent moult sagement toute la

» L'un de ces chevaliers qui portaient un œil bandé, n'était-il pas Guillaume de Montaig-u, qui fut depuis comte de Salisbury? L'auteur anonyme du Vœu du héron l'affirme :

« Robert se dirige vers le comte de Salisbury, qui est assis près « de l'aimable fille du comte de Derby. — Ah .'que ne puis-je, s'écrie « Salisbury, remplir parfaitement mon vœu ! car je sers la beauté la « plus merveilleuse qui soit sous le firmament. C'est en vain que je lui a ai offert mon amour; elle le repousse et ne me permet qu'une douce « espérance d'obtenir un jour sa merci. Je lui demande seulement « aujourd'hui de poser un de ses doigts sur mon œil droit. — J'en po- « serai deux, dit la dame. — Je voue et promets à Dieu et à sa douce « mère, repart le chevalier, que j'irai combattre en France. — Il dit et « son œil reste fermé. — Et moi, interrompt la fille du comte de « Derby, je voue et promets au Dieu du paradis que je n'accepterai a pour époux que celui dont les hauts faits auront été inspirés par mon f« 9,mour. »

DE FROISSARÏ. 205

matère pourquoi il estoient là venu et issu hors d'Engleterre. Li dus qui vol entiers les oï parler (car il amoit bien son cousin germain le roi d'Engleterre, et avoit adonc entre 11 et le roi Phelippe de France un grant différent), s acorda assés légièrement à che que chil signeur d'Engleterre requéroient, et eut en convenant de soustenir le roi son cousin et toutes ses gens en son païs, et lor offri et acorda que il pooient aler , venir et demorer partout sus le sien , armés et désarmés, toutes fois que il lor plaisoit, et en oultre de servir le roi d'Engleterre, se en [propre personne il passoit la mer, à mille hiaumes couronnés, et de desfier le roi de France, aussi avant comme feroient nais des aultres, se il en pooient avoir l'aliance, parmi une certainne somme de florins que il devoit avoir pour li et pour ses gens \ Chil signeur d'Engleterre qui poissance avoient de tout ce faire (car li rois lors sires lor avoit donnet) escripsirent et séelèrent toutes ces convenances et ce que li dus de Braibant volt, et retournèrent en la ville de Valenchiennes, et recordèrent au conte de Hainnau comment il avoient esploitié, desquels esplois li contes fu tous resjoïs, et lor dist : « Biau signeur, puisque vous avés d'acord le « duch de Braibant, c'est uns grans sires et sages et bien « amés de tous ses voisins, je espoire que vous auerés as- « ses légièrement le conte de Guéries, le marchis de Jullers, « l'arcevesque de Coulongne, mesire Ernoul de Baquehen, « le signeur de Fauquemont et tous les Alemans : il cou- « vient tretyer deviers euls. »

» Voyez la convention du 12 juillet 1337 (Rymer, II, 3, p. 180).