CHAPITRE LXXI
Comment les Englois s'ordonnèrent pour combatre les gens d'armes de Ville de Gagant.
Vous savés comment li contes de Flandres avoit mis et establi garnison de gens d armes en l'ille de Gagant, liquel fissent pluisseurs destourbiers et grans anois à ceuls qui voloient par mer venir prendre port à l'Escluse et tant que tous li païs dç Flandres s'en contentoit malement , car li proufis de la marceandise en estoit ensi que tous perdus et espéciaulment la draperie, car nulles lainnes ne venoient.
Vaillant conte et biau baceler ; La tierce, n'estoet trop long quierre, Elle est roinne d'Engleterre.
(Manuscrit de la Bibliothèque Casanatense à Rome).
ne issoient hors d'Eng-leterre. Jaquèmes Dartevelle, liquels voloit aidier le roi d'Engleterre et à clie faire estoit obligiés et avoit fait obligier généraument la ville de Gand , n estoit pas couroucliiés de ce que cliil qui héri oient la ville de Bruges et le païs de Flandres se tenoient à Gagant , et fist semer paroles à Brughes, à Ippre et à Courtrai et ou Franch de Bruges que se on voloit entendre à ce que il conselleroit, tout acertes on en délivreroit le païs. La ville de Bruges et la ville dou Dan * et la ville de l'Escluse qui trop grandement perdoient (car sans la marceandise de la mer il ne pueent avoir cevance, ne sèvent vivre) s'enclinèrent à entendre à ses paroles et envoyèrent casqune des dites villes de lors hommes par deviers li à Gant , en li priant que il i vosist pourveir et donner consel comment li wagnages peuist retourner en Flandres. Il lor respondi que aussi feroit-il bien et vol entiers, et celle response raportèrent à lors gens , chil qui i furent envoyet. On s'apoisa pour veoir comment se passeroit ce que Dartevelle offroit. Jaquèmes Dartevelles , liquels fu moult soubtieus en son temps , envoya messages et lettres deviers le roi d'Engleterre et son consel, et lor segnefia que se il voloient avoir l'amour dou païs de Flandres et l'entrée généraulment, il envolassent délivrer le pas et l'ille de Gagant, que les gens dou conte tenoient à l'encontre de euls et des Alemans, et qui là voloient la mer, et n'osoit nuls aler, ne venir, ne ariver à l'Escluse. Li rois d'Engleterre et ses consauls regardèrent à ce et sentirent assés que tout ce estoit raisonnable et que voirement i pourveroient-il. Si fu ordonnés li contes Derbi à estre chief de ceste armée à tout six cents lances, chevaliers et esquiers, et deus mille archiers et li fu dit que
» Le Dan, Damme.
il s'en venist par la Tamise à toute sa carge à Gagant, et délivrast l'ille et le pas de ceuls qui le tenoient. Li gentils contes Henris Derbi obéi à l'ordenance dou roi, et se pourvei de chevaliers et d'esquiers et d'arcbiers, et ordonnèrent toutes lors pourvéances sus la rivière de la Tamise à Londres, et quant li vassiel furent cargiet de tout ce que il lor besongnoit, il entrèrent dedens, et quant tout i furent entré, il dèsancrèrent, et vinrent de celle marée jesir devant Gravesaindes. A l'endemain, il s'en départirent quant la mer fu revenue, et vinrent devant Mergate et là ancrèrent et furent deus jours, car il avoient vent trop contraire pour entrer en la mer. Au tierch jour li vens lor revint : si dèsancrèrent et se boutèrent en la mer et prissent le chemin de Flandres. En la compagnie dou conte Derbi estoient li contes de Sufforch, messires Renauls de Gobehem , messires Rogiers de Biaucamp, messires Guillaumes Fils-Warwic, li sires de Bercler, messires Gautelès de Mauni , liquels estoit j à moult aloses et avoit fait des grans apertisses d'armes ou roiaulme d'Escoce ' et le tenoit li contes à compagnon, et estoient environ six cents armeures de fier et deus mille archiers ; et s'en vinrent tout nageant par mer à l'aide de Dieu et dou vent, et vinrent devant Gagant et s'ordonnèrent pour prendre terre, et abaissièrent les voilles et se missent en ordenance de bataille. Ce fu la nuit Saint-Martin en ivier, en l'an de grâce Nostre-Signeur mille CGC XXXVII ^
» Le 11 août 1837, Gautier de Mauny reçut le commandement de toute la flotte au nord de la Tamise, Il en était encore investi au mois de juin 1338.
? 10 novembre 1337.
