CHAPITRE LXXII

Comment les Englois approchièrent les chevaliers flamans.

Quant les Englois veirent la ville de Gagant, où il tendoient h venir et à combatre ceuls qui dedens estoient, si considérèrent que il avoient le vent et la marée pour euls, pour lesquelles coses il estoient tout resjoï. Adonc ordonnèrent-ils lors vassiaus et missent les archiers tous devant et singlèrent fors viers la ville. Chil qui là dedans se tenoient en garnison, avoient veu l'ordenance sus la mer comment la navie tiroit à venir sus euls et pensèrent bien que c'estoient gens qui les venoient combatre. Si sonnèrent lors trompètes, et s'armèrent et apparillièrent toutes gens et se missent en ordenance de bataille, et là estoient des chevaliers de la conté de Flandres auquns et tels que messireGuis de Flandres, frères bastars audit conte, etdalésil messires Simons et messires Jehans de Bruquedent * , messires Jehans nommés Ducres de Halluin , messires Jehans de Rodes, messires Gilles de l'Étrief, messire Pierre d'Ippre, messires Lois Villains, messTres Pierres d'Englemoustier, messires Bauduins Barnage, messires Robers Marescal, messires Ernoul de Vors, et tant que il estoient euls sesse chevaliers tous jones, hardis et appers, et en grant volenté de euls deffendre et de garder le passage. Evous venus les Englois en ordenance de bataille, les archiers tous devant. Quant li vassiel aprocliièrent , li chevalier qui dedens Gagant se tenoient, conneurent que chil qui les venoient combatre, c'estoient Englois, car il veirent

* Brvquedcnû, Brugdam.

les banières, les pennons et les estrannières des lupars d'Engleterre qui voloient amont sus ces nefs et baulioient ' au vent. Quant li Englès aprochièrent, il i ot grant noise de trompâtes et de claronchiaus. Dont commenchièrent archier à traire de grant randon % et ensonnyer gens et gens d'armes entre euls au prochier pour prendre terre. -Là ot fort hustin et dur, et trai oient arbalestrier à pooir , mais Englès n'en faisoient compte , car arcbier sont trop plus isniel au traire que ne sont arbalestrier; et furent en cel estât un grant temps , et tant que la mer fu toute retraite et que les vassiaus d'Engleterre demorèrent tout aresté sus le sabelon. Adont i ot grant bataille de toutes pars , et là furent li contes Derbi et messires Gantiers de Mauni très-bons chevaliers et i fissent pluisseurs grans apertisses d'armes.