CHAPITRE LXXIV

Comment les Flamans traitièrent avoecques lé roi d'Engleterre tant que il eurent le wagnage de la draperie.

Pour ce, se l'ille de Gagant fu délivrée des Flamens, chevaliers et esquiers, qui gardé l'avoient un lonch temps

Flandres, navrés et prins et menés en nefs, et y eult bien de mors XI mil hommes et le remanant s'enfuy. Ce fut la nuit Saint-Martin en yver Tan mil m c et xxxvii«, dont rentra l'évesque de Nicole et ses gens en leurs nefs, et tournèrent leur chemin vers Anvers, et là fist l'évesque deschargier les laynes et les sacqs, et puis retournèrent en Engleterre et contèrent au roy comment ils avoient ouvré. Adont, n'attendy gaires le roy qu'il ne feist deffendre à tous les pors d'Engleterre que riens ne venist en Flandres, dont cens de Flandres furent moult esbahis et moult desconfortés, et moult eurent .grant disette, grande espasse de tamps, car les gens de commune n'avoient que gaingnier, et leur en convenoit widier le pays.

Cet auteur anonyme est le seul qui mentionne la présence de l'évoque de Lincoln au combat de Cadzand : cette assertion est fort douteuse.

* Soestéf société, compagnie.

DE FROISSAIVI'. ±23

au commandement dou conte de Flandres, ne se retourna pas si tos li wagnages, ne la marceandise ou païs de Flandres, car Jaquèmes Dartevelle i mist empêcement, je vous dirai comment*. Voirs est que li Englois marceant, liquel avoient sus le quai à Londres et ailleurs pluisseurs nombres de sas de lainnes, en désiroient à avoir lor délivranche pour atraire à euls les deniers. Aussi li marceant de Flandres et de Braibant et li drapier les désiroient à avoir et à acater pour faire ouvrer et mettre en la draperie, ensi que usages est que tout païs vivent et s'estofent et gouvernent Tun de l'autre ; et tout ce sentoit et savoit bien de la nécessité Jaquèmes Dartevelle, et tantos apriès la bataille de Gagant, il ëscripsi au roi d'Engleterre et son consel que point ne se hastassent 'de envoyer en Flandres, ne à l'Escluse les marceandises d'Engleterre, et les tenist encores closes jusques à tant que on aueroit aultres nouvelles de li. Li rois d'Engleterre et ses consauls qui se voloient rieuler de tous poins par sen ordenance, entendirent à ces lettres et segnefiances dou dit DarteVelle pour veoir quel cose il vodroit dire et faire. Quant cliil de Bruges, dou Dan, de l'Escluse, d'Ipre et de Courtrai et dou tiéroir dou Franc veirent que la mer n'estoit non plus ouverte après la bataille de Gagant comme en devant, si commencbièrent à murmurer généraulment et à dire li uns à l'autre ens es villes : « Jaques Dartevelle nous don- « noit à entendre que il avoit le wagnage de la draperie « en la main, et le nous feroit avoir toutes fois quantes « fois que il vodroit. Nous quidions que la maladie jessist « dou lés deviers Gagant et par ceuls qui là se tenoient

» Per très annos elapsos, passagium de lanis cessabat ut citius Flandrensium superbiam rex devinceret, qui plus saccos quam Anglicoa Tenerabantur. Walsingham, p. 131.

« en garnison. Or en est li pas délivrés et se ne retourne a point la marceandise en Flandres. Ce seroit bon que on « alast à Gand parler à lui et savoir à quoi il périst. » Suscel estât, tout s'acordèrent, et se quellièrent des bonnes villes de Flandres auqans notables hommes et vinrent à Gand et parlèrent à Dartevelle et proposèrent toutes les paroles desus dittes. Il respondi à celles et dist : « Il est flc vérité que je di ensi et encores le di-je. Se vous volés « que li proufis et li wagnages vous retourne, il fault que « vous ayésaliances grandes et fortes au roi d'Engleterre, a dont li proufis vous puet venir, et qui vous a, des ennec( mis de la mer qui se tenoient à Gagant, délivré le païs : ce par celle voie l'ai-je tout dis ensi entendu et non aultre- « ment, et se vous qui chi estes envoyet de par la gri- « gnour partie des bonnes villes de Flandres, volés venir « avoecques moi en Engleterre parler au roi et à son con- « sel, nous esploiterons tellement que nous remeterons le « wagnage et le proufit ou païs de Flandres. » Dont respondirent li plus sage de la compagnie et dissent : « Sire, « nous ne sommes pas cargiet si avant que nous vous « acordons le voiage. Nous retournerons casquns en sa « ville et meterons les bonnes gens ensamble et leur re- « corderons ce que nous avons oy de vous, et -ce que il en « vodront faire, on le vous segnefiera et bien briefment. » — « A la bonne heure, » respondi Dartevelle. Il prissent congiet; il se départirent de Gand et retournèrent casquns en lors lieus et missent les consauls des bonnes villes ensamble et remonstrèrent tout ce que vous avés oj. Euls consilliés bien et par grande délibération et pour le commun proufit de Flandres, avoecques ce que li contes estoit trop grandement haïs ou païs tant pour l'amour dou signeur Courtrissien lequel il avoit fait décoler que pour

aultres souffissans hommes, ens es bonnes villes accordé et ordonné fu que avoecques Jacquemon Dartevelle, de toutes les bonnes villes de Flandres iroient en Engleterre deus hommes, et chil qui là ser oient envoyet prieroient au roi d'Engleterre que les marceandises des lainnes lesquelles lor sont moult nécessaires, il vossist consentir que elles retournassent en Flandres, tant que il en fuissent aisiet et servi, ensi que dou temps passé avoient esté, et il tenroient généraument par toute Flandres l'ordenance et le trettié que chil de Gand avoient juret à tenir et proumis par lettres et séelés à l'évesque de Durem et à ses commis, quant darrainement il furent à Gand. Sus cel estât, s'ordonnèrent chil qui esleu furent, d'aler en Engleterre avoecques Jaquemon Dartevelle, et lis dis Dartevelle estoit jà tous pourveus de son estât grant et estofé aussi bien comme uns contes, et s'en vint à Bruges et fu là requelliés ensi comme uns sires dou païs. Tout li aultre bourgeois des bonnes villes de Flandres vinrent à Bruges et là s'asamblèrent, et quant tout furent venu, il vinrent à l'Escluse et trouvèrent deus vassiaus tous près pour euls porter et deus hoquebos pour lors pourvéances. Si entrèrent ens es dis vassiaus et se dèsancrèrent et se départirent de l'Escluse et esploitièrent tant à l'aide de Dieu et dou vent que il entrèrent en la Tamise et vinrent à Londres et issirent sus le quai hors de lors vassiaus et se logièrent tout à lor aise en la rue de la Eéole. Pour ces jours se tenoient li rois et la roine à Eltem, à sept lieues englesces de Londres, liquel furent tantos enfourmé de la venue des Flamens. Li rois qu^ désiroit à savoir lor entente et pourquoi il estoient venu, lor segnefîa que il venissent parler à lui et si escripsi et envoia ses lettres et ses messages deviers son consel et lor manda que tantos et sans

délai il venissent à Londres. Jaquèmes Dartevelle et li JPlamench vinrent à Eltem tout premièrement veoir le roi et la roine liquel les requillièrent moult courtoisement, et ià lor remonstra li dis Jaques en la j^résence de tous ses compagnons ce pourquoi il estoient venu et là estoient envoyet, et prioient les communautés des bonnes villes de Flandres que ce fust la plaisance et l'acort dou roi que Testaple et la marceandise des lainnes peuist venir en Flandres, ensi que aultre fois avoit fait. Li rois respondi à ce et dist que il en aueroit avis et consel et en seroient de lor demande et requeste respondu dedens un jour que il lor nomma et seroit la response faite ens ou palais de Wesmoustier. De ces paroles il se contentèrent assés. Si disnèrent ce jour tout chil Flamenc en la cambre dou roi et de la roine, et lor fu monstrée la plus grant amour, comme on pot et par espécial à Jacquemon Dartevelle, car bien sentoient li rois et la roine que il estoit tous souverains des aultres et aussi que de bonne amour il les amoit, et parla aussi li rois à li à part de pluisseurs coses, et Dartevelle qui voloit l'augmentation dou roi d'Engleterre, li remonstra tout bellement la voie et la manière comment il poroit entrer en la grasce dou païs de Flandres avoecb ce que il i rendoit et renderoit grant painne. Quant il orent assés parlé ensamble, li Flament prissent congiet pour celle heure et retournèrent à Londres, et atendirent que li rois vint à Wesmoustier, et que tous ses consauls fu venus à Londres. Adonc furent li Flamens mandé au palais : il vinrent. Là furent oy de tout ce que il vodrent dire ; il furent respondu si courtoisement que il s'en contentèrent, car il empêtrèrent tout ce que il vodrent avoir, et aussi il proumissent au roi là, ou cas que il vodroit passer la mer aune quantité de gens d'armes et d'archiers, il seroit

requelliés en Flandres bellement et doucement, et se li dus de Braibant, son cousin, et li contes de Guerlles son serourge et li marquis de Jullers et les Alemans qui avoecques lui s'estoient alyet, voloient desfyer le roi de France, il trouveroit les communautés de Flandres tout apparilliet pour aler, fust devant Tournai ou Cambrai, là où il les vodroit mener. Li rois d'Engleterre qui très-grant désir avoit de faire son emprise, les oy volentiers parler, et les remercia et lor dist que sans faute dedens la Saint- Jehan- Baptiste, il seroit oultre la mer. Ensi se portèrent ces ordenances : li Flamens eurent dou roi tout ce que ils désiroient à avoir, et retournèrent arrière en Flandres et i raportèrent le wagnage, car la mer fu ouverte, et vinrent les lainnes en Flandres, à l'Escluse, au Dam et à Bruges, et là les venoient querre et acater li marceant drapier de Braibant et tout chil qui les voloient avoir*.