CHAPITRE LXXVI
Comment li rois d'Eng-leterre fit lire les lettres de^l'empereour à Herbes en Hasbain.
Quant li signeur de l'empire furent retourné deviers le roi d'Engieterre qui pour ces jours se tenoij; en la ville de Malignes, uns parlemens fu convoquiés à estre là en la dite ville, de tous les signeurs qui convenance et aliance avoient au roi d'Engieterre, et tout i vinrent, et aussi Jaquèmes Dartevelle ne s'i oublia point à estre, tant pour veoir le roi d'Engieterre que point il n'avoit encores veu par deçà la mer, que pour sçavoir de l'ordenance des signeurs, ne quelle la conclusion dou parlement seroit; car renommée couroit en Flandres et ailleurs, quoique li dus Jelians de Braibant fust cousins germains au roi d'Engieterre, si se faindoit-il de li aidier, ensi que faire deuist, et estoit moult pesans àesmouvoir, et disoient a'uqunes gens que les secrès de ces parlemens estoient par lui sçeu en France, car il avoit un sien chevalier le plus secré de tous les aultres et que le plus il amoit, lequel on nommoit messire Lois de Cranehem, envoyet à Paris, et là se tenoit tous quois dalés le roi et les signeurs, et estoit li dis messires Loïs cargiés de par le duc que de li esquser au roi de toutes informations senestres qui por oient venir, et grandement bien s'en aquitali chevaliers, et tous les jours venoient lettres et nouvelles dou ducb de Braibant au chevalier, par quoy il sçavoit tous les secrès qui se faisoient en Braibant.
En la ville de Malignes vinrent biaucop de signeurs pour tant que li rois d'Engieterre i estoit. Or s'avisa li dus
DE FROISSxVRT. 257
de Braibant qui se voloit dissimuler de ces besongnes, et ordonna et i trouva une cautelle nouvelle, et dist que li parlemens ne se pooit tenir pour celle fois à Malignes, ne à Trac * (se euist-il esté là moult bien et pour l'aise des signeurs de l'empire) : il li fu demandé dou roi et dou conte de Guéries où il voloit dont que il se tenist. Il respondi à Herbes^ en Hasbain qui sciet priés de son païs. Pour acomplir les plaisances et volontés dou duc, car on ne le savoit comment avoir, ne mener, on acorda à estre li parlement à Herbes, et vinrent là tout li signeur tant de l'empire comme d'autre païs, qui alliance avoient au roi d'Engleterre, et pluisseur de la conté de Hainnau qui n'i avoient que faire fors que pour veoir Testât ^ Quant tout furent venu, la ville fut durement plainne, et se logièrent moult de signeurs à nu chiel ou desous fuellies et contre les haies et les buissons et ens es jardins au dehors de la ville. Et fu la halle de la ville où on vendoit et vend encores pain et char, encourtinée de biaus draps et dé tapisserie comme la cambre le roi. Et là fu li rois d'Engleterre assis, la couronne d'or moult rice et moult noble sus le chief, plus hault cincq pies que nuls des aultres, sus le banc d'un bouchier où il tailloit et vendoit sa char. Onques povre halle ne rechut si haute honnour. Et là pardevant tout le peuple, en la présence des signeurs, furent leues les lettres de l'empereour par lesquelles il constituoit
* Trec, Maestricht.
* Herbes, Herck.
' Edouard III avait été, comme nous l'avons dit, proclamé vicaire de l'empire dans l'assemblée de Coblentz au mois do septembre 1338, et Rymer donne une charte qu'il y signa le 6 de ce mois. Ce fut à son retour que, par des lettres données ]x Maliues le 18 septembre, il invita lo duc de Brabant ji se trouver à Herck le 12 octobre, afin que la décision de l'empereur pût lui être notifiée. (Dyp^teuus, II, p. (526).
le roi Édowart d'Eng'le terre son vicaire et son lieutenant pour li, et li donnoit poissance de faire droit et loy à casqun ou nom de li et de faire monnoie d'or et d argent aussi ou nom de li. Et commandoit li dis emperères par ses dittes lettres à tous les princes de son empire et à tous aultres à lui soubjès que il obéissent au roi d'Engleterre, son vicaire, comme à lui meismes et li fesissent féaulté et hommage comme au ;v^icaire de l'empire '. **
* L'empereur annonça aux échevins d'Ypres l'élévation d'Edouard III au vicariat impérial par les lettres suivantes :
Ludovicus, Dei gratia, Romanorum imperator, semper augustus, prudentibus viris scabinis, consulibus, totique communitati oppid. Yprse, suis et imperii fidelibus dilectis, gratiam suam et omne bonum.' Quum est cseteris nostris subditis et fidelibus manifestum, a vestra scimus non esse notitia peregrinum, videlicet qualiter nos contra Philippum de Valesio pro rege FrancisB se gerentem et alios nostros ac sacri romani imperii adversarios et rebelles, nostrorum ac dicti imperii bonorum, jurium et honorum violentes occupatores et illicitos detentores, pro récupération e dictorum bonorum, jurium et honorum, nostros felices progressus brachio potenti in proximo dirigere proponimus. Domino disponente. Quare vobis, sub fide qua nobis et sacro romano imperio firmiter estis astricti, prœcipiendo mandamus quatenus receptis prsesentibus statim decentiori modo quo poteritis, pro hujusmodi progressibus nostris, vos prseparetis ac vestros prseparari faciatis, et quia nos illustrem Edv^rardum, regem Anglise, fratrem nostrum carissimum, nostrum et imperii constituimus vicarium generalem, prout in nostris litteris patentibus sibi Inde confectis seriosius continetur, volumus et districte prœcipiendo mandamus quatenus eodem régi Anglise nostro et imperii vicario, tam pro nostris et dicti imperii quam suis bonis, juribus et honoribus recuperandis, favorabiliter sitis intendentes, quantumcunque per ipsum tanquam nostrum et imperii vicarium fueritis requisiti. Vestram etiam laudabilem animositatem et animosam constantiam, quibus viriliter et potenter insistitis ut terra vestra viris sceleratis et transgressoribus ac prsecipue nostris et imperii inimicis et rebellibus vacuetur, specialiter commendamus, rogantes ut féliciter inceptis usque ad exterminium dictorum rebellium felicius insistatis, nosque brachii nostri virtutem in auxilium vestrum extendere proponimus, Deo dante. Datum Franchenfurt, xiiia die mensis martii, regni nostro anno vicesimo quinto, imperii vero duodecimo.
Quant ces lettres furent leues, li rois d'Engleterre fist faire requeste à tous les signeurs qui là estoient que tout fesissent féaulté et hommage. Tout chil qui requis en furent le fissent de tant que tenu estoient dou faire. Et tantos là endroit fu clamet et respondut entre parties comme devant l'empereour, et jugiet droit à la semonse deli. Etfu là endroit renouvelles et affermés uns estatus et jugemens qui aultre fois avoit esté dis et fais en la court de l'empereour, liquels estoit tels, que qui voloit autrui grever, ne porter damage, il le devoit deffier soufissanment trois jour s devant son fait, et qui autrement le feroit, il devoit estre atains et pugnis comme de mal vais fait. Cliils estatus sambla bons et raisonnables à tout homme, mais je ne sçai se depuis il a esté partout bien tenus et gardés.
