CHAPITRE LXXVII
Comment li rois d'Engleterre manda la roine Phelippe, sa femme, et comment il gissoit deçà la mer à grans coustages.
Quant chils estas fu tenus, lequel vous oés recorder, et que li vicaires de l'empereour ot fait droit et loi, et rendut jugemens, et que li signeur qui là estoient, li orent fait féaulté et hommage, car il en furent requis soufissanment, etque toutes coses furent misses à lor devoir, en augmentation de title et de nom, le conte de Guéries fu transmués en duc, et li marquis de Jullers en conte *, et puis grant temps apriès, fu-il nommés dus de Jullers. Donc descendi li dis rois d'Engleterre nommés vicaires à l'empereour, et
* Le 28 novembre 1339, Edouard III donna au marquis de Juliers un comté en Angleterre. Quelques mois plus tard, il lui assigna le titre de comte de Cambridge. (Rymer, II, 4, pp. 57, 74 et 111).
aussi fissent tout li signeur, et issirent de la halle et vinrent en une aultre place moult grande, laquelle on avoit apparillié pour euls, et là disnèrent ensamble et fu ordonné que de là on se départiroit casquns en son lieu, et cel ivier passet, sus l'estet, quant li vicaires de l'empereour semondroit ^ ses hommes, tout se remeteroient ensamhle ^ et le venroient servir et iroient partout où il les menroit , et fu adonc avisé et ordonné que on se trairoit devant Cambrai, car li sig'neur avoient entendu que il le trouveroient rebelle à l'encontre de euls et close.
Si se départirent chil signeur et prissent congiet au roi d'Engleterre et li rois à euls sus Testât et ordenance que de retourner à l'estet, et vint li rois d'Engleterre à Louvaing et se logea ou chastiel, car li dus son cousin li presta, et manda li dis rois d'Engleterre la roine Phelippe sa femme en Engleterre, laquelle fu moult resjoïe de ces nouvelles et se apparilla dou plus tos comme elle pot, et se mist en la mer et monta ens son vassiel au palais de Wesmoustier, et tout chil et toutes celles qui de sa route furent, et estoit la roine bien acompagnié de dames et de damoiselles d'Engleterre, de chevaliers etd'esquiers,et nagièrent tant li maronnier à l'aide de Dieu et dou vent que il vinrent en Anviers, et là issirent des vassiaus et se missent en la ville. Si fu la roine requelliée moult honourablement de ceuls de la ville.
Les nouvelles s'espardirent tantos sus le païs que la roine d'Engleterre estoit venue. Si vinrent contre li et pour acompagnier et amener à Louvaing deviers le roi, pluisseurs barons et chevaliers d'Engleterre qui estoient
* Semondroit^ convoquerait.
.^ Se remeteroient ensamhle, se réuniraient de nouveau.
DE 1 ROISSART. < 2-41
espars sus le pais de Braibant, et entra la roine en Louvaing à plus de deus mille chevaus. Se vint li rois contre li et le rechut liement. Si furent moult belles et moult amoureuses les aquointances dou roi et de la roine, et se logièrent ou chastiel de Louvaing tout cel ivier et tinrent lor estât. Assés tos apriès ce que la roine fu venue à Louvaing", le vinrent veoir li jones contes Guillaumes de Hainnau son frère, et la jone contesse sa femme, et aussi fist madame de Valois sa mère, car elle l'amoit de tout son coer plus tenrement que nulles de ses filles. Si fu la roine visitée des chevaliers et des dames de Hainnau et de Braibant, et elle qui estoit pourveue toute sus, les requelloit liement et doucement et les remercioit de lor bonne Visitation. Vous devés sçavoir et croire lég'ièrement que li rois d'Engleterre gissoit à grans frès et à grans courtages deçà la mer ; car il tenoit plus de deus mille chevaliers et esquiers, et environ huit mille archiers, et tous les mois estoient payet de lors gages, sans les grans coustages et frès qui li venoient de costé à tenir ces signeurs d'Alemagne à amour, car il ne fesissent riens, ne pour linage, ne aultrement, se li denier n'alaissent tous dis devant.
Encores se dissimuloit ce qu'il pooitli dus de Braibant, quel amour , ne compagnie que il fesist , ne monstrast au roi d'Engleterre, son cousin, et faisoit toulfquoi tenir son chevalier messire Lois de Cranehem à Paris dalés le roi , qui tousjours esqusoit le duch de toutes informations senestres qui venoient en la présence dou roi, et disoit au roi : « Sire, n'en créés riens, car monsigneur de Braibant, « quel samblant que il monstre, ne face à son cousin le roi « d'Engleterre, ne vous fera jà guerre pour lui. » Et li rois de France le créoit et créi tant que on en vei tout le contraire, de quoi li dis chevaliers prist si très-grande mé-
rancolie, quant li rois Phelippes li dist que il estoit mencouables ' et li dus de Braibant ses mestres aussi, que il en morut d'anoi, ne onque depuis ne retourna en Braibant ^
* Mençonahles, menteur.
2 Ces événements sont racontés ainsi dans la chronique anonyme de Valenciennes (manuscrit de l'Arsenal), f» 188 :
« Tandis que la royne d'Eng-leterregisoit d'enfant en la ville d'Anvers, comme nous avons cy tout près dit, le roy Edouard, son mary, s'en alla en Flandres et en Allemaîgne, et eus es pays d'environ pour parler à ses allyés et au roy d'Allemaigne qui estoit empereur, pour eulx secourre d'ayde, ainsi qu'ils lui eurent en couvent, parmy ses deniers donnans, dont il y avoit aucuns qui estoient allyés au roy Philippe do France, et s'ils voloient garder et tenir leur serment, il convenoit qu'ils allaissent à l'empereur leur seigneur, et le fesissent sceoir en siège magestal et renouveler son empire, et là feroit-il du roy d'Engleterro son vicaire pour obéyr à luy, et ainsy furent-ils d'accord qu'ils yroient, sy y allèrent et trouvèrent l'empereur à Convinlence, en Allemaigne, et eurent conseil des barons du pays et do l'empereur mesmes, qu'il seroit renouvelés à empereur comment qu'il en fût; sy en fist-on, ainsy comme vous orez chy après.»
On lit un peu plus loin :
« Après le triumphe et renouvellement de l'empereur assis en siège superior et magestal et que les haulx et honnourables convives eurent esté fais et tenus des princes et barons de l'empire, où maintes haultes et bonnes ordonnances furent-jurées et confermées à l'onneur et exauchement du siège impérial, adont prinrent congiet les princes l'un de l'autre jusques à ung jour qui mis y fut. Sy s'en revint le roy d'Engleterre en Anvers, et avoec luy le' sire de Burghersh et trouvèrent Jacques d'Artevelle qui estoit venut pour parler au roy d'Engleterre pour le pays de Flandres. Sy parla tant le dit Jaques au roy et par sy raisonnables parQjles, et que ceulx de Flandres ne voloient au roy que tout bien et qu'il volsist souffrir que les passages fussent ouvers par quoy marchandise courust, et Jaques feroit tant que Flamens le serviraient à son besoing et obéiroient à son commandement en ses guerres. Et adont y eult pluseurs paroUes dites et respondues et loriguement furent ensamble à parlement. En la fin fut l'accord que Flamens se deb voient tenir tout quois en leur lieu et garder leur pays que nul n'y entrast, tant que le roy d'Engleterre et son conseil yroient en Flandres parler aux bonnes villes. Et là en dedens le dit Jaques parleroit à eulx, Qi sur ce point ledit Jaques print congiet jusques à une aultre fois. Et le roy demoura en Anvers une espasse avoec le duc de Brabant, le conte de Haynault et Jehan de Beaumont, lesquels prièrent tant et la ""joyne ossy audit conte de Haynault que les osts du roy d'Engleterre
DE FROISS/VHT. "Ul
