CHAPITRE LXXVIII

Comment li rois d'Enffleterre deffia le roi de France.

Or passa li iviers ; li estes vint. Li rois d'Engleterre, tout celle saison , petit à petit fist par deçà la mer et par delà apparillier ses pourvéances , et quant la Pentecouste fu passée , il se départi de Louvaing* et laissa là la roine sa femme et s'en vint log-ier à Villevort à une lieue priés de Brousselles et remanda toutes ses gens qui estoient espars en Hainnau et en Braibant , et là, furent tendu es ces biaus prées qui sont grant et large, au loue de la rivière, tentes, trefs, auqubes et pavillons et toutes ordenances de logeis , et escripsi deviers ces signeurs d'Alemagne et leur manda comme vicaires de l'empire et les semonst sus lors fois que tout venissent. Cbil signeur s'ordonnèrent tout par grant loisir et ne se délivroient point, ensi que li rois d'Engleterre vosist, et prendoient piet sus le duch de Braibant, et de ces détriances li rois d'Engleterre estoit tous merancolieus, et convenoit que il portast ce dangier. Bien sentoient et congnissoient li signeur d'Alemagne que li dus de Braibant se dissimuloit et se portoit de ces besongnes assés froidement , et se savoient bien li pluisseur que il avoit envoyet son chevalier messire Lois de Cranehem à Paris deviers le roi de France et li faisoit là tenir tout quoi pour li escuser de toutes informations senestres qui pooient venir. Nequedent, toutes

peussent passer parmy le pays de Ilaynault, sans nul tort faire ù luy, et pour bien payer, et tant luy prièrent qu'il l'ottroia par lo conseil du duc et de monseigneur Jehan de Beaumont. »

ces coses misses avant, il se départirent de lors liens quant il orent pourveu lors g-ens et s'en vinrent à Villevort deviers le roi d'Engleterre et vicaire à remperour,et ensi que ilvenoient il selogeoient sus celles belles praieries qui sont entre Villevort et Brousselles, et vinrent tout premièrement li dus de Guerlles, seroug-es dou dit roi , li contes de Jul- 1ers, li contes des Mons, li contes de Saumes-en-Saumois ', li archevesques de Coulongne et messires Gallerans ses frères , li sires de Fauquemont, messires Ernouls de Baqueliem ^ et pluisseur chevalier ^.. et tout ruste d'Alemagne. Messires Jelians de Hainnau estoit tousjours dalés le roi et de son consel. Quant il furent venu, li rois d'Engleterre lor requist que il vosissent escrire et séeler avoecques lui lettres de deiïiances à Philippe de Valois qui se nommoit rois de France. Chil signeur d'Alemagne respondirent généraument que il estoient tout prest, mais que li dus de Braibant vosist ce fairer, et bien apertenoit que il le fesist, car il estoit li plus proçains de sanc et de linage qui fust là au roi d'Engleterre. Adonc requist li rois d'Engleterre au duch de Braibant par hommage et par linage que il vosist séeler. Li dus de Braibant fu consilliés de respondre : si respondi et dist que point pour l'heure il ne escriroit, ne séeleroit nulles deffiances avoecques euls , et pas ne s'escusoit que il ne le deuist faire , mais ce que fait en seroit, il le feroit de soi-meismes sans

* Saumes-en-Saumois, Salm-Salm.

2 Arnould de Bacquehem, fils d'Arnouldde Bacqueliem et deFlorence de Caudry. Les sires de Bacqueliem étaient de la maison de Noefville en Artois. Ils s'étaient fixés depuis longtemps en Hainaut, et s'étaient alliés à la maison deVertaing. Les descendants de ces sires de Bacqueliem, créés marquis en 1766, existent encore aujourd'hui en Belgique et en Allemagne.

3 Lacune d'un mot?

DE FUOISSART. 245

nullui mettre en sa lettre. Dont regarda li rois d'Engleterre sus les signeurs d'Alemagne et leur dist : .« Biau signeur, « je me tieng assés contens de ce que mon cousin de Brai- « bant en fera. Nous sommes en son pais, et quant nous « serons dehors il auera mieuls cause de escrire et séeler ^t les deifîances que il n'a présentement. Si vous pri chiè- « rement que vous ne vos voelliés pas arester sus ce et « séelés avoecques moi. » Il regardèrent tout l'un l'autre. Dont dist li dus de Guerlles : « Contes de JuUers et vous, « contes des Mons, biaus .cousins, nous i metons trop de « détris sans raison : il le nous fault faire, et à ce nous « sommes aloyet et obligiet de trop grant temps. » Dont respondirent li Alemant tout de une vois : « Dus de « Guerlles, vous dittes vérité. » Là fu conclu et acordé que tout séeleroient avoecques le roi d'Engleterre les deffiances à Phelippe de Valois , ensi que il fissent. Li rois d'Engleterre en cliief escripsi et séela pour lui et pour tous ses consauls d'Engleterre et puis séelèrent tout li aultre , réservé le duch de Braibant. Ghils volt faire son fait à par lui. Les deffiances escriptes et séelées, li évesques de Lincole fu cargiés de les porter et faire le message. Il l'emprist avoecques ung hiraut d'Engleterre , liquels cevauça tout devant pour impétrer ung sauf-conduit pour le dit évesque alant et retournant; et l'atendi à Valencliiennes. Li hirausj^ui chevauça devant, esploita si bien que il ot le sauf-conduit pour l'évesque de Lincole et toute sa famille ' alans et retournans et le porta à Valenchiennes là où li évesques l'atendoit.

Quant li dis évesques Tôt, il se départi de Valenchiennes et vint au Chastiel-en-Cambrésis et puis à Saint-Quentin

1 Famille, mes}ne, fiuiio^(\omesii(\ui)B.

et à Hem et puis à Noion, et fist tant par ses journées que il vint à Paris et se logea au Cliastiel-Festu en la rue dou Tiroi , derrière les Innocens. Pour ces jours estoit li rois Phelippes à l'ostel c'on dist de Nelle oultre la rivière de Sainne, et là ala li évesques de Lincole faire son message et parla au roi, car on li fîst voie, et li rois le volt veoir et oïr. Si mist les deâiances avant : adonc regarda li rois la lettre et les séauls qui i pendoient. Si fist dire à l'évesque que il pooit bien partir quant il voloit, car il se tenoit pour tous deffyés; et aussi li évesques de Lincole, pour plus deuement faire leedeffiances, avoit rendu au roi de France, avant ce que il monstrast ses lettres, l'ommage tout entier et tel que il le tenoit de li, et li rois l'avoit repris. C'estoit la conté de Pontieu et en Guienne auqunes terres qui s'estendent entre la rivière de la Bourdonne et la Gironde , car ce qui est par delà, les rois d'Engleterre ont tousjours tenu quitement et liegement, et ensi comme l'iretage d'Engieterre. Quant li évesques de Lincole ot fait ce pour quoi il estoit venus, il se départi et retourna arrière, et tantos li rois Phelippes envoia saisir la conté de Pontieu et la conté de Monstruel et toutes les terres que li rois d'Engleterre avoit relevé de la couronne de France et qu'il tenoit au jour que les deiïiances vinrent, et transmuèrent li ofiîcyer qui commis i furent de par le roi, tous officyers et i remissent aultres, seloncli les ordonnances des liens, mais il ne tint pas longuement la conté de Pontieu , quant il la donna à messire Jaquème de Bourbon, ung sien cousin moult proçain, et liquels estoit issus, et li dus Pierres de Bourbon , ses frères , de la droite coste dou roi saint Lois de France , et ne tenoit pas li dis messires Jaquèmes de Bourbon, au jour que li rois li donna la conté de Pontieu, trop grant terre, et pour ce li augmenta-il son hiretage, et

bien lemploia , car li gentils chevaliers fu ausi pourveus de nobles conditions que nuls chevaliers peut estre. Or se tint li rois Phelippes pou;* déifiés dou roi d'Engleterre et des conjoins et ahers avoecques li en celle guerre.

Or vous voel recorder une grande apertise d'armes et la première qui fu faite en France que mesires Gantiers de Mauni, uns bacelers et chevaliers de la conté de Hainnau, et tousjours vrais et loiaus englois, fist sus le roiaulme de France , le roi d'Engleterre et ses hoos estans à Villevort.