CHAPITRE LXXIX
Comment messires Gautiers de Mauni chevaucha jusque» à Mortajjne et conquit le chastiel de Thun-l'Évesque.
Si trètos que messires Gautiers de Mauni peut sçavoir et percevoir que li rois de France fu deffiés et que li évesques de Lincole se metoit au retour, il fist tant que il ot quarante lances de bons compaignons hainnuiers et englois , et se départi de Braibant et chevauça tant de nuit avoecques l'aide dou jour que il vint en Hainnau et chevauçoient ils et ses gens à la couverte, et ne savoient ceuls de la compagnie fors ils et une ghide qui les menoit, où il voloient aler, et se boutèrent ens es bois de Blaton '. Li gentils chevaliers avoit voé en Engleterre devant dames et signeurs et dit ensi : « Se la guerre s'esmeut entre le roi « d'Engleterre, mon signeur, et Phelippe de Valois qui « se dist rois de Franche, je serai li premiers qui s'en « armera et qui prendera chastiel ou ville sus le roiaumo
• Blaton, k 1 lieue E. de Pcruwclz.
« de France. » Et de ce veu point il n'en défalli , car il s'en vint de nuit bouter ens es bois de Wières ' moult priés de Mortagne, et quant il fu là venus, il dist à ses compagnons tout ce que il voloit faire , et se emprise il li acordèrent.
La ville de Mortagne sus la rivière d'Escaut , quoique elle soit moult priés gardée, pour ce jour fu en très-grande aventure de estre prise, car messires Gantiers de Mauni et sa route vint sus la journée si priés que il se boutèrent en enbusque ens es haies et buissons dalés Mortagne et orent pourveu coces '^ et abis de femmes , lesquelles il prissent en ung village sus lor cemin, et grans crétins ^ plas, là où ces femmes qui vont au marcbiet mettent bures , oefs et frommages, et abituérent quatre de lors hommes de l'abit de ces femmes et loyérent entour lors testes belles blances loiures * de toille et prissent ces crétins couvers de blances napes et monstroient que elles venissent au marchiet vendre lors bures et frommages, et vinrent sus l'eure de solel levant à la porte et la trouvèrent close et le guichet entreouvert, et ung homme qui le gardoit, et quida véritablement que ce fuissent femmes d'un village là priés, qui venissent au marchiet et ouvri le guichet tout arriére pour elles entrer et lors crétins. Quant chil homme en abit de femmes furent dedens, il se saisirent dou portier et traïssent Ions coutiaus que il portoient desous lors gonnes ^ et li dissent : « Se tu sonnes mot, tu seras mors. » L'homme fu moult effraie et doubta la mort et se tint tous quois
• Wihers, à 1 lieue 0. de Peruwelz.
- Coces, chausses.
^ Crétins, paniers.
^ Loiures, bandes.
* G-onnes, robes.
dalés euls. Evous messire Gautier de Mauni venu et ses compagnons qui les poursievoient de lonch et avoient laissiet lors chevaus en haies et en buissons assés priés de Mortagne en la garde de lors variés et veirent que lor compagnons estoient signeur de la porte. Si se hastèrent dou plus qu'il porent et entrèrent dedens le guichet tout à lor aise , et s'en vinrent deviers la tour et le dongeon , et le quidièrent trouver mal gardée , mais non fissent , car elle estoit fermée. Adonc se tinrent euls tout quoi et veirent bien que il avoient falli à leur entente et que la ville, sans le chastiel, ne lor valloit noient à tenir. Si se retraïssent tout le pas là par où il estoient venu et ne portèrent aultre damage à la ville de Mortagne que il boutèrent le feu en deus ou trois maisons, et puis issirent et montèrent sus leurs chevaus et se départirent sans aultre cose faire. Moult de gens de la ville de Mortagne estoient encores en lors lits et ne sceurent riens de celle aventure. Messires Gantiers de Mauni , pour acomplir son emprise , ils et si compagnon chevauchièrent et rentrèrent en Hainnau et passèrent l'Escaut à un ponton au desous de Condet , et vinrent ce jour disner en l'abéie de Vicongne et là rafresquirent lors chevaus et s'i tinrent jusques à la nuit. Encores n'estoit li païs de riens efiPraés, et montèrent sus lors cevaus à la vesprée et cevauchièrent amont et passèrent les bois de Walers , et entrèrent en Ostrevant , et avoient guides qui les menoient, et vinrent entre Denain et Cambrai passer la rivière de la Sensée qui rentre en l'Escaut à Bouchain, et cevauchièrent tant que sus l'eure de solel levant il vinrent à un chastiel que on dist Thun-l'Évesque séeant sus la rivière d'Escaut, et si à point que les mesnies doudit chastiel mettoient hors le bestail pour pasturer eus es prées qui sont priés de là, et encores estoit li clinstel-
lains en son lit. Si entrèrent dedens la porte, car il le trouvèrent ouverte et furent signeur et mestre dou chastiel et boutèrent hors tout ceuls et celles que dedens il trouvèrent, et retint li dis messires Gantiers de Mauni le chastiel pour li et i establi et le donna à un sien frère chevalier , lequel on nommoit messire Gille de Mauni , et fist chils depuis en l'année pluisseurs destourbiers à ceulx de Cambrai, et quant li dis messires Gantiers de Mauni ot fait ces emprises , il s'en retourna deviers le roi d'Engleterre , son signeur, et fist tant que il se trouva à Malignes, et là estoit li rois d'Engleterre venus et i avoit un parlement.
