CHAPITRE LXXX

Comment les François pillièrent la ville de Han tonne.

Tout en telle manière que les Englois commenchièrent à soutillier quant les def&ances furent faites dou roi d'Engleterre au roi de France, comment il poroient nuire et porter damage les François , li rois de France et son consel toute la saison aussi, n avoient entendu à aultre cose fors à euls pourvéir par mer et par terre, car par le apparans que il veoient et desquels il avoient oï parler, il supposoient assés que il aueroient la guerre, et avoient establi sus la mer une quantité de nefs normandes et grant fuisson de Genevois * et de gens marins que on appelle esqumeurs de mer, et en estoient meneur et gouvreneur de par messire Carie Gremaus % amiral de France,

' Genevois, Génois.

2 Gremaus, Grimaldi,

messire Hues Quierès, Bahucès et Barbevaire, et se tenoient en la marée de Dieppe et de Harflues. Si trètos que les deffiances furent venues à Paris de par le roi d'Engleterre, il en furent segnefyet. Si se départirent chil dit esqumeur des bendes de France et ceminèrent au travers de la mer et vinrent avoecques le vent et la marée ou havène de Hantonne, un dimence que toutes gens estoient à messe, et fu la ville si sourprise que il n'eurent nul loisir d'entendre à garder lor ville et lor havène, et estoient bien ces dis esqumeurs vint mille, uns que aultres, et furent pour ce jour signeur de Hantonne, et s'enfuirent hommes, femmes et enfans qui fuir peurent pour euls sauver, et en ocirent et prisent biaucop et fustèrent toute la ville de ce que il i trouvèrent de lainnes et de draps ; et quant la marée fu revenue, il entrèrent en lors nefs, mais avant il boutèrent le feu en la ville en plus de soixante lieus, et puis il issirent dou havène et entrèrent en mer, et s'en retournèrent arrière viers Normendie où menèrent biaucop de prisonniers que depuis il rançonnèrent. Ces nouvelles s'espardirent parmi Engleterre comment li •Normant avoient esté à Hantonne et l'avoient prise de fait et toute reubée et pilliée, dont sentirent bien li Englois que la guerre estoit toute ouverte entre France et Engleterre.