CHAPITRE LXXXI
Comment li rois d'Engleterre se partit de Malignes ot vint à Valenciennes.
Li rois d'Engleterre estoit venus h Malignc^s îi un parlement qui là se tint, car li Alemant qui le roi d'I^iU-
g'ieterre voloient servir et qui deffyet avoient le roi de France, s'esmervilloient grandement entre euls, de ce que li dus de Braibant ne se apparilloit aultrement pour aidier son cousin germain, le roi d'Engleterre, et fu là dit, aresté et consellié que tous se départiroient de Villevort où logiet il estoient et cemineroient oultre et passeroient parmi Hainnau. Tout ce ne pooit desvéer ' li contes de Hainnau puisque il en estoit requis dou vicaire à l'emperour ; il convenoit que il fust en obéissance, et fu remonstré au roi d'Engleterre que il s'adrèceroit parmi Brousselles et iroit parler au duch son cousin, puisque iln'estoit venus au parlement à Malignes et li remonstreroit ces défiances et aultres coses desquelles on estoit tout esmervilliet. Ensi se conclut si parlement, et retournèrent li signeur à Villevort, et se commencbièrent à deslogier et à trousser tentes et très, auqubes et pavillons et toutes manières de logeis portatis, et à mètre sus cbars et sus charrettes. Tout fu deslogiet et mis à voie et à chemin et passèrent au dehors de Brousselles. Li rois d'Engleterre, li dus de Guerlles, li contes de Jullers, li arcevesques de Coulogne , li marquis de Misse et d'Eurient % messires Robers d'Artois, messires Jehans de Hainnau et li sires de Fauquemont entrèrent en Brousselles et i disnèrent et furent une nuit, et entrues lors gens passèrent oultre. Li rois d'Engleterre, en la présence de ces signeurs desus nommés, demanda au duch de Braibant quelle estoit se intension de venir devant Cambrai ou dou laissier. Li dus de Braifcant se hontoia ^ pour la cause des grans signeurs , ses cousins , qui là estoient
' Desvéer, refuser.
2 Marquis de Meissen (ou de Misnie) et d'Ostersand (Orient ou Eurient).
3 Se hontoia, eut honte.
DE FROISSAUT. 455
et qui tout s'aquitoient loiaument enviers le roi d'Engleterre, et ce que il i avoiteude défaute et de dissimulation il ri avoit mis, et si estoit plus tenus au roi d'Engleterre que nuls des aultres car c'estoit ses cousins germains. Si respondi et dist : « Si trètos comme je porai sçavoir que « vous serés à siège devant Cambrai, je me trairai celle « part à douse cens hiaumes et vint mille hommes des « villes de Braibant. » Celle respoïise soufB. assés bien au roi et as signeurs qui là estoient et qui entendu l'avoient, et disnèrent et soupèrent ce jour en grant reviel avoecques le duch de Braibant, et au matin il s'en départirent et vinrent ce jour à Nivelle et se remissent cbil signeur avoecques lors gens, et li rois d'Engleterre- s'en vint à Mons en Hainnau et là trouva le jone conte de Hainnau, son serourge, qui le rechut liement pour deus raisons : la première estoit pour clie que il avoit sa serour espousée et l'autre raison : faire li convenoit, car li rois d'Engleterre estoit vicaires à l'empereour, ensi.que vous savés; se le devoit recevoir, puisque requis en estoit, comme son signeur et faire toute honnour , révérense et obéissance. Si se rafresquirent li rois d'Engleterre et li signeur qui avoecques lui estoient, deus jours en la ville de Mons, et entrues passèrent lors gens et li charois. Ce fu mois de septembre et avoit-on partout miessonné ' , et s'avalèrent toutes ces. gens d'armes en la marce de Valenchiennes et se logièrent ens ces villages et trouvoient des biens assés. Li auqun paioient moult volentiers ce que il prendoient, et li aultre non, car Alemant ne sont pas trop bon paieur, là où il le pueent amender. Li rois d'Engleterre, lui trentime de signeurs d'Engleterre et d'Alemagne, entra en
* Miessonné, moissonné, fait la moisson.
â54 CHRONIQUES
Valenchiennes et avoit la nuit devant jeu à Saint-Sauve en la priorie, et là vinrent li contes de Hainnau et messires Jehans de Hainnau son oncle et pluisseur baron et chevalier de Hainnau en la compagnie dou conte, et le jour encores que il entra à Valenchiennes, li rois avoit disné à Saint-Sauve à demi-lieue de Valenciennes. Et entrèrent li rois et li signeur en laditte ville par la porte Montoise et amena li contes, li roi, en son hostel que on dist en la Salle, laquelle Salle et hostel on avoit ordonnet et apparilliet très-ricement, ensi que pour le corps le roi. Et avint que en montant les degrés de la Salle, li évesques de Lincole qui là estoit présens, esleva sa vois et dist : « Guillaumes d'Ausone, évesques de Cambrai, je « vous amoneste comme procureur de par le vicaire au « roi d'Alemagne et à l'empereur de Rome, que vous « voelliés ouvrir la chité de Cambrai et requellier dedens « le roi d'Engleterre, vicaire à l'empereur. » A cette requeste et parole ne respondi nuls. Apriès tourna li dis évesque sa parole sus le conte de Hainnau et dist : « Contes de Hainnau, je évesques de Lincole, procurères « dou roi d'Engleterre, vous amoneste de par le vicaire de « l'empereour que vous le venés servir, là partout sus « l'empire là où il vous menra pour lui aidier à corrigier « les rebelles » Li contes respondi et dist : « Je obéirai « volentiers si avant que je sui tenus. » Donc respondi li rois d'Engleterre qui estoit d'encoste: « Cela nous soufist. » Apriès ces monitions et requestes, il montèrent les degrés de la Salle, et fu menés dou conte de Hainnau li rois d'Engleterre en sa cambre et ensi tout li aultre signeur en lors cambres, et fu li ostels de la Sale de Valenchiennes ordonnés seullement pour le roi d'Engleterre et son tinel, et li contes de Hainnau et la contesse furent looriet à l'os-
DE FROISSAIIT. -255
tel (le Hollandes. Et vint la jone contesse de Hainnau bien acompagniés de dames et de damoiselles de son païs veoir le roi d'Engleterre, et li rois le rechut moult doucement, ensi que chils qui bien le sceut faire. Si fu li soupers grans et biaus et bien estofés, et li rois d'Engleterre grandement bien requelliés et lionnourés dou conte, son serouge, et des chevaliers dou païs. A l'endemain apriès disner, il se départi de Valenchiennes et vint à Fontenelles l'abéie, veoir madame de Valois sa grandedame- ' , et fu avoecques lui li dis rois bien deus heures et là aussi estoit li contes de Hainnau. Si prist li rois d'Engleterre congiet à la bonne dame et puis se départi , et vint ce soir au souper et à la giste à Haspre \ et li contes de Hainnau retourna à Valenchiennes et jà a voit fait tous ses commandemens et semons ses hommes pour venir ou serviche le roi d'Engleterre devant Cambrai.
