CHAPITRE LXXXH

Comment li rois d'Engleterre se logia devant Cambrai.

Vous savés si comme il est contenu ichi desus en nostre histore que chil de la chité de Cambrai avoient esté deviers le roi Phelippe pour li remonstrer comment il avoient entendu que li rois d'Engleterre, comme vicaires à Loys de Baivière, roi d'Alemagne et empereur de Rome, venroit h poissance mettre le siège devant lor ville et avoient pryet audit roi, comme chil qui se voloient de tous poins tenir

' Sa grande dame, sa grand'mère.

* Haspre, à 2 lieues de Valonciennes.

avoecques lui, pour tant que il ne se sentoient pas pourveu ■ assés de gens d'armes, que ils loren vosist envoyer. Li rois estoit descendus à ceste pryère et avoit envoyet en garnison en la cMté de Cambrai messire Amé de Genève, le Galois de la Baume, savoyen, messire Jehan de Groulée, le signeur de Vinai, messire Loys de Châlon, messire Tiebaut de Moruel, le signeur de Roie, le signeur de Fosseux, le signeur de Biausaut, et bien deus cens lances de bonnes gens d'armes, chevaliers et esquiers, et avoit fait pourvéir et rafresquir tous les castiaus de Cambrésis de bonnes gens d'armes. A la fin que il ne fuissent sourpris de nulle maie aventure, li sires de Couci avoit envoyet à Oisi en Cambrésis environ quarante lances de bons compagnons, desquels li sires de Clari estoit chief. Li païs estoit tous pourveus sur les frontières d'Artois, de Cambrésis et de Vermendois. Avoecques tout ce, li rois Phelippes faisoit un mandement très-grant par tout son roiaulme et hors, et prioit ses amis et commandoit à ses subjets, car li intension de li estoit telle que il venroit combattre le roi d'Engleterre, fust devant Cambrai ou ailleurs, et que jamais ne retourneroit à Paris, si l'aueroit combatu, car pour lors il se tenoit à Compiengne et faisoit là son mandement. Quant li rois d'Engleterre ot esté à Haspre deus jours et que jà moult de ses gens furent passet et venu à Nave, à Cacongle ' et là environ, il se départi et vint viers Cambrai et s'aresta à Wis^ en Cambrésis. Tout chil signeur d'Alemagne par ordenance passèrent oultre et vinrent mettre le siège devant Cambrai. Le second jourapriès vinrent li jones contes Guillaumes de Hainnau et messires Jehans de Hainnau,

* Naves et Cagnoncle, villages à 7 kilomètres de Cambrai. 2 Wis, Ywis ou Yway, village à 9 kilomètres de Cambrai.

DE FftOISSART. 257

son oncle, à grant compagnie et belle de Hainnuiers, et estoient plus de cinq cens lances, chevaliers et esquiers, et s'en vinrent logier devant Cambrai. Le sissime jouy, apriès vint li dus Jebans de Braibant et avoit en sa compagnie bien neuf cens hommes. Si environnèrent ces gens d'armes englois, alemans, hainnuiers, tiessons', la chité de Cambrai. Assés tos apriès ce que li dus de Braibant fu venus à hoost devant Cambrai, il fu prjés et requis dou roi d'Engleterre que il envoiast deffier le roi de France. Li dus respondi à ce et dist que il le feroit tout à temps, et non volt encores pour lors riens faire jusques adont que il veroit que on vodroit chevauchier sus le roiaulme de France, et demora la cose en cel estât, mais li intension dou roi d'Engleterre estoit bien telle que jamais ne retour neroit arrière si aueroit ars et brui^ ou roiaulme de France. Et avoient chil de l'oost fait un pont sus la rivière d'Escaut pour aler de l'un en l'autre et i couroient tous les jours lés Englois et les Alemans ens ou Cambrésis et jusques à Bapaumes. Tous li païs estoit avisés, avant ce que li sièges venist devant Cambrai. Si avoient retrait li plus dou peuple lors biens ens es forterèces et lor bestail cachiet devant euls bien avant en Artois et en Vermendois, car ce qui estoit trouvé sus le plat païs, estoit perdu. Si eut à la chité de Cambrai, le siège là estant, pluisseurs assaus et escarmuces, mais la bonne chevalerie qui dedens estoient, ensongnièrent si bien que point n'i prissent, ne rechurent de blâme, ne de damage. Messires Jehans de Hainnau, li sires de Fauquemont et auquns chevaliers de Guéries et de Jullers se départirent un jour dou siège et cevauchiè-

» T'itfwows, thiois? des Pays-Bas?

2 Brut (de là le mot : brûlas) ravagé, pillé.

rent si avant que il vinrent devant Oisi en Cambrésis et descendirent li auqun à la barrière, et là ot grande escarmuce, car li chevalier et li esquier qui dedens estoient de par le signeur de Couci, si portèrent vaillamment et ni prissent point de damage, et retournèrent en l'oost li Alemant sans riens faire.