CHAPITRE LXXXIII
Comment li rois d'Engleterre se avisa qu'il se départiroit du siège et comment li ducli de Braibant promit qu'il deffîeroit le roi de Prance.
Encores ce siège durant devant Cambrai, vint par un samedi li jones contes de Hainnau qui fu moult bacelereus entre tous ceuls de son païs où il i avoit très-bonnes gens d'armes, à la porte de Saint-Quentin et descendirent ils et ses gens à piet. La porte desus nommée estoit gardée des Savoyens desquels messires Amé de Genève et li Galois de la Baume estoient souverain, et là ot très-grande escarmuce et dure, et fait pluisseurs apertisses d'armes. A une aultre porte que on dist la porte Robiert estoient aussi en armes li dus de Jullers et li dus de Guéries et lors gens. En la garde de la porte estoient li sires de Vinai et messires Lois de Cbâlon et lors gens et fissent contre ces Alemans à la deffense tamainte apertisse d'armes. A la porte de Douai estoient li sires de Roie et messires Tiebaus de Moruel et eurent l'asaut de messire Jehan de Hainnau et dou signeur de Fauquemont et de messire Weri de Wallecourt, et furent ce jour tous vaillans gens li assallant et li deffendant et tant que point ne prissent de damage. Li hoos dou roi d'Engleterre et des signeurs qui là estoient,
n'avoient nulle défaute de vivres, ne de pourveances, car il lor en venoit grant fuisson pour euls rafresquir, et tous les jours, de la conté de Hainnau et de Braibant, car chil pas là lor estoient ouvert. Quant li signeur veirent que riens il ne faisoient devant Cambrai et que li iviers aprocoit et les longues nuis, si se avisèrent que il se départiroient de là et cevauceroient en France, et bouteroient le duch de Braibant en la guerre qui encores n'avoit deffyet le roi de France, et puisque il estoit si avant venus, blâme trop grant li seroit se il ne faisoit ensi que li aultre. Toutes ces coses furent remonstrées à part au roi d'Engleterre et à messire Eobert d'Artois et à messire Jehan de Hainnau par lesquels consauls il s'ordonnoit le plus , et tout respondirent que ce seroit bien de faire ensi, mais tout considéré il apertenoit que li dus de Braibant en fust segnefyés, afin que il euist pourvéance de deffier le roi : à tout le mains on oroit sa response et.veroit-on quelle chière il en feroit.
Si manda li rois d'Engleterre en sa tente tous les chiefs des signeurs et leur fist dire que il voloit avoir parlement à euls. Tout i vinrent. Quant tout furent venu, li dis rois d'Engleterre les remercia des services que il li faisoient, et puis entra en la matère moult sagement et leur dist : « Biau signeur, je ne suis pas venus en ce païs et je n'ai « pas fait faire les frès et les coustages si grans que vous « voés que je fais et ai fais jusques à chi , pour tenir le « siège devant Cambrai. C'est li intension de moi et de « ceuls qui ont deffyet le roi de France que nous nos « départirons de chi dedens quatre jours et chevaucerons « en France et verons se nostre adversaire Phelippe de « Valois venra sus les camps à l'encontre de nous, siques, « biaus cousins de Braibant, vous n'avés pas encore def-
260 CHRONK^UES
« fyet le roi de France, et tousjours avés-vous dit que « vous le deffierés tout à temps. Je le vous remonstre, car « il est heure que vous le deffiés, se le deifyer le devés. » Li dus de Braibant se vei pris en parole et convenoit que il respondesist, ne plus ne pooit requler, ne faire nulle disimulation, et si estois li j^lus proçains que li rois d'Eng-leterre euist là et li fu avis trop grant blâme li seroit de dire non. Si respondi et dist si hault que tout l'oïrent : « Cbe que je me sui souffers jusques à chi à non deffyer « le roi de France, la cause principaus estoit tele que je « quidoie et supposoie tous les jours que auquns bons « moyens se deuissent ensonnyer de ceste guerre appar- « rant entre France et Engleterre, par quoi casquns des « rois euist eu son droit, et puisque li contraires est et que « vous , biaus cousins d'Engleterre , volés procéder en la c( guerre, je escrirai et pondérai à mes lettres mon séel et « ferai pendre les seaus de tous les barons de ma terre, « certefians la deffiance qui s'adrècera à Pbelippe de Va- « lois qui se dist rois de France. » Tout respondirent : « C'est bien dit et bien parlé €t nous demorrons tout « avoecques. »
