CHAPITRE LXXXXII
Comment les François ardirent les fourbours de Chimai et livrèrent un assaut au chastiel de Relenghes.
Quant li chevalier voisin à celle Tiérasse sceurent et entendirent que ces gens d'armes englois et alemans estoient retrait, tels que li sires de Couchi, li sires de Vervins , li visdames de Châlons , li sires de Presegni , li sires de Loré, li sires de Clari, li sires de la Bove, li sires de Loques et chil liquel avoient eu lors villes arses des Englois et des Alemans (et messires Jehans de Hainau avoit aussi esté en auqunes de ces cevauchies, il n'en s'en pooit escuser , ne voloit , car il li convenoit servir le roi d'Engleterre, puisque il prendoit ses deniers), ces gens d'armes fissent lor quelloite de compagnons et tant que il furent environ mille armeures de fier, et plus en euissent eu se il vosissent, mais il lor sambla que il estoient gens assés pour brisier la terre messire Jehan de Hainau. Li sires de Couchi i envoia auquns de ses hommes, mais il ni volt point estre pour une si petite contrevengeance. Ces gens d'armes fissent lor assamblée secrètement, et passèrent de nuit les bos que on dist la Tiérasse, et vinrent sus le point de solel levant ou sart de Chimai. Les bonnes gens n'estoient encores de riens en doubte et ne quidoient
286 «limONIQUES
point comparer les chevauchies que lors sires, messires Jelians de Hainnau, avoit fait en France en servant le roi d'Engleterre , mes si fissent : car quant il orent passé les bois de Tiérasse et la haie de Ounay ' , il entrèrent ou plain païs et s'en vinrent courir devant Chimai. Tantos la ville fu esfraié. Si dorent les bonnes gens lors portes et montèrent as deffenses. Pour le temps d'adont, les fourbours de Cimai estoient grant, et moult de rices gens et de grans nourequiers ' i demoroient : il furent pris en lors lis, et se sauva qui se peut sauver. Ces gens d'armes françois aquellièrent grant proie tant que ens es fourbours de Cimai que ailleurs environ Chimai, ens es villages de là priés, et levèrent ce jour plus de douse mille blances bestes \ mille pors et cinq cens vaces et buefs, car c'est une marce moult raemplie de bestail et de noureçons. Et quant il orent tout levet et requelliet et mis ensamble , il commenchièrent à ardoir, et premièrement il ardirent tous les fourbours de Chimai et abatirent les moulins qui lors estoient hors de la fermeté, et coururent tout le païs de environ, et ardirent Virelle, Lompret, Vaus, Bailleus, Bourlers, Forges, Pos, Villers, Biaurieu, Saint-Rémi, Sainte-Geneviève, Salles, Ballèvres, Walers, Ebrètres et Montmegnies et toutes les villes dou sart de Chimai et se requellièrent à Selongne *, et quant il s'en départirent, il boutèrent le feu dedens. Riens n'i ot déporté et enmenèrent, avoecques la proie , biaucop de prisonniers que depuis il rançonnèrent bien, et acertes ce despit et contrevengeance fissent-il à messire Jehan de Hainnau et s'en retournèrent à Aubenton et là
' Ounay, Ouain?
2 Nourequiers, éleveurs de bétail.
' Blances bestes, chevaux.
♦ Tous ces villages entourent Chimay.
départirent-il lor butin, et puis s'en râla casquns en son lieu. Messires Jehans de Hainnau se tenoit pour lors à Mons en Hainnau dalés son cousin le conte. Quant ces nouvelles li vinrent que les François avoient arse et robée toute sa terre de Chimai, réservé la forterèce, si en fu durement courouchiés et à bonne cause et en parla à son cousin le conte, liquels li respondi et consilla que son damage il le portast au plus bellement que il peuist, car pour lors i n'en avenroit autre cose.
De recbief , en ceste meisme sepmainne , il avint que li saudoyer François, liquel se tenoient en la chité de Cambrai , issirent hors et vinrent devant le castelet de Relengbes ' , que messires Jehans de Hainnau f aisoit garder par ung sien fil bastart qui se nommoit Jehans et estoit chevaliers, et avoit avecques lui environ quarante compagnons. Chil saudoyer françois livrèrent grant asaut un jour au chastiel de Relenghes, et ne le porent avoir, et se retraïssent en Cambrai. Chil de Relenghes avisèrent ce soir lor maison et veirent bien que il ne le poroient soustenir longuement contre les Cambrissiens. Si prissent ce de bon que dedens avoient et l'emportèrent avoecques euls, et puis boutèrent le feu dedens et s'en départirent et s'en vinrent à Valenchiennes. A l'endemain chil de Cambrai retournèrent à Relenghes. Si trouvèrent que li compagnon qui gardé l'avoient, s'en estoient départi et avoient bouté le feu dedens. Si le parabatirent et désemparèrent de tous poins, et de tous ces damages fu enfourmés messires Jehans de Hainnau et les porta une espasse au plus bellement qu'il pot, ensi que il fault faire à le fois '.
» llelencourt ou Raillencourt (5 kil. de Cambrai)? ^ Aie fois, parfois.
