CHAPITRE C

Comment li dus de Normandie flst une très-grande assemblée de gens d'armes et vint se logier près dou Chastiel-en-Cambrésis.

Li François ne pooient oublier la cevaucbie que li contes de Hainnau et messires Jehans de Hainnau son oncle avoient fait en la Tiérasse, pris et ars la ville d'Aubenton , Maubert - Fontainnes , Vinci et bien quarante villes là ens ou païs, et disoient li François que ce ne faisoit point à souffrir, ne à consentir que il ne fust amendé. Tant fu parlé et remonstré au roi et à son consel que ordonné fu que li dus de Normendie , li ainnés fils dou roi Pbelippe, à une quantité de gens d'armes, s'avaler oit et venroit en la conté de Hainnau pour ardoir et bruir tous le pais et contrevengier les arsins que li contes de Hainnau et ses oncles et li Hainnuier avoient fait en la Tiérasse et en Cambrésis. Si trètos que li dus de Normendie fu eslus à estre cbief de ceste cevaucie, tout chevalier et esquiér de Vermendois, d'Artois et de Piquardie en furent resjoï, car euls se désiroient à armer et à porter contraire et damage les Hainnuiers. Et fist li dus de Normendie son mandement à estre à Saint-Quentin. Tout s'asamblèrent, et vinrent à Saint-Quentin grand fuisson de nobles signeurs, tels que le conte Raoul d'Eu et de Ghines, con-

nestable de France, le duch Pierre de Bourbon, messire Jaquème de Bourbon, son frère, le duch d'Athènes, le conte d'Auçoire, le conte de Sansoirre, le conte de Waudemont et de Genville, le conte de Eoussi, le conte de Porsyen, le conte de Brainne, le conte de Dreus, le signeur de Couci, le signeur de Montmorensi , le conte de Grantpret, le signeur de Castillon, le signeur d'Esconflans, marescal de Champagne, le conte de Harcourt, le conte d'Aumale, le signeur d'Estotite ville , le signeur de Graville et moult d'autres et tant que il estoit bien quatre mille esporons dorés et douse mille armeures de fier, sans les Gennevois arbalestriers, et n'estoient pas celle asamblée si grande pour la cause de Hainnuiers que pour ce que il savoient bien que li Alemant , li Braibençons et li HoUandois, Zellandois et li Flamenc estoient tout aloyet avoecques les Hainnuiers , et de rechief que li contes de Hainnau estoit aies en Engleterre au secours. Se voloient li François monstrer poissance à l'encontre de tous ceuls qui por oient venir.

Quant toutes ces gens d'armes et aultres furent venus à Saint-Quentin et là environ et li dus de Normendie qui chief estoit de celle armée , et li charois fu tout aroutés, on se départi , et cevauchièrent devant li connestables et li marescal de France, et puis li dus de Normendie et sa route, et derrière li avant-garde, et s'en vinrent logier sus là rivière de Selles autour dou Chastiel-en-Cambrésis. Li dus de Normendie et son hostel s'en vinrent logier sus la dite rivière à Montais dehors le chastiel et n'avoit doubte de nului, dont il l'en fu priés mesceu.