CHAPITRE CI
Comment messires Gerars de Werchin, sénescal de Hainnau, resvillia l'oost dou duc de Normendie.
Pour ce temps i avoit en Hainnau un sénescal qui se nommoit Gérars et estoit sires de Werchin et de pluisseurs aultres villes. Chiî sénescaus fu moult vaillans et bacelereus et bien le monstra adonc et se tenoit en son chastiel à Werchin, mais si trètos que il sceut que li François aproçoient pour entrer en Hainnau, il s'en départi et s'en vint au Quesnoi çt quella sus heure ce que il pot avoir de chevaliers et esquiers et fu enfourmés, je ne sçai se ce fu par espies ou aultrement, que li dus de Normendie estoit logiés à Montais au dehors dou Chastiel-en-Cambrésis. Sus le tart il se départi dou Quesnoi et pooit avoir environ sysvins lances, chevaliers et esquiers, et quant il issirent hors dou Quesnoi, nuls ne sçavoit que li sénescaus voloit faire, ne oùaler, fors ils-meismes. Dou Quesnoi à Montais a quatre petites lieues: si furent tantos là. Quant il deubrent aprochier, il s'arestèrent tout en un biaucamp et missent lors armeures à point et recenglèrent lors chevaus, et là se descouvri li dis sénescaus et dist as chevaliers et esquiers : « Li dus de Normendie est logiés en celle ville « de Montais et je vous ai amené jusques à chi pour faire « auqune emprise d'armes. Si soyés tous avisés, et quant « nous entrerons en la ville, cryés : Hainnau au sénescal « et Werchin à la retraite ! et ne vous faindés pas de euls « porter contraire et damage, si vous poés, car quant il « entreront en nostre païs , il ne nous espargneront « point. »
La parolle dou sénescal fu oïe et requelloite, et s*enclinèrent tout chil qui là estoient, à bien faire la besongne. Là estoient li sires dou Sart, messires Oulfart de Ghistelles, messires Henris d'Uffalise, li sires de Wargni, Tiéris et Ostes de Soumain, Bauduin de Biaufort, Gérars de Vendegies, li sires de Montchiaus et pluisseur aultres. Là fu li pennons au sénescal de Hainnau desvelopés et le porta uns esquiers qui se nommoit Robers de Wargni, et cevaucbièrent tout serré et s'avalèrent «n la ville de Montais. Li dus de Normendie et chil qui là estoient logiet, se tenoient pour tout aséguret, et ne quidoient pas estre ensi resvilliéet que liHainnuierlor fuissent si apparilliet. Tout entrèrent en la ville et commencbièrent à cryer : « Hain- « nau au sénescal! » et descendirent li auqun (cbil qui ordonné i estoient), et entrèrent dedens un hostel et quidièrent que li dus de Normendie fust là logiés, mais non estoit, dont bien l'en cbéi. En cel ostel estoit logiés li sires de Brimeu et des compagnons françôis biaucop avoecques lui. Li cris et li baros commença à monter et à eslever moult grans, et chevaliers et esquiers à eujs resvillier, car jà en avoit grant fuisson de couchiés. Celle nuit faisoit le gait uns chevaliers de Normendie qui se nommoit Guillaumes sires de Gauville et avoecques li messires Pierres de Praiaus, et estoient establi en lor ordenance environ cent armeures de fier, et trop bien chéi à point au duch de Normendie et as signeurs qui là estoient logiés. Car se li gais ne fust tantos trais avant, li Hainnuier euissent porté grant damage as François, mais li chevalier dou gait se traïssent tantos avant et vinrent devant l'ostel le duch de Normendie et se missent en bonne ordenance. Quant li séneschaus de Hainnau veirent que heure fu de départir et que li hoos estoit bien estourmie, voires chil
DE FROISSART. 5i5
qui estoient logiés à Montais (car partout tant que avoecques le ducli n'avoit que huit banères et lors gens vintsys chevaliers en tout), donc se requellièrent li Hainnuier moult sagement et cryèrent : « Werchin à le retraite ! » Chil qui entrèrent dedens l'ostel li signeur de Brimeu en furent mestre et lefforchièrent, et fu pris et fîanciés prisons ' li sires de Brimeu et auquns de ses hommes. Ce fait, li Hainnuier qui descendu estoient, montèrent à cheval et se départirent tout ensamble, sans damage nul avoir de lors hommes, et se missent sus les camps et cevauchièrent viers le Quesnoi, dont il estoient parti, et retournèrent là au point dou jour. De céste emprise acquist grant grasce li séneschaus de Hainnau.
CHAPITEE CIL
Comment lés François portèrent grant damage en la conté de Hainnau.
Li dus de Normendie ne sceut riens de ceste avenue jusques au matin. Si fu moult courouchiés quant on li ot dit et que li sires de Brimeu et li sires de Bailluel en Normendie et li sires de Briance estoient pris. Dont dist li dus : « On ne le puet amender. Li Hainnuier ont volé et a pris et puis se sont retrait quant il ont fait lor emprise. « Aussi nous fault-il voler et prendre : si sera prise contre « prise. »
Quant ce vint au matin, les trompètes de deslogement sonnèrent de toutes pars ; dont se deslogièrent signeur où que il fuissent logiet, et furent ordonné* deus cens lances de
' Prisons, prisonniers.
coureurs pour descouvrir le païs, tous appers chevaliers et esquiers, et en estoient conduiseur et meneur, li Galois de la Baume, messires de Mirepois , messires Tiébaus de Moruel, li sires de Rainneval, li sires de Noyers, li sires de Saint-Pi, messires Jehans de Landas, messires Anthones de Qodun, li sires de Loques, messires Tristans de Magnelers et pluisseur aultre, et estoient bien deus cens compagnons , tous jones et appers bacelers et en grant volenté de porter damage à la conté de Hainnau, et cevauchoient chil tout devant et avoient lors hommes qui les siè voient et qui boutoient le feu. Apriès cevauçoit li avantgarde où li connestables deFrance et li marescal estoient, et là avoient bien deus mille armeures de fier, et puis cevauçoit li dus de Normendie, li dus d'Athènes et la grosse route des gens d'armes. Apriès venoit li arrière-garde que li sires de Couchi, li sires de Castillon, li sires de Montmorensi, li sires d'Estou te ville et pluisseur aultre menoient, où bien avoit deus mille armeures de fier. Au voir dire il estoient gen^ assés pour combatre tous cheuls de Hainnau grans et petis , et ensi que chil coureur chevauçoient devant, il ardoient le païs, sans ce que les batailles dou duch s'en ensonniassent, ne desvoiassent en riens, et vinrent ardoir Bavai , Mecquegnies , Obies , Gommegnies , Frasnoit, Wargni, Villers, et vinrent courir devant le Quesnoi, mais point n'i arestèrent , et fust volentiers li séneschaus de Hainnau issus hors, se il euist eu gens assés, et s'en vinrent ces coureurs à Bermerain et l'ardirent, et Vertain et Vertegneul , et tous les villages de là environ , et en avoloient les flamesches jusques dedens la ville de Valenchiennes, et vint li. dus de Normendie et toute li hoos ce second jour logier à Haussi, à Sausoit, à Solèmes et tout au lonc de la rivière de Selles jusques à Haspre et me-
noient moult grant charoi. Hommes et femmes et enfans avoient esté de lonc temps avisé de la venue des François siques il s'estoient tout pourveu .à l'encontre' de ce , et avoient amené et acharyet lors millours meubles à Valenchiennes, à Maubuege, au Quesnoi et à Bouchain. Li François trouvoient fourages assés pour lors cevaus et nulles aultres pourvéances.
